Read in తెలుగు / ಕನ್ನಡ / தமிழ் / देवनागरी / English (IAST)
వేదపాదస్తవం వక్ష్యే దేవ్యాః ప్రియచికీర్షయా |
యథామతి మతిం దేవస్తన్నో దంతిః ప్రచోదయాత్ || ౧ ||
అకించిత్కరకర్మభ్యః ప్రత్యాహృత్య కృపావశాత్ |
సుబ్రహ్మణ్యః స్తుతావస్యాం తన్నః షణ్ముఖః ప్రచోదయాత్ || ౨ ||
అకారాదిక్షకారాంతవర్ణావయవశాలినీ |
వీణాపుస్తకహస్తావ్యాత్ప్రణో దేవీ సరస్వతీ || ౩ ||
యా వర్ణపదవాక్యార్థగద్యపద్యస్వరూపిణీ |
వాచి నర్తయతు క్షిప్రం మేధాం దేవీ సరస్వతీ || ౪ ||
ఉపాస్యమానా విప్రేంద్రైః సంధ్యాసు చ తిసృష్వపి |
సద్యః ప్రసీద మే మాతః సంధ్యావిద్యే సరస్వతీ || ౫ ||
మందా నిందాలోలుపాహం స్వభావా-
-దేతత్స్తోత్రం పూర్యతే కిం మయేతి |
మా తే భీతిర్హే మతే త్వాదృశానా-
-మేషా నేత్రీ రాధసా సూనృతానామ్ || ౬ ||
తరంగభ్రుకుటీకోటిభంగ్యా తర్జయతే జరామ్ |
సుధామయాయ శుభ్రాయ సింధూనాం పతయే నమః || ౭ ||
తస్య మధ్యే మణిద్వీపః కల్పకారామభూషితః |
అస్తు మే లలితావాసః స్వస్తిదా అభయంకరః || ౮ ||
కదంబమంజరీనిర్యద్వారుణీపారణోన్మదైః |
ద్విరేఫైర్వర్ణనీయాయ వనానాం పతయే నమః || ౯ ||
తత్ర వప్రావలీ లీలా గగనోల్లంఘిగోపురమ్ |
మాతః కౌతూహలం దద్యాత్సగ్ంహార్యం నగరం తవ || ౧౦ ||
మకరందఝరీమజ్జన్మిలిందకులసంకులామ్ |
మహాపద్మాటవీం వందే యశసా సంపరీవృతామ్ || ౧౧ ||
తత్రైవ చింతామణిధోరణార్చిభి-
-ర్వినిర్మితం రోపితరత్నశృంగమ్ |
భజే భవానీభవనావతంస-
-మాదిత్యవర్ణం తమసః పరస్తాత్ || ౧౨ ||
మునిభిః స్వాత్మలాభాయ యచ్చక్రం హృది సేవ్యతే |
తత్ర పశ్యామి బుద్ధ్యా తదక్షరే పరమే వ్యోమన్ || ౧౩ ||
పంచబ్రహ్మమయో మంచస్తత్ర యో బిందుమధ్యగః |
తవ కామేశి వాసోఽయమాయుష్మంతం కరోతు మామ్ || ౧౪ ||
నానారత్నగులుచ్ఛాలీకాంతికిమ్మీలితోదరమ్ |
విమృశామి వితానం తేఽతిశ్లక్ష్ణమతిలోమశమ్ || ౧౫ ||
పర్యంకతల్పోపరి దర్శనీయం
సబాణచాపాంకుశపాశపాణిమ్ |
అశేషభూషారమణీయమీడే
త్రిలోచనం నీలకంఠం ప్రశాంతమ్ || ౧౬ ||
జటారుణం చంద్రకలాలలామం
ఉద్వేలలావణ్యకలాభిరామమ్ |
కామేశ్వరం కామశరాసనాంకం
సమస్తసాక్షిం తమసః పరస్తాత్ || ౧౭ ||
తత్ర కామేశవామాంకే ఖేలంతీమలికుంతలామ్ |
