Read in తెలుగు / ಕನ್ನಡ / தமிழ் / देवनागरी / English (IAST)
॥ மத்⁴யம சரிதம் ॥
அஸ்ய ஶ்ரீ மத்⁴யமசரிதஸ்ய விஷ்ணு ருஷி꞉, உஷ்ணிக் ச²ந்த³꞉, ஶ்ரீமஹாலக்ஷ்மீர்தே³வதா, ஶாகம்ப⁴ரீ ஶக்தி꞉, து³ர்கா³ பீ³ஜம், வாயுஸ்தத்த்வம், யஜுர்வேத³ த்⁴யாநம், ஶ்ரீமஹாலக்ஷ்மீப்ரீத்யர்தே² மத்⁴யமசரித பாராயணே விநியோக³꞉ ।
த்⁴யாநம் –
அக்ஷஸ்ரக்பரஶூக³தே³ஷுகுலிஶம் பத்³மம் த⁴நு꞉ குண்டி³காம்
த³ண்ட³ம் ஶக்திமஸிம் ச சர்ம ஜலஜம் க⁴ண்டாம் ஸுராபா⁴ஜநம் ।
ஶூலம் பாஶஸுத³ர்ஶநே ச த³த⁴தீம் ஹஸ்தை꞉ ப்ரவாளப்ரபா⁴ம்
ஸேவே ஸைரிப⁴மர்தி³நீமிஹ மஹாலக்ஷ்மீம் ஸரோஜஸ்தி²தாம் ॥
॥ ஓம் ஹ்ரீம் ॥
ருஷிருவாச ॥ 1 ॥
தே³வாஸுரமபூ⁴த்³யுத்³த⁴ம் பூர்ணமப்³த³ஶதம் புரா ।
மஹிஷே(அ)ஸுராணாமதி⁴பே தே³வாநாம் ச புரந்த³ரே ॥ 2 ॥
தத்ராஸுரைர்மஹாவீர்யைர்தே³வஸைந்யம் பராஜிதம் ।
ஜித்வா ச ஸகலான் தே³வாநிந்த்³ரோ(அ)பூ⁴ந்மஹிஷாஸுர꞉ ॥ 3 ॥
தத꞉ பராஜிதா தே³வா꞉ பத்³மயோநிம் ப்ரஜாபதிம் ।
புரஸ்க்ருத்ய க³தாஸ்தத்ர யத்ரேஶக³ருட³த்⁴வஜௌ ॥ 4 ॥
யதா²வ்ருத்தம் தயோஸ்தத்³வந்மஹிஷாஸுரசேஷ்டிதம் ।
த்ரித³ஶா꞉ கத²யாமாஸுர்தே³வாபி⁴ப⁴வவிஸ்தரம் ॥ 5 ॥
ஸூர்யேந்த்³ராக்³ந்யநிலேந்தூ³நாம் யமஸ்ய வருணஸ்ய ச ।
அந்யேஷாம் சாதி⁴காரான் ஸ ஸ்வயமேவாதி⁴திஷ்ட²தி ॥ 6 ॥
ஸ்வர்கா³ந்நிராக்ருதா꞉ ஸர்வே தேந தே³வக³ணா பு⁴வி ।
விசரந்தி யதா² மர்த்யா மஹிஷேண து³ராத்மநா ॥ 7 ॥
ஏதத்³வ꞉ கதி²தம் ஸர்வமமராரிவிசேஷ்டிதம் ।
ஶரணம் வ꞉ ப்ரபந்நா꞉ ஸ்மோ வத⁴ஸ்தஸ்ய விசிந்த்யதாம் ॥ 8 ॥
இத்த²ம் நிஶம்ய தே³வாநாம் வசாம்ஸி மது⁴ஸூத³ந꞉ ।
சகார கோபம் ஶம்பு⁴ஶ்ச ப்⁴ருகுடீகுடிலாநநௌ ॥ 9 ॥
