Yuddha Kanda Sarga 44 – யுத்³த⁴காண்ட³ சதுஶ்சத்வாரிம்ஶ꞉ ஸர்க³꞉ (44)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ சதுஶ்சத்வாரிம்ஶ꞉ ஸர்க³꞉ (44)

॥ நிஶாயுத்³த⁴ம் ॥

யுத்³த்⁴யதாமேவ தேஷாம் து ததா³ வாநரரக்ஷஸாம் ।
ரவிரஸ்தம் க³தோ ராத்ரி꞉ ப்ரவ்ருத்தா ப்ராணஹாரிணீ ॥ 1 ॥

அந்யோந்யம் ப³த்³த⁴வைராணாம் கோ⁴ராணாம் ஜயமிச்ச²தாம் ।
ஸம்ப்ரவ்ருத்தம் நிஶாயுத்³த⁴ம் ததா³ வாநரரக்ஷஸாம் ॥ 2 ॥

ராக்ஷஸோ(அ)ஸீதி ஹரயோ ஹரிஶ்சாஸீதி ராக்ஷஸா꞉ ।
அந்யோந்யம் ஸமரே ஜக்⁴நுஸ்தஸ்மிம்ஸ்தமஸி தா³ருணே ॥ 3 ॥

ஜஹி தா³ரய சைஹீதி கத²ம் வித்³ரவஸீதி ச ।
ஏவம் ஸுதுமுல꞉ ஶப்³த³ஸ்தஸ்மிம்ஸ்தமஸி ஶுஶ்ருவே ॥ 4 ॥

காலா꞉ காஞ்சநஸந்நாஹாஸ்தஸ்மிம்ஸ்தமஸி ராக்ஷஸா꞉ ।
ஸம்ப்ராத்³ருஶ்யந்த ஶைலேந்த்³ரா தீ³ப்தௌஷதி⁴வநா இவ ॥ 5 ॥

தஸ்மிம்ஸ்தமஸி து³ஷ்பாரே ராக்ஷஸா꞉ க்ரோத⁴மூர்சி²தா꞉ ।
பரிபேதுர்மஹாவேகா³ ப⁴க்ஷயந்த꞉ ப்லவங்க³மாந் ॥ 6 ॥

தே ஹயாந்காஞ்சநாபீடா³ந்த்⁴வஜாம்ஶ்சாக்³நிஶிகோ²பமாந் ।
ஆப்லுத்ய த³ஶநைஸ்தீக்ஷ்ணைர்பீ⁴மகோபா வ்யதா³ரயந் ॥ 7 ॥

வாநரா ப³லிநோ யுத்³தே⁴(அ)க்ஷோப⁴யந்ராக்ஷஸீம் சமூம் ।
குஞ்ஜராந்குஞ்ஜராரோஹாந்பதாகாத்⁴வஜிநோ ரதா²ந் ॥ 8 ॥

சகர்ஷுஶ்ச த³த³ம்ஶுஶ்ச த³ஶநை꞉ க்ரோத⁴மூர்சி²தா꞉ ।
லக்ஷ்மணஶ்சாபி ராமஶ்ச ஶரைராஶீவிஷோபமை꞉ ॥ 9 ॥

த்³ருஶ்யாத்³ருஶ்யாநி ரக்ஷாம்ஸி ப்ரவராணி நிஜக்⁴நது꞉ ।
துரங்க³கு²ரவித்⁴வஸ்தம் ரத²நேமிஸமுத்தி²தம் ॥ 10 ॥

ருரோத⁴ கர்ணநேத்ராணி யுத்³த்⁴யதாம் த⁴ரணீரஜ꞉ ।
வர்தமாநே மஹாகோ⁴ரே ஸங்க்³ராமே ரோமஹர்ஷணே ॥ 11 ॥

ருதி⁴ரோதா³ மஹாகோ⁴ரா நத்³யஸ்தத்ர ப்ரஸுஸ்ருவு꞉ ।
ததோ பே⁴ரீம்ருத³ங்கா³நாம் பணவாநாம் ச நி꞉ஸ்வந꞉ ॥ 12 ॥

ஶங்க²வேணுஸ்வநோந்மிஶ்ர꞉ ஸம்ப³பூ⁴வாத்³பு⁴தோபம꞉ ।
[* விமர்தே³ துமுலே தஸ்மிந்தே³வாஸுரரணோபமே । *]
ஹதாநாம் ஸ்தநமாநாநாம் ராக்ஷஸாநாம் ச நி꞉ஸ்வந꞉ ॥ 13 ॥

ஶஸ்தாநாம் வாநராணாம் ச ஸம்ப³பூ⁴வாதிதா³ருண꞉ ।
ஹதைர்வாநரவீரைஶ்ச ஶக்திஶூலபரஶ்வதை⁴꞉ ॥ 14 ॥

