Read in తెలుగు / ಕನ್ನಡ / தமிழ் / देवनागरी / English (IAST)
అథైకదాఽదృశ్యత దక్షగేహే
శాక్తం మహస్తచ్చ బభూవ బాలా |
విజ్ఞాయ తే శక్తిమిమాం జగత్సు
సర్వేఽపి హృష్టా అభవత్ క్షణశ్చ || ౨౯-౧ ||
దక్షః స్వగేహాపతితాం చకార
నామ్నా సతీం పోషయతి స్మ తాం సః |
స్మరన్ వచస్తే గిరిశాయ కాలే
ప్రదాయ తాం ద్వౌ సమతోషయచ్చ || ౨౯-౨ ||
ఏవం శివఃశక్తియుతః పునశ్చ
బభూవ గచ్ఛత్సు దినేషు దక్షః |
దైవాచ్ఛివద్వేషమవాప దేహం
తత్పోషితం స్వం విజహౌ సతీ చ || ౨౯-౩ ||
దుఃఖేన కోపేన చ హా సతీతి
ముహుర్వదన్నుద్ధృతదారదేహః |
బభ్రామ సర్వత్ర హరః సురేషు
పశ్యత్సు శార్ఙ్గీ శివమన్వచారీత్ || ౨౯-౪ ||
రుద్రాంసవిన్యస్తసతీశరీరం
విష్ణుః శరౌఘైర్బహుశశ్చకర్త |
ఏకైకశః పేతురముష్య ఖండా
భూమౌ శివే సాష్టశతం స్థలేషు || ౨౯-౫ ||
యతో యతః పేతురిమే స్థలాని
సర్వాణి తాని ప్రథితాని లోకే |
ఇమాని పూతాని భవాని దేవీ-
-పీఠాని సర్వాఘహరాణి భాంతి || ౨౯-౬ ||
త్వమేకమేవాద్వయమత్ర భిన్న-
-నామాని ధృత్వా ఖలు మంత్రతంత్రైః |
సంపూజ్యమానా శరణాగతానాం
భుక్తిం చ ముక్తిం చ దదాసి మాతః || ౨౯-౭ ||
నిర్విణ్ణచిత్తః స సతీవియోగా-
-చ్ఛివః స్మరంస్త్వాం కుహచిన్నిషణ్ణః |
సమాధిమగ్నోఽభవదేష లోకః
శక్తిం వినా హా విరసోఽలసశ్చ || ౨౯-౮ ||
చింతాకులా మోహధియో విశీర్ణ-
-తోషా మహారోగనిపీడితాశ్చ |
సౌభాగ్యహీనా విహతాభిలాషాః
సర్వే సదోద్విగ్నహృదో బభూవుః || ౨౯-౯ ||
శివోఽపి శక్త్యా సహితః కరోతి
సర్వం వియుక్తశ్చ తయా జడః స్యాత్ |
మా మాఽస్తు మే శక్తివియోగ ఏష
దాసోఽస్మి భూయో వరదే నమస్తే || ౨౯-౧౦ ||
త్రింశ దశకమ్ (౩౦) – శ్రీపార్వత్యవతారమ్
సంపూర్ణ దేవీ నారాయణీయం (41 దశకాలు) చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.