ததோ(அ)திகோபபூர்ணஸ்ய சக்ரிணோ வத³நாத்தத꞉ ।
நிஶ்சக்ராம மஹத்தேஜோ ப்³ரஹ்மண꞉ ஶங்கரஸ்ய ச ॥ 10 ॥
அந்யேஷாம் சைவ தே³வாநாம் ஶக்ராதீ³நாம் ஶரீரத꞉ ।
நிர்க³தம் ஸுமஹத்தேஜஸ்தச்சைக்யம் ஸமக³ச்ச²த ॥ 11 ॥
அதீவ தேஜஸ꞉ கூடம் ஜ்வலந்தமிவ பர்வதம் ।
த³த்³ருஶுஸ்தே ஸுராஸ்தத்ர ஜ்வாலாவ்யாப்ததி³க³ந்தரம் ॥ 12 ॥
அதுலம் தத்ர தத்தேஜ꞉ ஸர்வதே³வஶரீரஜம் ।
ஏகஸ்த²ம் தத³பூ⁴ந்நாரீ வ்யாப்தலோகத்ரயம் த்விஷா ॥ 13 ॥
யத³பூ⁴ச்சா²ம்ப⁴வம் தேஜஸ்தேநாஜாயத தந்முக²ம் ।
யாம்யேந சாப⁴வன் கேஶா பா³ஹவோ விஷ்ணுதேஜஸா ॥ 14 ॥
ஸௌம்யேந ஸ்தநயோர்யுக்³மம் மத்⁴யம் சைந்த்³ரேண சாப⁴வத் ।
வாருணேந ச ஜங்கோ⁴ரூ நிதம்ப³ஸ்தேஜஸா பு⁴வ꞉ ॥ 15 ॥
ப்³ரஹ்மணஸ்தேஜஸா பாதௌ³ தத³ங்கு³ல்யோ(அ)ர்கதேஜஸா ।
வஸூநாம் ச கராங்கு³ல்ய꞉ கௌபே³ரேண ச நாஸிகா ॥ 16 ॥
தஸ்யாஸ்து த³ந்தா꞉ ஸம்பூ⁴தா꞉ ப்ராஜாபத்யேந தேஜஸா ।
நயநத்ரிதயம் ஜஜ்ஞே ததா² பாவகதேஜஸா ॥ 17 ॥
ப்⁴ருவௌ ச ஸந்த்⁴யயோஸ்தேஜ꞉ ஶ்ரவணாவநிலஸ்ய ச ।
அந்யேஷாம் சைவ தே³வாநாம் ஸம்ப⁴வஸ்தேஜஸாம் ஶிவா ॥ 18 ॥
தத꞉ ஸமஸ்ததே³வாநாம் தேஜோராஶிஸமுத்³ப⁴வாம் ।
தாம் விளோக்ய முத³ம் ப்ராபுரமரா மஹிஷார்தி³தா꞉ ॥ 19 ॥
[* ததோ தே³வா த³து³ஸ்தஸ்யை ஸ்வாநி ஸ்வாந்யாயுதா⁴நி ச । *]
ஶூலம் ஶூலாத்³விநிஷ்க்ருஷ்ய த³தௌ³ தஸ்யை பிநாகத்⁴ருக் ।
சக்ரம் ச த³த்தவான் க்ருஷ்ண꞉ ஸமுத்பாட்ய ஸ்வசக்ரத꞉ ॥ 20 ॥
ஶங்க²ம் ச வருண꞉ ஶக்திம் த³தௌ³ தஸ்யை ஹுதாஶந꞉ ।
மாருதோ த³த்தவாம்ஶ்சாபம் பா³ணபூர்ணே ததே²ஷுதீ⁴ ॥ 21 ॥
வஜ்ரமிந்த்³ர꞉ ஸமுத்பாட்ய குலிஶாத³மராதி⁴ப꞉ ।
