Yuddha Kanda Sarga 120 – யுத்³த⁴காண்ட³ விம்ஶத்யுத்தரஶததம꞉ ஸர்க³꞉ (120)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ விம்ஶத்யுத்தரஶததம꞉ ஸர்க³꞉ (120)

॥ ப்³ரஹ்மக்ருதராமஸ்தவ꞉ ॥

ததோ ஹி து³ர்மநா ராம꞉ ஶ்ருத்வைவம் வத³தாம் கி³ர꞉ ।
த³த்⁴யௌ முஹூர்தம் த⁴ர்மாத்மா பா³ஷ்பவ்யாகுலலோசந꞉ ॥ 1 ॥

ததோ வைஶ்ரவணோ ராஜா யமஶ்சாமித்ரகர்ஶந꞉ ।
ஸஹஸ்ராக்ஷோ மஹேந்த்³ரஶ்ச வருணஶ்ச பரந்தப꞉ ॥ 2 ॥

ஷட³ர்த⁴நயந꞉ ஶ்ரீமாந்மஹாதே³வோ வ்ருஷத்⁴வஜ꞉ ।
கர்தா ஸர்வஸ்ய லோகஸ்ய ப்³ரஹ்மா ப்³ரஹ்மவிதா³ம் வர꞉ ॥ 3 ॥

ஏதே ஸர்வே ஸமாக³ம்ய விமாநை꞉ ஸூர்யஸந்நிபை⁴꞉ ।
ஆக³ம்ய நக³ரீம் லங்காமபி⁴ஜக்³முஶ்ச ராக⁴வம் ॥ 4 ॥

தத꞉ ஸஹஸ்தாப⁴ரணாந்ப்ரக்³ருஹ்ய விபுலாந்பு⁴ஜாந் ।
அப்³ருவம்ஸ்த்ரித³ஶஶ்ரேஷ்டா²꞉ ப்ராஞ்ஜலிம் ராக⁴வம் ஸ்தி²தம் ॥ 5 ॥

கர்தா ஸர்வஸ்ய லோகஸ்ய ஶ்ரேஷ்டோ² ஜ்ஞாநவதாம் வர꞉ ।
உபேக்ஷஸே கத²ம் ஸீதாம் பதந்தீம் ஹவ்யவாஹநே ॥ 6 ॥

கத²ம் தே³வக³ணஶ்ரேஷ்ட²மாத்மாநம் நாவபு³த்⁴யஸே ।
ருததா⁴மா வஸு꞉ பூர்வம் வஸூநாம் த்வம் ப்ரஜாபதி꞉ ॥ 7 ॥

த்ரயாணாம் த்வம் ஹி லோகாநாமாதி³கர்தா ஸ்வயம்ப்ரபு⁴꞉ ।
ருத்³ராணாமஷ்டமோ ருத்³ர꞉ ஸாத்⁴யாநாமஸி பஞ்சம꞉ ॥ 8 ॥

அஶ்விநௌ சாபி தே கர்ணௌ சந்த்³ரஸூர்யௌ ச சக்ஷுஷீ ।
அந்தே சாதௌ³ ச லோகாநாம் த்³ருஶ்யஸே த்வம் பரந்தப ॥ 9 ॥

உபேக்ஷஸே ச வைதே³ஹீம் மாநுஷ꞉ ப்ராக்ருதோ யதா² ।
இத்யுக்தோ லோகபாலைஸ்தை꞉ ஸ்வாமீ லோகஸ்ய ராக⁴வ꞉ ॥ 10 ॥

அப்³ரவீத்ரித³ஶஶ்ரேஷ்டா²ந்ராமோ த⁴ர்மப்⁴ருதாம் வர꞉ ।
ஆத்மாநம் மாநுஷம் மந்யே ராமம் த³ஶரதா²த்மஜம் ॥ 11 ॥

யோ(அ)ஹம் யஸ்ய யதஶ்சாஹம் ப⁴க³வாம்ஸ்தத்³ப்³ரவீது மே ।
இதி ப்³ருவந்தம் காகுத்ஸ்த²ம் ப்³ரஹ்மா ப்³ரஹ்மவிதா³ம் வர꞉ ॥ 12 ॥

அப்³ரவீச்ச்²ருணு மே ராம ஸத்யம் ஸத்யபராக்ரம ।
ப⁴வாந்நாராயணோ தே³வ꞉ ஶ்ரீமாம்ஶ்சக்ராயுதோ⁴ விபு⁴꞉ ॥ 13 ॥

ஏகஶ்ருங்கோ³ வராஹஸ்த்வம் பூ⁴தப⁴வ்யஸபத்நஜித் ।
அக்ஷரம் ப்³ரஹ்ம ஸத்யம் ச மத்⁴யே சாந்தே ச ராக⁴வ ॥ 14 ॥

லோகாநாம் த்வம் பரோ த⁴ர்மோ விஷ்வக்ஸேநஶ்சதுர்பு⁴ஜ꞉ ।
ஶார்ங்க³த⁴ந்வா ஹ்ருஷீகேஶ꞉ புருஷ꞉ புருஷோத்தம꞉ ॥ 15 ॥

அஜித꞉ க²ட்³க³த்⁴ருத்³விஷ்ணு꞉ க்ருஷ்ணஶ்சைவ ப்³ருஹத்³ப³ல꞉ ।
ஸேநாநீர்க்³ராமணீஶ்ச த்வம் பு³த்³தி⁴꞉ ஸத்த்வம் க்ஷமா த³ம꞉ ॥ 16 ॥

