Sundarakanda Sarga (Chapter) 61 – ஸுந்த³ரகாண்ட³ ஏகஷஷ்டிதம꞉ ஸர்க³꞉ (61)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே ஸுந்த³ரகாண்ட³ → ஸுந்த³ரகாண்ட³ ஏகஷஷ்டிதம꞉ ஸர்க³꞉ (61)

॥ மது⁴வநப்ரவேஶ꞉ ॥

ததோ ஜாம்ப³வதோ வாக்யமக்³ருஹ்ணந்த வநௌகஸ꞉ ।
அங்க³த³ப்ரமுகா² வீரா ஹநூமாம்ஶ்ச மஹாகபி꞉ ॥ 1 ॥

ப்ரீதிமந்தஸ்தத꞉ ஸர்வே வாயுபுத்ரபுர꞉ஸரா꞉ ।
மஹேந்த்³ராத்³ரிம் பரித்யஜ்ய புப்லுவு꞉ ப்லவக³ர்ஷபா⁴꞉ ॥ 2 ॥

மேருமந்த³ரஸங்காஶா மத்தா இவ மஹாக³ஜா꞉ ।
சா²த³யந்த இவாகாஶம் மஹாகாயா மஹாப³லா꞉ ॥ 3 ॥

ஸபா⁴ஜ்யமாநம் பூ⁴தைஸ்தமாத்மவந்தம் மஹாப³லம் ।
ஹநுமந்தம் மஹாவேக³ம் வஹந்த இவ த்³ருஷ்டிபி⁴꞉ ॥ 4 ॥

ராக⁴வே சார்த²நிர்வ்ருத்திம் கர்தும் ச பரமம் யஶ꞉ ।
ஸமாதா⁴ய ஸம்ருத்³தா⁴ர்தா²꞉ கர்மஸித்³தி⁴பி⁴ருந்நதா꞉ ॥ 5 ॥

ப்ரியாக்²யாநோந்முகா²꞉ ஸர்வே ஸர்வே யுத்³தா⁴பி⁴நந்தி³ந꞉ ।
ஸர்வே ராமப்ரதீகாரே நிஶ்சிதார்தா² மநஸ்விந꞉ ॥ 6 ॥

ப்லவமாநா꞉ க²மாப்லுத்ய ததஸ்தே காநநௌகஸ꞉ ।
நந்த³நோபமமாஸேது³ர்வநம் த்³ருமலதாயுதம் ॥ 7 ॥

யத்தந்மது⁴வநம் நாம ஸுக்³ரீவஸ்யாபி⁴ரக்ஷிதம் ।
அத்⁴ருஷ்யம் ஸர்வபூ⁴தாநாம் ஸர்வபூ⁴தமநோஹரம் ॥ 8 ॥

யத்³ரக்ஷதி மஹாவீர்ய꞉ ஸதா³ த³தி⁴முக²꞉ கபி꞉ ।
மாதுல꞉ கபிமுக்²யஸ்ய ஸுக்³ரீவஸ்ய மஹாத்மந꞉ ॥ 9 ॥

தே தத்³வநமுபாக³ம்ய ப³பூ⁴வு꞉ பரமோத்கடா꞉ ।
வாநரா வாநரேந்த்³ரஸ்ய மந꞉காந்ததமம் மஹத் ॥ 10 ॥

ததஸ்தே வாநரா ஹ்ருஷ்டா த்³ருஷ்ட்வா மது⁴வநம் மஹத் ।
குமாரமப்⁴யயாசந்த மதூ⁴நி மது⁴பிங்க³ளா꞉ ॥ 11 ॥

தத꞉ குமாரஸ்தாந்வ்ருத்³தா⁴ந் ஜாம்ப³வத்ப்ரமுகா²ந்கபீந் ।
அநுமாந்ய த³தௌ³ தேஷாம் நிஸர்க³ம் மது⁴ப⁴க்ஷணே ॥ 12 ॥

ததஶ்சாநுமதா꞉ ஸர்வே ஸம்ப்ரஹ்ருஷ்டா வநௌகஸ꞉ ।
முதி³தா꞉ ப்ரேரிதாஶ்சாபி ப்ரந்ருத்யந்தோ(அ)ப⁴வம்ஸ்தத꞉ ॥ 13 ॥