த³தௌ³ தஸ்யை ஸஹஸ்ராக்ஷோ க⁴ண்டாமைராவதாத்³க³ஜாத் ॥ 22 ॥
காலத³ண்டா³த்³யமோ த³ண்ட³ம் பாஶம் சாம்பு³பதிர்த³தௌ³ ।
ப்ரஜாபதிஶ்சாக்ஷமாலாம் த³தௌ³ ப்³ரஹ்மா கமண்ட³லும் ॥ 23 ॥
ஸமஸ்தரோமகூபேஷு நிஜரஶ்மீன் தி³வாகர꞉ ।
காலஶ்ச த³த்தவான் க²ட்³க³ம் தஸ்யை சர்ம ச நிர்மலம் ॥ 24 ॥
க்ஷீரோத³ஶ்சாமலம் ஹாரமஜரே ச ததா²ம்ப³ரே ।
சூடா³மணிம் ததா² தி³வ்யம் குண்ட³லே கடகாநி ச ॥ 25 ॥
அர்த⁴சந்த்³ரம் ததா² ஶுப்⁴ரம் கேயூரான் ஸர்வபா³ஹுஷு ।
நூபுரௌ விமலௌ தத்³வத்³க்³ரைவேயகமநுத்தமம் ॥ 26 ॥
அங்கு³ளீயகரத்நாநி ஸமஸ்தாஸ்வங்கு³ளீஷு ச ।
விஶ்வகர்மா த³தௌ³ தஸ்யை பரஶும் சாதிநிர்மலம் ॥ 27 ॥
அஸ்த்ராண்யநேகரூபாணி ததா²பே⁴த்³யம் ச த³ம்ஶநம் ।
அம்லாநபங்கஜாம் மாலாம் ஶிரஸ்யுரஸி சாபராம் ॥ 28 ॥
அத³த³ஜ்ஜலதி⁴ஸ்தஸ்யை பங்கஜம் சாதிஶோப⁴நம் ।
ஹிமவான் வாஹநம் ஸிம்ஹம் ரத்நாநி விவிதா⁴நி ச ॥ 29 ॥
த³தா³வஶூந்யம் ஸுரயா பாநபாத்ரம் த⁴நாதி⁴ப꞉ ।
ஶேஷஶ்ச ஸர்வநாகே³ஶோ மஹாமணிவிபூ⁴ஷிதம் ॥ 30 ॥
நாக³ஹாரம் த³தௌ³ தஸ்யை த⁴த்தே ய꞉ ப்ருதி²வீமிமாம் ।
அந்யைரபி ஸுரைர்தே³வீ பூ⁴ஷணைராயுதை⁴ஸ்ததா² ॥ 31 ॥
ஸம்மாநிதா நநாதோ³ச்சை꞉ ஸாட்டஹாஸம் முஹுர்முஹு꞉ ।
தஸ்யா நாதே³ந கோ⁴ரேண க்ருத்ஸ்நமாபூரிதம் நப⁴꞉ ॥ 32 ॥
அமாயதாதிமஹதா ப்ரதிஶப்³தோ³ மஹாநபூ⁴த் ।
சுக்ஷுபு⁴꞉ ஸகலா லோகா꞉ ஸமுத்³ராஶ்ச சகம்பிரே ॥ 33 ॥
சசால வஸுதா⁴ சேலு꞉ ஸகலாஶ்ச மஹீத⁴ரா꞉ ।
ஜயேதி தே³வாஶ்ச முதா³ தாமூசு꞉ ஸிம்ஹவாஹிநீம் ॥ 34 ॥
துஷ்டுவுர்முநயஶ்சைநாம் ப⁴க்திநம்ராத்மமூர்தய꞉ ।
த்³ருஷ்ட்வா ஸமஸ்தம் ஸங்க்ஷுப்³த⁴ம் த்ரைலோக்யமமராரய꞉ ॥ 35 ॥
