Srimad Bhagavadgita Chapter 1 – ப்ரத²மோ(அ)த்⁴யாய꞉ – அர்ஜுனவிஷாத³யோக³꞉

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீமத்³ப⁴க³வத்³கீ³தா → 1. அர்ஜுனவிஷாத³யோக³꞉

த்⁴ருதராஷ்ட்ர உவாச ।
த⁴ர்மக்ஷேத்ரே குருக்ஷேத்ரே ஸமவேதா யுயுத்ஸவ꞉ ।
மாமகா꞉ பாண்ட³வாஶ்சைவ கிமகுர்வத ஸஞ்ஜய ॥ 1 ॥

ஸஞ்ஜய உவாச ।
த்³ருஷ்ட்வா து பாண்ட³வாநீகம் வ்யூட⁴ம் து³ர்யோத⁴நஸ்ததா³ ।
ஆசார்யமுபஸங்க³ம்ய ராஜா வசநமப்³ரவீத் ॥ 2 ॥

பஶ்யைதாம் பாண்டு³புத்ராணாமாசார்ய மஹதீம் சமூம் ।
வ்யூடா⁴ம் த்³ருபத³புத்ரேண தவ ஶிஷ்யேண தீ⁴மதா ॥ 3 ॥

அத்ர ஶூரா மஹேஷ்வாஸா பீ⁴மார்ஜுநஸமா யுதி⁴ ।
யுயுதா⁴நோ விராடஶ்ச த்³ருபத³ஶ்ச மஹாரத²꞉ ॥ 4 ॥

த்⁴ருஷ்டகேதுஶ்சேகிதாந꞉ காஶிராஜஶ்ச வீர்யவான் ।
புருஜித் குந்திபோ⁴ஜஶ்ச ஶைப்³யஶ்ச நரபுங்க³வ꞉ ॥ 5 ॥

யுதா⁴மந்யுஶ்ச விக்ராந்த உத்தமௌஜாஶ்ச வீர்யவான் ।
ஸௌப⁴த்³ரோ த்³ரௌபதே³யாஶ்ச ஸர்வ ஏவ மஹாரதா²꞉ ॥ 6 ॥

அஸ்மாகம் து விஶிஷ்டா யே தான் நிபோ³த⁴ த்³விஜோத்தம ।
நாயகா மம ஸைந்யஸ்ய ஸஞ்ஜ்ஞார்த²ம் தான் ப்³ரவீமி தே ॥ 7 ॥

ப⁴வான் பீ⁴ஷ்மஶ்ச கர்ணஶ்ச க்ருபஶ்ச ஸமிதிஞ்ஜய꞉ ।
அஶ்வத்தா²மா விகர்ணஶ்ச ஸௌமத³த்திஸ்ததை²வ ச ॥ 8 ॥

அந்யே ச ப³ஹவ꞉ ஶூரா மத³ர்தே² த்யக்தஜீவிதா꞉ ।
நாநாஶஸ்த்ரப்ரஹரணா꞉ ஸர்வே யுத்³த⁴விஶாரதா³꞉ ॥ 9 ॥

அபர்யாப்தம் தத³ஸ்மாகம் ப³லம் பீ⁴ஷ்மாபி⁴ரக்ஷிதம் ।
பர்யாப்தம் த்வித³மேதேஷாம் ப³லம் பீ⁴மாபி⁴ரக்ஷிதம் ॥ 10 ॥

அயநேஷு ச ஸர்வேஷு யதா²பா⁴க³மவஸ்தி²தா꞉ ।
பீ⁴ஷ்மமேவாபி⁴ரக்ஷந்து ப⁴வந்த꞉ ஸர்வ ஏவ ஹி ॥ 11 ॥

தஸ்ய ஸஞ்ஜநயன் ஹர்ஷம் குருவ்ருத்³த⁴꞉ பிதாமஹ꞉ ।
ஸிம்ஹநாத³ம் விநத்³யோச்சை꞉ ஶங்க²ம் த³த்⁴மௌ ப்ரதாபவான் ॥ 12 ॥