கா³யந்தி கேசித்ப்ரணமந்தி கேசி-
-ந்ந்ருத்யந்தி கேசித்ப்ரஹஸந்தி கேசித் ।
பதந்தி கேசித்³விசரந்தி கேசி-
-த்ப்லவந்தி கேசித்ப்ரளபந்தி கேசித் ॥ 14 ॥

பரஸ்பரம் கேசிது³பாஶ்ரயந்தே
பரஸ்பரம் கேசிது³பாக்ரமந்தே ।
பரஸ்பரம் கேசிது³பப்³ருவந்தே
பரஸ்பரம் கேசிது³பாரமந்தே ॥ 15 ॥

த்³ருமாத்³த்³ருமம் கேசித³பி⁴த்³ரவந்தே
க்ஷிதௌ நகா³க்³ராந்நிபதந்தி கேசித் ।
மஹீதலாத்கேசிது³தீ³ர்ணவேகா³
மஹாத்³ருமாக்³ராண்யபி⁴ஸம்பதந்தி ॥ 16 ॥

கா³யந்தமந்ய꞉ ப்ரஹஸந்நுபைதி
ஹஸந்தமந்ய꞉ ப்ரருத³ந்நுபைதி ।
ருத³ந்தமந்ய꞉ ப்ரணத³ந்நுபைதி
நுத³ந்தமந்ய꞉ ப்ரணுத³ந்நுபைதி ॥ 17 ॥

ஸமாகுலம் தத்கபிஸைந்யமாஸீ-
-ந்மது⁴ப்ரபாநோத்கடஸத்த்வசேஷ்டம் ।
ந சாத்ர கஶ்சிந்ந ப³பூ⁴வ மத்தோ
ந சாத்ர கஶ்சிந்ந ப³பூ⁴வ த்ருப்த꞉ ॥ 18 ॥

ததோ வநம் தை꞉ பரிப⁴க்ஷ்யமாணம்
த்³ருமாம்ஶ்ச வித்⁴வம்ஸிதபத்ரபுஷ்பாந் ।
ஸமீக்ஷ்ய கோபாத்³த³தி⁴வக்த்ரநாமா
நிவாரயாமாஸ கபி꞉ கபீம்ஸ்தாந் ॥ 19 ॥

ஸ தை꞉ ப்ரவ்ருத்³தை⁴꞉ பரிப⁴ர்த்ஸ்யமாநோ
வநஸ்ய கோ³ப்தா ஹரிவீரவ்ருத்³த⁴꞉ ।
சகார பூ⁴யோ மதிமுக்³ரதேஜா
வநஸ்ய ரக்ஷாம் ப்ரதி வாநரேப்⁴ய꞉ ॥ 20 ॥

உவாச காம்ஶ்சித்பருஷாணி த்⁴ருஷ்ட-
-மஸக்தமந்யாம்ஶ்ச தலைர்ஜகா⁴ந ।
ஸமேத்ய கைஶ்சித்கலஹம் சகார
ததை²வ ஸாம்நோபஜகா³ம காம்ஶ்சித் ॥ 21 ॥

ஸ தைர்மதா³த்ஸம்பரிவார்ய வாக்யை-
-ர்ப³லாச்ச தேந ப்ரதிவார்யமாணை꞉ ।
ப்ரத⁴ர்ஷிதஸ்த்யக்தப⁴யை꞉ ஸமேத்ய
ப்ரக்ருஷ்யதே சாப்யநவேக்ஷ்ய தோ³ஷம் ॥ 22 ॥

நகை²ஸ்துத³ந்தோ த³ஶநைர்த³ஶந்த-
-ஸ்தலைஶ்ச பாதை³ஶ்ச ஸமாபயந்த꞉ ।
மதா³த்கபிம் தம் கபய꞉ ஸமக்³ரா
மஹாவநம் நிர்விஷயம் ச சக்ரு꞉ ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகஷஷ்டிதம꞉ ஸர்க³꞉ ॥ 61 ॥

ஸுந்த³ரகாண்ட³ த்³விஷஷ்டிதம꞉ ஸர்க³꞉ (62)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

Did you see any mistake/variation in the content above? Click here to report mistakes and corrections in Stotranidhi content.