ப்ரப⁴வஶ்சாப்யயஶ்ச த்வமுபேந்த்³ரோ மது⁴ஸூத³ந꞉ ।
இந்த்³ரகர்மா மஹேந்த்³ரஸ்த்வம் பத்³மநாபோ⁴ ரணாந்தக்ருத் ॥ 17 ॥

ஶரண்யம் ஶரணம் ச த்வாமாஹுர்தி³வ்யா மஹர்ஷய꞉ ।
ஸஹஸ்ரஶ்ருங்கோ³ வேதா³த்மா ஶதஜிஹ்வோ மஹர்ஷப⁴꞉ ॥ 18 ॥

த்வம் த்ரயாணாம் ஹி லோகாநாமாதி³கர்தா ஸ்வயம்ப்ரபு⁴꞉ ।
ஸித்³தா⁴நாமபி ஸாத்⁴யாநாமாஶ்ரயஶ்சாஸி பூர்வஜ꞉ ॥ 19 ॥

த்வம் யஜ்ஞஸ்த்வம் வஷட்காரஸ்த்வமோங்கார꞉ பரந்தப꞉ ।
ப்ரப⁴வம் நித⁴நம் வா தே ந விது³꞉ கோ ப⁴வாநிதி ॥ 20 ॥

த்³ருஶ்யஸே ஸர்வபூ⁴தேஷு ப்³ராஹ்மணேஷு ச கோ³ஷு ச ।
தி³க்ஷு ஸர்வாஸு க³க³நே பர்வதேஷு வநேஷு ச ॥ 21 ॥

ஸஹஸ்ரசரண꞉ ஶ்ரீமாந் ஶதஶீர்ஷ꞉ ஸஹஸ்ரத்³ருக் ।
த்வம் தா⁴ரயஸி பூ⁴தாநி வஸுதா⁴ம் ச ஸபர்வதாம் ॥ 22 ॥

அந்தே ப்ருதி²வ்யா꞉ ஸலிலே த்³ருஶ்யஸே த்வம் மஹோரக³꞉ ।
த்ரீம்ல்லோகாந்தா⁴ரயந்ராம தே³வக³ந்த⁴ர்வதா³நவாந் ॥ 23 ॥

அஹம் தே ஹ்ருத³யம் ராம ஜிஹ்வா தே³வீ ஸரஸ்வதீ ।
தே³வா கா³த்ரேஷு ரோமாணி நிர்மிதா ப்³ரஹ்மண꞉ ப்ரபோ⁴ ॥ 24 ॥

நிமேஷஸ்தே ப⁴வேத்³ராத்ரிருந்மேஷஸ்தே ப⁴வேத்³தி³வா ।
ஸம்ஸ்காராஸ்தே(அ)ப⁴வந்வேதா³ ந தத³ஸ்தி த்வயா விநா ॥ 25 ॥

ஜக³த்ஸர்வம் ஶரீரம் தே ஸ்தை²ர்யம் தே வஸுதா⁴தலம் ।
அக்³நி꞉ கோப꞉ ப்ரஸாத³ஸ்தே ஸோம꞉ ஶ்ரீவத்ஸலக்ஷண꞉ ॥ 26 ॥

த்வயா லோகாஸ்த்ரய꞉ க்ராந்தா꞉ புராணே விக்ரமைஸ்த்ரிபி⁴꞉ ।
மஹேந்த்³ரஶ்ச க்ருதோ ராஜா ப³லிம் ப³த்³த்⁴வா மஹாஸுரம் ॥ 27 ॥

ஸீதா லக்ஷ்மீர்ப⁴வாந்விஷ்ணுர்தே³வ꞉ க்ருஷ்ண꞉ ப்ரஜாபதி꞉ ।
வதா⁴ர்த²ம் ராவணஸ்யேஹ ப்ரவிஷ்டோ மாநுஷீம் தநும் ॥ 28 ॥

ததி³த³ம் ந꞉ க்ருதம் கார்யம் த்வயா த⁴ர்மப்⁴ருதாம் வர ।
நிஹதோ ராவணோ ராம ப்ரஹ்ருஷ்டோ தி³வமாக்ரம ॥ 29 ॥

அமோக⁴ம் ப³லவீர்யம் தே அமோக⁴ஸ்தே பராக்ரம꞉ ।
அமோக⁴ம் த³ர்ஶநம் ராம ந ச மோக⁴꞉ ஸ்தவஸ்தவ ॥ 30 ॥

அமோகா⁴ஸ்தே ப⁴விஷ்யந்தி ப⁴க்திமந்தஶ்ச யே நரா꞉ ।
யே த்வாம் தே³வம் த்⁴ருவம் ப⁴க்தா꞉ புராணம் புருஷோத்தமம் ।
ப்ராப்நுவந்தி ஸதா³ காமாநிஹ லோகே பரத்ர ச ॥ 31 ॥

இமமார்ஷம் ஸ்தவம் நித்யமிதிஹாஸம் புராதநம் ।
யே நரா꞉ கீர்தயிஷ்யந்தி நாஸ்தி தேஷாம் பராப⁴வ꞉ ॥ 32 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ விம்ஶத்யுத்தரஶததம꞉ ஸர்க³꞉ ॥ 120 ॥

யுத்³த⁴காண்ட³ ஏகவிம்ஶத்யுத்தரஶததம꞉ ஸர்க³꞉ (121) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.