సచ్చిదానందలహరీం మహాలక్ష్మీముపాస్మహే || ౧౮ ||
చారుగోరోచనాపంకజంబాలితఘనస్తనీమ్ |
నమామి త్వామహం లోకమాతరం పద్మమాలినీమ్ || ౧౯ ||
శివే నమన్నిర్జరకుంజరాసుర-
-ప్రతోలికామౌలిమరీచివీచిభిః |
ఇదం తవ క్షాలనజాతసౌభగం
చరణం నో లోకే సుధితాం దధాతు || ౨౦ ||
కల్పస్యాదౌ కారణేశానపి త్రీ-
-న్స్రష్టుం దేవి త్రీన్గుణానాదధానామ్ |
సేవే నిత్యం శ్రేయసే భూయసే త్వా-
-మజామేకాం లోహితశుక్లకృష్ణామ్ || ౨౧ ||
కేశోద్భూతైరద్భుతామోదపూరై-
-రాశాబృందం సాంద్రమాపూరయంతీమ్ |
త్వామానమ్య త్వత్ప్రసాదాత్స్వయంభూ-
-రస్మాన్మాయీ సృజతే విశ్వమేతత్ || ౨౨ ||
అర్ధోన్మీలద్యౌవనోద్దామదర్పాం
దివ్యాకల్పైరర్పయంతీం మయూఖాన్ |
దేవి ధ్యాత్వా త్వాం పురా కైటభారి-
-ర్విశ్వం బిభర్తి భువనస్య నాభిః || ౨౩ ||
కల్హారశ్రీమంజరీపుంజరీతిం
ధిక్కుర్వంతీమంబ తే పాటలిమ్నా |
మూర్తిం ధ్యాత్వా శాశ్వతీం భూతిమాయ-
-న్నింద్రో రాజా జగతో య ఈశే || ౨౪ ||
దేవతాంతరమంత్రౌఘజపశ్రీఫలభూతయా |
జాపకస్తవ దేవ్యంతే విద్యయా విందతేఽమృతమ్ || ౨౫ ||
పుంస్కోకిలకలక్వాణకోమలాలాపశాలిని |
భద్రాణి కురు మే మాతర్దురితాని పరాసువ || ౨౬ ||
అంతేవాసిన్నస్తి చేత్తే ముముక్షా
వక్ష్యే యుక్తిం ముక్తసర్వైషణః సన్ |
సద్భ్యః సాక్షాత్సుందరీం జ్ఞప్తిరూపాం
శ్రద్ధాభక్తిధ్యానయోగాదవేహి || ౨౭ ||
షోఢాన్యాసాదిదేవైశ్చ సేవితా చక్రమధ్యగా |
కామేశమహిషీ భూయః షోడశీ శర్మ యచ్ఛతు || ౨౮ ||
శాంతో దాంతో దేశికేంద్రం ప్రణమ్య
తస్యాదేశాత్తారకం మంత్రతత్త్వమ్ |
జానీతే చేదంబ ధన్యః సమానం
నాతః పరం వేదితవ్యం హి కించిత్ || ౨౯ ||
త్వమేవ కారణం కార్యం క్రియా జ్ఞానం త్వమేవ చ |
త్వామంబ న వినా కించిత్త్వయి సర్వం ప్రతిష్ఠితమ్ || ౩౦ ||
పరాగమద్రీంద్రసుతే తవాంఘ్రి-
-సరోజయోరంబ దధామి మూర్ధ్నా |
అలంకృతం వేదవధూశిరోభి-
-ర్యతో జాతో భువనాని విశ్వా || ౩౧ ||
దుష్టాన్దైత్యాన్హంతుకామాం మహర్షీన్
శిష్టానన్యాన్పాతుకామాం కరాబ్జైః |
అష్టాభిస్త్వాం సాయుధైర్భాసమానాం
దుర్గాం దేవీగ్ం శరణమహం ప్రపద్యే || ౩౨ ||
దేవి సర్వానవద్యాంగి త్వామనాదృత్య యే క్రియాః |
కుర్వంతి నిష్ఫలాస్తేషామదుగ్ధా ఇవ ధేనవః || ౩౩ ||