தத꞉ ஶங்கா²ஶ்ச பே⁴ர்யஶ்ச பணவாநககோ³முகா²꞉ ।
ஸஹஸைவாப்⁴யஹந்யந்த ஸ ஶப்³த³ஸ்துமுலோ(அ)ப⁴வத் ॥ 13 ॥

தத꞉ ஶ்வேதைர்ஹயைர்யுக்தே மஹதி ஸ்யந்த³நே ஸ்தி²தௌ ।
மாத⁴வ꞉ பாண்ட³வஶ்சைவ தி³வ்யௌ ஶங்கௌ² ப்ரத³த்⁴மது꞉ ॥ 14 ॥

பாஞ்சஜந்யம் ஹ்ருஷீகேஶோ தே³வத³த்தம் த⁴நஞ்ஜய꞉ ।
பௌண்ட்³ரம் த³த்⁴மௌ மஹாஶங்க²ம் பீ⁴மகர்மா வ்ருகோத³ர꞉ ॥ 15 ॥

அநந்தவிஜயம் ராஜா குந்தீபுத்ரோ யுதி⁴ஷ்டி²ர꞉ ।
நகுல꞉ ஸஹதே³வஶ்ச ஸுகோ⁴ஷமணிபுஷ்பகௌ ॥ 16 ॥

காஶ்யஶ்ச பரமேஷ்வாஸ꞉ ஶிக²ண்டீ³ ச மஹாரத²꞉ ।
த்⁴ருஷ்டத்³யும்நோ விராடஶ்ச ஸாத்யகிஶ்சாபராஜித꞉ ॥ 17 ॥

த்³ருபதோ³ த்³ரௌபதே³யாஶ்ச ஸர்வஶ꞉ ப்ருதி²வீபதே ।
ஸௌப⁴த்³ரஶ்ச மஹாபா³ஹு꞉ ஶங்கா²ன் த³த்⁴மு꞉ ப்ருத²க் ப்ருத²க் ॥ 18 ॥

ஸ கோ⁴ஷோ தா⁴ர்தராஷ்ட்ராணாம் ஹ்ருத³யாநி வ்யதா³ரயத் ।
நப⁴ஶ்ச ப்ருதி²வீம் சைவ துமுலோ வ்யநுநாத³யன் ॥ 19 ॥

அத² வ்யவஸ்தி²தான் த்³ருஷ்ட்வா தா⁴ர்தராஷ்ட்ரான் கபித்⁴வஜ꞉ ।
ப்ரவ்ருத்தே ஶஸ்த்ரஸம்பாதே த⁴நுருத்³யம்ய பாண்ட³வ꞉ ॥ 20 ॥

ஹ்ருஷீகேஶம் ததா³ வாக்யமித³மாஹ மஹீபதே ।
அர்ஜுந உவாச ।
ஸேநயோருப⁴யோர்மத்⁴யே ரத²ம் ஸ்தா²பய மே(அ)ச்யுத ॥ 21 ॥

யாவதே³தான் நிரீக்ஷே(அ)ஹம் யோத்³து⁴காமாநவஸ்தி²தான் ।
கைர்மயா ஸஹ யோத்³த⁴வ்யமஸ்மின் ரணஸமுத்³யமே ॥ 22 ॥

யோத்ஸ்யமாநாநவேக்ஷே(அ)ஹம் ய ஏதே(அ)த்ர ஸமாக³தா꞉ ।
தா⁴ர்தராஷ்ட்ரஸ்ய து³ர்பு³த்³தே⁴ர்யுத்³தே⁴ ப்ரியசிகீர்ஷவ꞉ ॥ 23 ॥

ஸஞ்ஜய உவாச ।
ஏவமுக்தோ ஹ்ருஷீகேஶோ கு³டா³கேஶேந பா⁴ரத ।
ஸேநயோருப⁴யோர்மத்⁴யே ஸ்தா²பயித்வா ரதோ²த்தமம் ॥ 24 ॥