நிஹதை꞉ பர்வதாக்³ரைஶ்ச ராக்ஷஸை꞉ காமரூபிபி⁴꞉ ।
ஶஸ்த்ரபுஷ்போபஹாரா ச தத்ராஸீத்³யுத்³த⁴மேதி³நீ ॥ 15 ॥

து³ர்ஜ்ஞேயா து³ர்நிவேஶா ச ஶோணிதாஸ்ராவகர்த³மா ।
ஸா ப³பூ⁴வ நிஶா கோ⁴ரா ஹரிராக்ஷஸஹாரிணீ ॥ 16 ॥

காலராத்ரீவ பூ⁴தாநாம் ஸர்வேஷாம் து³ரதிக்ரமா ।
ததஸ்தே ராக்ஷஸாஸ்தத்ர தஸ்மிம்ஸ்தமஸி தா³ருணே ॥ 17 ॥

ராமமேவாப்⁴யவர்தந்த ஸம்ஸ்ருஷ்டா꞉ ஶரவ்ருஷ்டிபி⁴꞉ ।
தேஷாமாபததாம் ஶப்³த³꞉ க்ருத்³தா⁴நாமபி க³ர்ஜதாம் ॥ 18 ॥

உத்³வர்த இவ ஸப்தாநாம் ஸமுத்³ராணாம் ப்ரஶுஶ்ருவே ।
தேஷாம் ராம꞉ ஶரை꞉ ஷட்³பி⁴꞉ ஷட்³ஜகா⁴ந நிஶாசராந் ॥ 19 ॥

நிமேஷாந்தரமாத்ரேண ஶிதைரக்³நிஶிகோ²பமை꞉ ।
யமஶத்ருஶ்ச து³ர்த⁴ர்ஷோ மஹாபார்ஶ்வமஹோத³ரௌ ॥ 20 ॥

வஜ்ரத³ம்ஷ்ட்ரோ மஹாகாயஸ்தௌ சோபௌ⁴ ஶுகஸாரணௌ ।
தே து ராமேண பா³ணௌகை⁴꞉ ஸர்வே மர்மஸு தாடி³தா꞉ ॥ 21 ॥

யுத்³தா⁴த³பஸ்ருதாஸ்தத்ர ஸாவஶேஷாயுஷோ(அ)ப⁴வந் ।
தத்ர காஞ்சநசித்ராங்கை³꞉ ஶரைரக்³நிஶிகோ²பமை꞉ ॥ 22 ॥

தி³ஶஶ்சகார விமலா꞉ ப்ரதி³ஶஶ்ச மஹாப³ல꞉ ।
ராமநாமாங்கிதைர்பா³ணைர்வ்யாப்தம் தத்³ரணமண்ட³லம் ॥ 23 ॥

யே த்வந்யே ராக்ஷஸா பீ⁴மா ராமஸ்யாபி⁴முகே² ஸ்தி²தா꞉ ।
தே(அ)பி நஷ்டா꞉ ஸமாஸாத்³ய பதங்கா³ இவ பாவகம் ॥ 24 ॥

ஸுவர்ணபுங்கை²ர்விஶிகை²꞉ ஸம்பதத்³பி⁴꞉ ஸஹஸ்ரஶ꞉ ।
ப³பூ⁴வ ரஜநீ சித்ரா க²த்³யோதைரிவ ஶாரதீ³ ॥ 25 ॥

ராக்ஷஸாநாம் ச நிநதை³ர்ஹரீணாம் சாபி நி꞉ஸ்வநை꞉ ।
ஸா ப³பூ⁴வ நிஶா கோ⁴ரா பூ⁴யோ கோ⁴ரதரா ததா³ ॥ 26 ॥

தேந ஶப்³தே³ந மஹதா ப்ரவ்ருத்³தே⁴ந ஸமந்தத꞉ ।
த்ரிகூட꞉ கந்த³ராகீர்ண꞉ ப்ரவ்யாஹரதி³வாசல꞉ ॥ 27 ॥

கோ³ளாங்கூ³ளா மஹாகாயாஸ்தமஸா துல்யவர்சஸ꞉ ।
ஸம்பரிஷ்வஜ்ய பா³ஹுப்⁴யாம் ப⁴க்ஷயந்ரஜநீசராந் ॥ 28 ॥

அங்க³த³ஸ்து ரணே ஶத்ரும் நிஹந்தும் ஸமுபஸ்தி²த꞉ ।
ராவணிம் நிஜகா⁴நாஶு ஸாரதி²ம் ச ஹயாநபி ॥ 29 ॥