నాహం మన్యే దైవతం మాన్యమన్య-
-త్త్వత్పాదాబ్జాదంబికే కుంభజాద్యాః |
యే ధ్యాతారో భక్తిసంశుద్ధచిత్తాః
పరామృతాత్పరిముచ్యంతి సర్వే || ౩౪ ||
కుర్వాణోఽపి దురారంభాంస్తవ నామాని శాంభవి |
ప్రజపన్నేతి మాయాంతమతి మృత్యుం తరామ్యహమ్ || ౩౫ ||
కల్యాణి త్వం కుందహాసప్రకాశై-
-రంతర్ధ్వాంతం నాశయంతీ క్షణేన |
హంతాస్మాకం ధ్యాయతాం త్వత్పదాబ్జ-
-ముచ్చతిష్ఠ మహతే సౌభగాయ || ౩౬ ||
తితీర్షయా భవాంభోధేర్హయగ్రీవాదయః పురా |
అప్రమత్తా భవత్పూజాం సువిద్వాంసో వితేనిరే || ౩౭ ||
మద్వశ్యా యే దురాచారా యే చ సన్మార్గగామినః |
భవత్యాః కృపయా సర్వే సువర్యంతు యజమానాః || ౩౮ ||
శ్రీచక్రస్థాం శాశ్వతైశ్వర్యదాత్రీం
పౌండ్రం చాపం పుష్పబాణాన్దధానామ్ |
బంధూకాభాం భావయామి త్రినేత్రాం
తామగ్నివర్ణాం తపసా జ్వలంతీమ్ || ౩౯ ||
భవాని తవ పాదాబ్జనిర్ణేజనపవిత్రతాః |
భవామయప్రశాంత్యై త్వామపో యాచామి భేషజమ్ || ౪౦ ||
చిదానందసుధాంభోధేస్తవానందలవోఽస్తి యః |
కారణేశైస్త్రిభిః సాకం తద్విశ్వముపజీవతి || ౪౧ ||
నో వా యాగైర్నైవ పూర్తాదికృత్యై-
-ర్నో వా జప్యైర్నో మహద్భిస్తపోభిః |
నో వా యోగైః క్లేశకృద్భిః సుమేధా
నిచాయ్యేమాం శాంతిమత్యంతమేతి || ౪౨ ||
ప్రాతః పాహి మహావిద్యే మధ్యాహ్నే తు మృడప్రియే |
సాయం పాహి జగద్వంద్యే పునర్నః పాహి విశ్వతః || ౪౩ ||
బంధూకాభైర్భానుభిర్భాసయంతీ
విశ్వం శశ్వత్తుంగపీనస్తనార్ధా |
లావణ్యాబ్ధేః సుందరి త్వం ప్రసాదా-
-దాయుః ప్రజాగ్ం రయిమస్మాసు ధేహి || ౪౪ ||
కర్ణాకర్ణయ మే తత్త్వం యా చిచ్ఛక్తిరితీర్యతే |
త్రిర్వదామి ముముక్షూణాం సా కాష్ఠా సా పరా గతిః || ౪౫ ||
వాగ్దేవీతి త్వాం వదంత్యంబ కేచి-
-ల్లక్ష్మీర్గౌరీత్యేవమన్యేఽప్యుశంతి |
శశ్వన్మాతః ప్రత్యగద్వైతరూపాం
శంసంతి కేచిన్నివిదో జనాః || ౪౬ ||
లలితేతి సుధాపూరమాధురీచోరమంబికే |
తవ నామాస్తి యత్తేన జిహ్వా మే మధుమత్తమా || ౪౭ ||
యే సంపన్నాః సాధనైస్తైశ్చత్తుర్భిః
శుశ్రూషాభిర్దేశికం ప్రీణయంతి |
సమ్యగ్విద్వాన్ శుద్ధసత్త్వాంతరాణాం
తేషామేవైతాం బ్రహ్మవిద్యాం వదేత || ౪౮ ||
అభిచారాదిభిః కృత్యాం యః ప్రేరయతి మయ్యుమే |