பீ⁴ஷ்மத்³ரோணப்ரமுக²த꞉ ஸர்வேஷாம் ச மஹீக்ஷிதாம் ।
உவாச பார்த² பஶ்யைதான் ஸமவேதான் குரூநிதி ॥ 25 ॥

தத்ராபஶ்யத் ஸ்தி²தான் பார்த²꞉ பித்ரூநத² பிதாமஹான் ।
ஆசார்யாந்மாதுலான் ப்⁴ராத்ரூன் புத்ரான் பௌத்ரான் ஸகீ²ம்ஸ்ததா² ॥ 26 ॥

ஶ்வஶுரான் ஸுஹ்ருத³ஶ்சைவ ஸேநயோருப⁴யோரபி ।
தான் ஸமீக்ஷ்ய ஸ கௌந்தேய꞉ ஸர்வான் ப³ந்தூ⁴நவஸ்தி²தான் ॥ 27 ॥

க்ருபயா பரயாவிஷ்டோ விஷீத³ந்நித³மப்³ரவீத் ।
அர்ஜுந உவாச ।
த்³ருஷ்ட்வேமம் ஸ்வஜநம் க்ருஷ்ண யுயுத்ஸும் ஸமுபஸ்தி²தம் ॥ 28 ॥

ஸீத³ந்தி மம கா³த்ராணி முக²ம் ச பரிஶுஷ்யதி ।
வேபது²ஶ்ச ஶரீரே மே ரோமஹர்ஷஶ்ச ஜாயதே ॥ 29 ॥

கா³ண்டீ³வம் ஸ்ரம்ஸதே ஹஸ்தாத் த்வக் சைவ பரித³ஹ்யதே ।
ந ச ஶக்நோம்யவஸ்தா²தும் ப்⁴ரமதீவ ச மே மந꞉ ॥ 30 ॥

நிமித்தாநி ச பஶ்யாமி விபரீதாநி கேஶவ ।
ந ச ஶ்ரேயோ(அ)நுபஶ்யாமி ஹத்வா ஸ்வஜநமாஹவே ॥ 31 ॥

ந காங்க்ஷே விஜயம் க்ருஷ்ண ந ச ராஜ்யம் ஸுகா²நி ச ।
கிம் நோ ராஜ்யேந கோ³விந்த³ கிம் போ⁴கை³ர்ஜீவிதேந வா ॥ 32 ॥

யேஷாமர்தே² காங்க்ஷிதம் நோ ராஜ்யம் போ⁴கா³꞉ ஸுகா²நி ச ।
த இமே(அ)வஸ்தி²தா யுத்³தே⁴ ப்ராணாம்ஸ்த்யக்த்வா த⁴நாநி ச ॥ 33 ॥

ஆசார்யா꞉ பிதர꞉ புத்ராஸ்ததை²வ ச பிதாமஹா꞉ ।
மாதுலா꞉ ஶ்வஶுரா꞉ பௌத்ரா꞉ ஶ்யாளா꞉ ஸம்ப³ந்தி⁴நஸ்ததா² ॥ 34 ॥

ஏதான் ந ஹந்துமிச்சா²மி க்⁴நதோ(அ)பி மது⁴ஸூத³ந ।
அபி த்ரைலோக்யராஜ்யஸ்ய ஹேதோ꞉ கிம் நு மஹீக்ருதே ॥ 35 ॥

நிஹத்ய தா⁴ர்தராஷ்ட்ரான் ந꞉ கா ப்ரீதி꞉ ஸ்யாஜ்ஜநார்த³ந ।
பாபமேவாஶ்ரயேத³ஸ்மான் ஹத்வைதாநாததாயிந꞉ ॥ 36 ॥

தஸ்மாந்நார்ஹா வயம் ஹந்தும் தா⁴ர்தராஷ்ட்ரான் ஸ்வபா³ந்த⁴வான் ।
ஸ்வஜநம் ஹி கத²ம் ஹத்வா ஸுகி²ந꞉ ஸ்யாம மாத⁴வ ॥ 37 ॥

