Read in తెలుగు / ಕನ್ನಡ / தமிழ் / देवनागरी / English (IAST)
|| sahāyaiṣaṇā ||
mārīca śrūyatāṁ tāta vacanaṁ mama bhāṣataḥ |
ārtō:’smi mama cārtasya bhavān hi paramā gatiḥ || 1 ||
jānīṣē tvaṁ janasthānē yathā bhrātā kharō mama |
dūṣaṇaśca mahābāhuḥ svasā śūrpaṇakhā ca mē || 2 ||
triśirāśca mahātējā rākṣasaḥ piśitāśanaḥ |
anyē ca bahavaḥ śūrā labdhalakṣā niśācarāḥ || 3 ||
vasanti manniyōgēna nityavāsaṁ ca rākṣasāḥ |
bādhamānā mahāraṇyē munīn vai dharmacāriṇaḥ || 4 ||
caturdaśasahasrāṇi rakṣasāṁ bhīmakarmaṇām |
śūrāṇāṁ labdhalakṣāṇāṁ kharacittānuvartinām || 5 ||
tē tvidānīṁ janasthānē vasamānā mahābalāḥ |
saṅgatāḥ paramāyattā rāmēṇa saha samyugē || 6 ||
nānāpraharaṇōpētāḥ kharapramukharākṣasāḥ |
tēna sañjātarōṣēṇa rāmēṇa raṇamūrdhani || 7 ||
anuktvā paruṣaṁ kiñciccharairvyāpāritaṁ dhanuḥ |
caturdaśasahasrāṇi rakṣasāmugratējasām || 8 ||
nihatāni śaraistīkṣṇairmānuṣēṇa padātinā |
kharaśca nihataḥ saṅkhyē dūṣaṇaśca nipātitaḥ || 9 ||
hataśca triśirāścāpi nirbhayā daṇḍakāḥ kr̥tāḥ |
pitrā nirastaḥ kruddhēna sabhāryaḥ kṣīṇajīvitaḥ || 10 ||
sa hantā tasya sainyasya rāmaḥ kṣatriyapāṁsanaḥ |
duḥśīlaḥ karkaśastīkṣṇō mūrkhō lubdhō:’jitēndriyaḥ || 11 ||
tyaktvā dharmamadharmātmā bhūtānāmahitē rataḥ |
yēna vairaṁ vinā:’raṇyē sattvamāśritya kēvalam || 12 ||
karṇanāsāpaharaṇādbhaginī mē virūpitā |
tasya bhāryāṁ janasthānāt sītāṁ surasutōpamām || 13 ||
ānayiṣyāmi vikramya sahāyastatra mē bhava |
tvayā hyahaṁ sahāyēna pārśvasthēna mahābala || 14 ||
bhrātr̥bhiśca surān yuddhē samagrānnābhicintayē |
tatsahāyō bhava tvaṁ mē samarthō hyasi rākṣasa || 15 ||
vīryē yuddhē ca darpē ca na hyasti sadr̥śastava |
upāyajñō mahān śūraḥ sarvamāyāviśāradaḥ || 16 ||
ētadarthamahaṁ prāptastvatsamīpaṁ niśācara |
śr̥ṇu tat karma sāhāyyē yatkāryaṁ vacanānmama || 17 ||
sauvarṇastvaṁ mr̥gō bhūtvā citrō rajatabindubhiḥ |
āśramē tasya rāmasya sītāyāḥ pramukhē cara || 18 ||
tvāṁ tu niḥsaṁśayaṁ sītā dr̥ṣṭvā tu mr̥garūpiṇam |
gr̥hyatāmiti bhartāraṁ lakṣmaṇaṁ cābhidhāsyati || 19 ||
tatastayōrapāyē tu śūnyē sītāṁ yathāsukham |
nirābādhō hariṣyāmi rāhuścandraprabhāmiva || 20 ||
tataḥ paścātsukhaṁ rāmē bhāryāharaṇakarśitē |
visrabdhaḥ prahariṣyāmi kr̥tārthēnāntarātmanā || 21 ||
tasya rāmakathāṁ śrutvā mārīcasya mahātmanaḥ |
śuṣkaṁ samabhavadvaktraṁ paritrastō babhūva saḥ || 22 ||
ōṣṭhau parilihan śuṣkau nētrairanimiṣairiva |
mr̥tabhūta ivārtastu rāvaṇaṁ samudaikṣata || 23 ||
sa rāvaṇaṁ trastaviṣaṇṇacētā
mahāvanē rāmaparākramajñaḥ |
kr̥tāñjalistattvamuvāca vākyaṁ
hitaṁ ca tasmai hitamātmanaśca || 24 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē ṣaṭtriṁśaḥ sargaḥ || 36 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.