తవ హుంకారసంత్రస్తా ప్రత్యక్కర్తారమృచ్ఛతు || ౪౯ ||
జగత్పవిత్రి మామికామపాహరాశు దుర్జరామ్ |
ప్రసీద మే దయాధునే ప్రశస్తిమంబ నః స్కృధి || ౫౦ ||
కదంబారుణమంబాయా రూపం చింతయ చిత్త మే |
ముంచ పాపీయసీం నిష్ఠాం మా గృధః కస్య స్విద్ధనమ్ || ౫౧ ||
భండభండనలీలాయాం రక్తచందనపంకిలః |
అంకుశస్తవ తం హన్యాద్యశ్చ నో ద్విషతే జనః || ౫౨ ||
రే రే చిత్త త్వం వృధా శోకసింధౌ
మజ్జస్యంతర్వచ్మ్యుపాయం విముక్త్యై |
దేవ్యాః పాదౌ పూజయైకాక్షరేణ
తత్తే పదం సంగ్రహేణ బ్రవీమ్యోమ్ || ౫౩ ||
చంచద్బాలాతపజ్యోత్స్నాకలామండలశాలినే |
ఐక్షవాయ నమో మాతర్బాహుభ్యాం తవ ధన్వనే || ౫౪ ||
తామేవాద్యాం బ్రహ్మవిద్యాముపాసే
మూర్తైర్వేదైః స్తూయమానాం భవానీమ్ |
హంత స్వాత్మత్వేన యాం ముక్తికామో
మత్వా ధీరో హర్షశోకౌ జహాతి || ౫౫ ||
శరణం కరవాణ్యంబ చరణం తవ సుందరి |
శపే త్వత్పాదుకాభ్యాం మే నాన్యః పంథా అయనాయ || ౫౬ ||
రత్నచ్ఛత్రైశ్చామరైర్దర్పణాద్యై-
-శ్చక్రేశానీం సర్వదోపాచరంత్యః |
యోగిన్యోఽన్యాః శక్తయశ్చాణిమాద్యా
యూయం పాతః స్వస్తిభిః సదా నః || ౫౭ ||
దరిద్రం మాం విజానీహి సర్వజ్ఞాసి యతః శివే |
దూరీకృత్యాశు దురితమథా నో వర్ధయా రయిమ్ || ౫౮ ||
మహేశ్వరి మహామంత్రకూటత్రయకలేబరే |
కాదివిద్యాక్షరశ్రేణిముశంతస్త్వా హవామహే || ౫౯ ||
మూలాధారాదూర్ధ్వమంతశ్చరంతీం
భిత్త్వా గ్రంథీన్మూర్ధ్ని నిర్యత్సుధార్ద్రామ్ |
పశ్యంతస్త్వాం యే చ తృప్తిం లభంతే
తేషాం శాంతిః శాశ్వతీ నేతరేషామ్ || ౬౦ ||
మహ్యం ద్రుహ్యంతి యే మాతస్త్వద్ధ్యానాసక్తచేతసే |
తానంబ సాయకైరేభిరవ బ్రహ్మద్విషో జహి || ౬౧ ||
త్వద్భక్తానామంబ శాంతైషణానాం
బ్రహ్మిష్ఠానాం దృష్టిపాతేన పూతః |
పాపీయానప్యావృతః స్వర్వధూభిః
శోకాతిగో మోదతే స్వర్గలోకే || ౬౨ ||
సంతు విద్యా జగత్యస్మిన్సంసారభ్రమహేతవః |
భజేఽహం త్వాం యయా విద్వాన్విద్యయామృతమశ్నుతే || ౬౩ ||
విద్వన్ముఖ్యైర్విద్రుమాభం విశాల-
-శ్రోణీశింజన్మేఖలాకింకిణీకమ్ |
చంద్రోత్తంసం చిన్మయం వస్తు కించి-
-ద్విద్ధి త్వమేతన్నిహితం గుహాయామ్ || ౬౪ ||
న విస్మరామి చిన్మూర్తిమిక్షుకోదండశాలినీమ్ |