யத்³யப்யேதே ந பஶ்யந்தி லோபோ⁴பஹதசேதஸ꞉ ।
குலக்ஷயக்ருதம் தோ³ஷம் மித்ரத்³ரோஹே ச பாதகம் ॥ 38 ॥

கத²ம் ந ஜ்ஞேயமஸ்மாபி⁴꞉ பாபாத³ஸ்மாந்நிவர்திதும் ।
குலக்ஷயக்ருதம் தோ³ஷம் ப்ரபஶ்யத்³பி⁴ர்ஜநார்த³ந ॥ 39 ॥

குலக்ஷயே ப்ரணஶ்யந்தி குலத⁴ர்மா꞉ ஸநாதநா꞉ ।
த⁴ர்மே நஷ்டே குலம் க்ருத்ஸ்நமத⁴ர்மோ(அ)பி⁴ப⁴வத்யுத ॥ 40 ॥

அத⁴ர்மாபி⁴ப⁴வாத் க்ருஷ்ண ப்ரது³ஷ்யந்தி குலஸ்த்ரிய꞉ ।
ஸ்த்ரீஷு து³ஷ்டாஸு வார்ஷ்ணேய ஜாயதே வர்ணஸங்கர꞉ ॥ 41 ॥

ஸங்கரோ நரகாயைவ குலக்⁴நாநாம் குலஸ்ய ச ।
பதந்தி பிதரோ ஹ்யேஷாம் லுப்தபிண்டோ³த³கக்ரியா꞉ ॥ 42 ॥

தோ³ஷைரேதை꞉ குலக்⁴நாநாம் வர்ணஸங்கரகாரகை꞉ ।
உத்ஸாத்³யந்தே ஜாதித⁴ர்மா꞉ குலத⁴ர்மாஶ்ச ஶாஶ்வதா꞉ ॥ 43 ॥

உத்ஸந்நகுலத⁴ர்மாணாம் மநுஷ்யாணாம் ஜநார்த³ந ।
நரகே(அ)நியதம் வாஸோ ப⁴வதீத்யநுஶுஶ்ரும ॥ 44 ॥

அஹோ ப³த மஹத்பாபம் கர்தும் வ்யவஸிதா வயம் ।
யத்³ராஜ்யஸுக²லோபே⁴ந ஹந்தும் ஸ்வஜநமுத்³யதா꞉ ॥ 45 ॥

யதி³ மாமப்ரதீகாரமஶஸ்த்ரம் ஶஸ்த்ரபாணய꞉ ।
தா⁴ர்தராஷ்ட்ரா ரணே ஹந்யுஸ்தந்மே க்ஷேமதரம் ப⁴வேத் ॥ 46 ॥

ஸஞ்ஜய உவாச ।
ஏவமுக்த்வார்ஜுந꞉ ஸங்க்²யே ரதோ²பஸ்த² உபாவிஶத் ।
விஸ்ருஜ்ய ஸஶரம் சாபம் ஶோகஸம்விக்³நமாநஸ꞉ ॥ 47 ॥

இதி ஶ்ரீமத்³ப⁴க³வத்³கீ³தாஸூபநிஷத்ஸு ப்³ரஹ்மவித்³யாயாம் யோக³ஶாஸ்த்ரே ஶ்ரீக்ருஷ்ணார்ஜுநஸம்வாதே³ அர்ஜுநவிஷாத³யோகோ³ நாம ப்ரத²மோ(அ)த்⁴யாய꞉ ॥ 1 ॥

த்³விதீயோ(அ)த்⁴யாய꞉- ஸாங்க்²யயோக³꞉ >>

---

ஸம்பூர்ண ஶ்ரீமத்³ப⁴க³வத்³கீ³தா பார்க்க.

Did you see any mistake/variation in the content above? Click here to report mistakes and corrections in Stotranidhi content.