Read in తెలుగు / ಕನ್ನಡ / தமிழ் / देवनागरी / English (IAST)
|| śūrpaṇakhōdyamaḥ ||
tataḥ śūrpaṇakhā dr̥ṣṭvā sahasrāṇi caturdaśa |
hatānyēkēna rāmēṇa rakṣasāṁ bhīmakarmaṇām || 1 ||
dūṣaṇaṁ ca kharaṁ caiva hataṁ triśirasā saha |
dr̥ṣṭvā punarmahānādaṁ nanāda jaladō yathā || 2 ||
sā dr̥ṣṭvā karma rāmasya kr̥tamanyaiḥ suduṣkaram |
jagāma paramōdvignā laṅkāṁ rāvaṇapālitām || 3 ||
sā dadarśa vimānāgrē rāvaṇaṁ dīptatējasam |
upōpaviṣṭaṁ sacivairmarudbhiriva vāsavam || 4 ||
āsīnaṁ sūryasaṅkāśē kāñcanē paramāsanē |
rukmavēdigataṁ prājyaṁ jvalantamiva pāvakam || 5 ||
dēvagandharvabhūtānāmr̥ṣīṇāṁ ca mahātmanām |
ajēyaṁ samarē śūraṁ vyāttānanamivāntakam || 6 ||
dēvāsuravimardēṣu vajrāśanikr̥tavraṇam |
airāvataviṣāṇāgrairudghr̥ṣṭakiṇavakṣasam || 7 ||
viṁśadbhujaṁ daśagrīvaṁ darśanīyaparicchadam |
viśālavakṣasaṁ vīraṁ rājalakṣaṇaśōbhitam || 8 ||
snigdhavaiḍūryasaṅkāśaṁ taptakāñcanakuṇḍalam |
subhujaṁ śukladaśanaṁ mahāsyaṁ parvatōpamam || 9 ||
viṣṇucakranipātaiśca śataśō dēvasamyugē |
anyaiḥ śastraprahāraiśca mahāyuddhēṣu tāḍitam || 10 ||
āhatāṅgaṁ samastaiśca dēvapraharaṇaistathā |
akṣōbhyāṇāṁ samudrāṇāṁ kṣōbhaṇaṁ kṣiprakāriṇam || 11 ||
kṣēptāraṁ parvatēndrāṇāṁ surāṇāṁ ca pramardanam |
ucchēttāraṁ ca dharmāṇāṁ paradārābhimarśanam || 12 ||
sarvadivyāstrayōktāraṁ yajñavighnakaraṁ sadā |
purīṁ bhōgavatīṁ prāpya parājitya ca vāsukim || 13 ||
takṣakasya priyāṁ bhāryāṁ parājitya jahāra yaḥ |
kailāsaparvataṁ gatvā vijitya naravāhanam || 14 ||
vimānaṁ puṣpakaṁ tasya kāmagaṁ vai jahāra yaḥ |
vanaṁ caitrarathaṁ divyaṁ nalinīṁ nandanaṁ vanam || 15 ||
vināśayati yaḥ krōdhāddēvōdyānāni vīryavān |
candrasūryau mahābhāgāvuttiṣṭhantau parantapau || 16 ||
nivārayati bāhubhyāṁ yaḥ śailaśikharōpamaḥ |
daśavarṣasahasrāṇi tapastaptvā mahāvanē || 17 ||
purā svayambhuvē dhīraḥ śirāṁsyupajahāra yaḥ |
dēvadānavagadharvapiśācapatagōragaiḥ || 18 ||
abhayaṁ yasya saṅgrāmē mr̥tyutō mānuṣādr̥tē |
mantrairabhiṣṭutaṁ puṇyamadhvarēṣu dvijātibhiḥ || 19 ||
havirdhānēṣu yaḥ sōmamupahanti mahābalaḥ |
āptayajñaharaṁ krūraṁ brahmaghnaṁ duṣṭacāriṇam || 20 ||
karkaśaṁ niranukrōśaṁ prajānāmahitē ratam |
rāvaṇaṁ sarvabhūtānāṁ sarvalōkabhayāvaham || 21 ||
rākṣasī bhrātaraṁ śūraṁ sā dadarśa mahābalam |
taṁ divyavastrābharaṇaṁ divyamālyōpaśōbhitam || 22 ||
āsanē sūpaviṣṭaṁ ca kālakālamivōdyatam |
rākṣasēndraṁ mahābhāgaṁ paulastyakulanandanam || 23 ||
rāvaṇaṁ śatruhantāraṁ mantribhiḥ parivāritam |
abhigamyābravīdvākyaṁ rākṣasī bhayavihvalā || 24 ||
tamabravīddīptaviśālalōcanaṁ
pradarśayitvā bhayamōhamūrchitā |
sudāruṇaṁ vākyamabhītacāriṇī
mahātmanā śūrpaṇakhā virūpitā || 25 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē dvātriṁśaḥ sargaḥ || 32 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.