మునయః సనకప్రేష్ఠాస్తామాహుః పరమాం గతిమ్ || ౬౫ ||
చక్షుఃప్రేంఖత్ప్రేమకారుణ్యధారాం
హంసజ్యోత్స్నాపూరహృష్యచ్చకోరామ్ |
యామాశ్లిష్యన్మోదతే దేవదేవః
సా నో దేవీ సుహవా శర్మ యచ్ఛతు || ౬౬ ||
ముంచ వంచకతాం చిత్త పామరం చాపి దైవతమ్ |
గృహాణ పదమంబాయా ఏతదాలంబనం పరమ్ || ౬౭ ||
కా మే భీతిః కా క్షతిః కిం దురాపం
కామేశాంకోత్తుంగపర్యంకసంస్థామ్ |
తత్త్వాతీతామచ్యుతానందదాత్రీం
దేవీమహం నిరృతిం వందమానః || ౬౮ ||
చింతామణిమయోత్తంసకాంతికంచుకితాననే |
లలితే త్వాం సకృన్నత్వా న బిభేతి కుతశ్చన || ౬౯ ||
తారుణ్యోత్తుంగితకుచే లావణ్యోల్లాసితేక్షణే |
తవాజ్ఞయైవ కామాద్యా మాస్మాన్ప్రాపన్నరాతయః || ౭౦ ||
ఆకర్ణాకృష్టకామాసస్త్రసంజాతం తాపమంబ మే |
ఆచామతు కటాక్షస్తే పర్జన్యో వృష్టిమానివ || ౭౧ ||
కుర్వే గర్వేణాపచారానపారా-
-నద్యప్యంబ త్వత్పదాబ్జం తథాపి |
మన్యే ధన్యే దేవి విద్యావలంబం
మాతేవ పుత్రం బిభృతాస్వేనమ్ || ౭౨ ||
యథోపాస్తిక్షతిర్న స్యాత్తవ చక్రస్య సుందరి |
కృపయా కురు కల్యాణి తథా మే స్వస్తిరాయుషి || ౭౩ ||
చక్రం సేవే తారకం సర్వసిధ్యై
శ్రీమన్మాతః సిద్ధయశ్చాణిమాద్యాః |
నిత్యా ముద్రా శక్తయశ్చాంగదేవ్యో
యస్మిన్దేవా అధి విశ్వే నిషేదుః || ౭౪ ||
సుకుమారే సుఖాకారే సునేత్రే సూక్ష్మమధ్యమే |
సుప్రసన్నా భవ శివే సుమృడీకా సరస్వతీ || ౭౫ ||
విద్యుద్వల్లీకందలీం కల్పయంతీం
మూర్తిం స్ఫూర్త్యా పంకజం ధారయంతీమ్ |
ధ్యాయన్హి త్వాం జాయతే సార్వభౌమో
విశ్వా ఆశాః పృతనాః సంజయంజయన్ || ౭౬ ||
అవిజ్ఞాయ పరాం శక్తిమాత్మభూతాం మహేశ్వరీమ్ |
అహో పతంతి నిరయేష్వేకే చాత్మహనో జనాః || ౭౭ ||
సిందూరాభైః సుందరైరంశుబృందై-
-ర్లాక్షాలక్ష్మ్యాం మజ్జయంతీం జగంతి |
హేరంబాంబ త్వాం హృదా లంబతే య-
-స్తస్మై విశః స్వయమేవానమంతే || ౭౮ ||
తవ తత్త్వం విమృశతాం ప్రత్యగద్వైతలక్షణమ్ |
చిదానందఘనాదన్యన్నేహ నానాస్తి కించన || ౭౯ ||
కంఠాత్కుండలినీం నీత్వా సహస్రారం శివే తవ |
న పునర్జాయతే గర్భే సుమేధా అమృతోక్షితః || ౮౦ ||
త్వత్పాదుకానుసంధానప్రాప్తసర్వాత్మతాదృశి |
పూర్ణాహంకృతిమత్యస్మిన్న కర్మ లిప్యతే నరే || ౮౧ ||