வர்தமாநே ததா³ கோ⁴ரே ஸங்க்³ராமே ப்⁴ருஶதா³ருணே ।
இந்த்³ரஜித்து ரத²ம் த்யக்த்வா ஹதாஶ்வோ ஹதஸாரதி²꞉ ॥ 30 ॥

அங்க³தே³ந மஹாகாயஸ்தத்ரைவாந்தரதீ⁴யத ।
தத்கர்ம வாலிபுத்ரஸ்ய ஸர்வே தே³வா மஹர்ஷிபி⁴꞉ ॥ 31 ॥

துஷ்டுவு꞉ பூஜநார்ஹஸ்ய தௌ சோபௌ⁴ ராமலக்ஷ்மணௌ ।
ப்ரபா⁴வம் ஸர்வபூ⁴தாநி விது³ரிந்த்³ரஜிதோ யுதி⁴ ॥ 32 ॥

அத்³ருஶ்ய꞉ ஸர்வபூ⁴தாநாம் யோ(அ)ப⁴வத்³யுதி⁴ து³ர்ஜய꞉ ।
தேந தே தம் மஹாத்மாநம் துஷ்டா த்³ருஷ்ட்வா ப்ரத⁴ர்ஷிதம் ॥ 33 ॥

தத꞉ ப்ரஹ்ருஷ்டா꞉ கபய꞉ ஸஸுக்³ரீவவிபீ⁴ஷணா꞉ ।
ஸாது⁴ஸாத்⁴விதி நேது³ஶ்ச த்³ருஷ்ட்வா ஶத்ரும் ப்ரத⁴ர்ஷிதம் ॥ 34 ॥

இந்த்³ரஜித்து ததா³ தேந நிர்ஜிதோ பீ⁴மகர்மணா ।
ஸம்யுகே³ வாலிபுத்ரேண க்ரோத⁴ம் சக்ரே ஸுதா³ருணம் ॥ 35 ॥

ஏதஸ்மிந்நந்தரே ராமோ வாநராந்வாக்யமப்³ரவீத் ।
ஸர்வே ப⁴வந்தஸ்திஷ்ட²ந்து கபிராஜேந ஸங்க³தா꞉ ॥ 36 ॥

ஸ ப்³ரஹ்மணா த³த்தவரஸ்த்ரைலோக்யம் பா³த⁴தே ப்⁴ருஶம் ।
ப⁴வதாமர்த²ஸித்³த்⁴யர்த²ம் காலேந ஸ ஸமாக³த꞉ ॥ 37 ॥

அத்³யைவ க்ஷமிதவ்யம் மே ப⁴வந்தோ விக³தஜ்வரா꞉ ।
ஸோந்தர்தா⁴நக³த꞉ பாபோ ராவணீ ரணகர்கஶ꞉ ॥ 38 ॥

அத்³ருஶ்யோ நிஶிதாந்பா³ணாந்முமோசாஶநிவர்சஸ꞉ ।
ஸ ராமம் லக்ஷ்மணம் சைவ கோ⁴ரைர்நாக³மயை꞉ ஶரை꞉ ॥ 39 ॥

பி³பே⁴த³ ஸமரே க்ருத்³த⁴꞉ ஸர்வகா³த்ரேஷு ராக்ஷஸ꞉ ।
மாயயா ஸம்வ்ருதஸ்தத்ர மோஹயந்ராக⁴வௌ யுதி⁴ ॥ 40 ॥

அத்³ருஶ்ய꞉ ஸர்வபூ⁴தாநாம் கூடயோதீ⁴ நிஶாசர꞉ ।
ப³ப³ந்த⁴ ஶரப³ந்தே⁴ந ப்⁴ராதரௌ ராமலக்ஷ்மணௌ ॥ 41 ॥

தௌ தேந புருஷவ்யாக்⁴ரௌ க்ருத்³தே⁴நாஶீவிஷை꞉ ஶரை꞉ ।
ஸஹஸா நிஹதௌ வீரௌ ததா³ ப்ரைக்ஷந்த வாநரா꞉ ॥ 42 ॥

ப்ரகாஶரூபஸ்து யதா³ ந ஶக்த꞉
தௌ பா³தி⁴தும் ராக்ஷஸராஜபுத்ர꞉ ।
மாயாம் ப்ரயோக்தும் ஸமுபாஜகா³ம
ப³ப³ந்த⁴ தௌ ராஜஸுதௌ மஹாத்மா ॥ 43 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ சதுஶ்சத்வாரிம்ஶ꞉ ஸர்க³꞉ ॥ 44 ॥

யுத்³த⁴காண்ட³ பஞ்சசத்வாரிம்ஶ꞉ ஸர்க³꞉ (45) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.