తవానుగ్రహనిర్భిన్నహృదయగ్రంథిరద్రిజే |
స్వాత్మత్వేన జగన్మత్వా తతో న విజుగుప్సతే || ౮౨ ||
కదా వసుదలోపేతే త్రికోణనవకాన్వితే |
ఆవాహయామి చక్రే త్వాం సూర్యాభాం శ్రియమైశ్వరీమ్ || ౮౩ ||
హ్రీమిత్యేకం తావకం వాచకార్ణం
యజ్జిహ్వాగ్రే దేవి జాగర్తి కించిత్ |
కో వాయం స్యాత్కామకామస్త్రిలోక్యాం
సర్వేఽస్మై దేవాః బలిమావహంతి || ౮౪ ||
నాకస్త్రీణాం కిన్నరీణాం నృపాణా-
-మప్యాకర్షీ చేతసా చింతనీయమ్ |
త్వత్పాణిస్థం కుంకుమాభం శివే యం
ద్విష్మస్తస్మిన్ప్రతి ముంచామి పాశమ్ || ౮౫ ||
నూనం సింహాసనేశ్వర్యాస్తవాజ్ఞాం శిరసా వహన్ |
భయేన పవమానోఽయం సర్వా దిశోఽనువిధావతి || ౮౬ ||
త్రికలాఢ్యాం త్రిహృల్లేఖాం ద్విహంసస్వరభూషితామ్ |
యో జపత్యంబ తే విద్యాం సోఽక్షరః పరమః స్వరాట్ || ౮౭ ||
దారిద్ర్యాబ్ధౌ దేవి మగ్నోఽపి శశ్వ-
-ద్వాచా యాచే నాహమంబ త్వదన్యమ్ |
తస్మాదస్మద్వాంఛితం పూరయైత-
-దుషా సా నక్తా సుదుఘేవ ధేనుః || ౮౮ ||
యో వా యద్యత్కామనాకృష్టచిత్తః
స్తుత్వోపాస్తే దేవి తే చక్రవిద్యామ్ |
కల్యాణానామాలయః కాలయోగా-
-త్తం తం లోకం జయతే తాంశ్చ కామాన్ || ౮౯ ||
సాధకః సతతం కుర్యాదైక్యం శ్రీచక్రదేహయోః |
తథా దేవ్యాత్మనోరైక్యమేతావదనుశాసనమ్ || ౯౦ ||
హస్తాంభోజప్రోల్లసచ్చామరాభ్యాం
శ్రీవాణీభ్యాం పార్శ్వయోర్వీజ్యమానామ్ |
శ్రీసంమ్రాజ్ఞి త్వాం సదాలోకయేయం
సదా సద్భిః సేవ్యమానాం నిగూఢామ్ || ౯౧ ||
ఇష్టానిష్టప్రాప్తివిచ్ఛిత్తిహేతుః
స్తోతుం వాచాం క్లుప్తిరిత్యేవ మన్యే |
త్వద్రూపం హి స్వానుభూత్యైకవేద్యం
న చక్షుషా గృహ్యతే నాపి వాచా || ౯౨ ||
హరస్వరైశ్చతుర్వర్గప్రదం మంత్రం సబిందుకమ్ |
దేవ్యా జపత విప్రేంద్రా అన్యా వాచో విముంచథ || ౯౩ ||
యస్తే రాకాచంద్రబింబాసనస్థాం
పీయూషాబ్ధిం కల్పయంతీం మయూఖైః |
మూర్తిం భక్త్యా ధ్యాయతే హృత్సరోజే
న తస్య రోగో న జరా న మృత్యుః || ౯౪ ||
తుభ్యం మాతర్యోఽంజలిం మూర్ధ్ని ధత్తే
మౌలిశ్రేణ్యా భూభుజస్తం నమంతి |
యః స్తౌతి త్వామంబ చిద్వల్లివాచా
తం ధీరాసః కవయ ఉన్నయంతి || ౯౫ ||
వైరించోఘైర్విష్ణురుద్రేంద్రబృందై-
-ర్దుర్గాకాలీభైరవీశక్తిసంఘైః |
యంత్రేశి త్వం వర్తసే స్తూయమానా
న తత్ర సూర్యో భాతి న చంద్రతారకమ్ || ౯౬ ||
భూత్యై భవాని త్వాం వందే సురాః శతమఖాదయః |
త్వామానమ్య సమృద్ధాః స్యురాయో ధామాని దివ్యాని || ౯౭ ||
పుష్పవత్పుల్లతాటంకాం ప్రాతరాదిత్యపాటలామ్ |
యస్త్వామంతః స్మరత్యంబ తస్య దేవా అసన్వశే || ౯౮ ||
వశ్యే విద్రుమసంకాశాం విద్యాయాం విశదప్రభామ్ |
త్వామంబ భావయేద్భూత్యై సువర్ణాం హేమమాలినీమ్ || ౯౯ ||
వామాంకస్థామీశితుర్దీప్యమానాం
భూషాబృందైరిందురేఖావతంసామ్ |
యస్త్వాం పశ్యన్ సంతతం నైవ తృప్తః
తస్మై చ దేవి వషడస్తు తుభ్యమ్ || ౧౦౦ ||
నవనీపవనీవాసలాలసోత్తరమానసే |
శృంగారదేవతే మాతః శ్రియం వాసయ మే కులే || ౧౦౧ ||
భక్త్యాభక్త్యా వాపి పద్యావసాన-
-శ్రుత్యా స్తుత్యా చైతయా స్తౌతి యస్త్వామ్ |
తస్య క్షిప్రం త్వత్ప్రసాదేన మాతః
సత్యాః సంతు యజమానస్య కామాః || ౧౦౨ ||
బాలిశేన మయా ప్రోక్తమపి వాత్సల్యశాలినోః |
ఆనందమాదిదంపత్యోరిమా వర్ధంతు వాంగిరః || ౧౦౩ ||
మాధురీసౌరభావాసచాపసాయకధారిణీమ్ |
దేవీం ధ్యాయన్ పఠేదేతత్సర్వకామార్థసిద్ధయే || ౧౦౪ ||
స్తోత్రమేతత్ప్రజపతస్తవ త్రిపురసుందరి |
అనుద్వీక్ష్య భయాద్దూరం మృత్యుర్ధావతి పంచమః || ౧౦౫ ||
యః పఠతి స్తుతిమేతాం
విద్యావంతం తమంబ ధనవంతమ్ |
కురు దేవి యశస్వంతం
వర్చస్వంతం మనుష్యేషు || ౧౦౬ ||
యే శృణ్వంతి స్తుతిమిమాం తవ దేవ్యనసూయకాః |
తేభ్యో దేహి శ్రియం విద్యాముద్వర్చ ఉత్తనూబలమ్ || ౧౦౭ ||
త్వామేవాహం స్తౌమి నిత్యం ప్రణౌమి
శ్రీవిద్యేశాం వచ్మి సంచింతయామి |
అధ్యాస్తే యా విశ్వమాతా విరాజో
హృత్పుండరీకం విరజం విశుద్ధమ్ || ౧౦౮ ||
శంకరేణ రచితం స్తవోత్తమం
యః పఠేజ్జగతి భక్తిమాన్నరః |
తస్య సిద్ధిరతులా భవేద్ధ్రువా
సుందరీ చ సతతం ప్రసీదతి || ౧౦౯ ||
యత్రైవ యత్రైవ మనో మదీయం
తత్రైవ తత్రైవ తవ స్వరూపమ్ |
యత్రైవ యత్రైవ శిరో మదీయం
తత్రైవ తత్రైవ పదద్వయం తే || ౧౧౦ ||
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య
శ్రీమచ్ఛంకరభగవతః కృతౌ త్రిపురసుందరీ వేదపాద స్తవః |
మరిన్ని దశమహావిద్యా స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.