ஸந்நத்³தா⁴கி²லஸைந்யாஸ்தே ஸமுத்தஸ்து²ருதா³யுதா⁴꞉ ।
ஆ꞉ கிமேததி³தி க்ரோதா⁴தா³பா⁴ஷ்ய மஹிஷாஸுர꞉ ॥ 36 ॥
அப்⁴யதா⁴வத தம் ஶப்³த³மஶேஷைரஸுரைர்வ்ருத꞉ ।
ஸ த³த³ர்ஶ ததோ தே³வீம் வ்யாப்தலோகத்ரயாம் த்விஷா ॥ 37 ॥
பாதா³க்ராந்த்யா நதபு⁴வம் கிரீடோல்லிகி²தாம்ப³ராம் ।
க்ஷோபி⁴தாஶேஷபாதாலாம் த⁴நுர்ஜ்யாநி꞉ஸ்வநேந தாம் ॥ 38 ॥
தி³ஶோ பு⁴ஜஸஹஸ்ரேண ஸமந்தாத்³வ்யாப்ய ஸம்ஸ்தி²தாம் ।
தத꞉ ப்ரவவ்ருதே யுத்³த⁴ம் தயா தே³வ்யா ஸுரத்³விஷாம் ॥ 39 ॥
ஶஸ்த்ராஸ்த்ரைர்ப³ஹுதா⁴ முக்தைராதீ³பிததி³க³ந்தரம் ।
மஹிஷாஸுரஸேநாநீஶ்சிக்ஷுராக்²யோ மஹா(அ)ஸுர꞉ ॥ 40 ॥
யுயுதே⁴ சாமரஶ்சாந்யைஶ்சதுரங்க³ப³லாந்வித꞉ ।
ரதா²நாமயுதை꞉ ஷட்³பி⁴ருத³க்³ராக்²யோ மஹாஸுர꞉ ॥ 41 ॥
அயுத்⁴யதாயுதாநாம் ச ஸஹஸ்ரேண மஹாஹநு꞉ ।
பஞ்சாஶத்³பி⁴ஶ்ச நியுதைரஸிலோமா மஹாஸுர꞉ ॥ 42 ॥
அயுதாநாம் ஶதை꞉ ஷட்³பி⁴ர்பா³ஷ்களோ யுயுதே⁴ ரணே ।
க³ஜவாஜிஸஹஸ்ரௌகை⁴ரநேகை꞉ பரிவாரித꞉ ॥ 43 ॥
வ்ருதோ ரதா²நாம் கோட்யா ச யுத்³தே⁴ தஸ்மிந்நயுத்⁴யத ।
பி³டா³லாக்²யோ(அ)யுதாநாம் ச பஞ்சாஶத்³பி⁴ரதா²யுதை꞉ ॥ 44 ॥
யுயுதே⁴ ஸம்யுகே³ தத்ர ரதா²நாம் பரிவாரித꞉ ।
அந்யே ச தத்ராயுதஶோ ரத²நாக³ஹயைர்வ்ருதா꞉ ॥ 45 ॥
யுயுது⁴꞉ ஸம்யுகே³ தே³வ்யா ஸஹ தத்ர மஹாஸுரா꞉ ।
கோடிகோடிஸஹஸ்ரைஸ்து ரதா²நாம் த³ந்திநாம் ததா² ॥ 46 ॥
ஹயாநாம் ச வ்ருதோ யுத்³தே⁴ தத்ராபூ⁴ந்மஹிஷாஸுர꞉ ।
தோமரைர்பி⁴ந்தி³பாலைஶ்ச ஶக்திபி⁴ர்முஸலைஸ்ததா² ॥ 47 ॥
யுயுது⁴꞉ ஸம்யுகே³ தே³வ்யா க²ட்³கை³꞉ பரஶுபட்டிஶை꞉ ।
கேசிச்ச சிக்ஷிபு꞉ ஶக்தீ꞉ கேசித்பாஶாம்ஸ்ததா²பரே ॥ 48 ॥
தே³வீம் க²ட்³க³ப்ரஹாரைஸ்து தே தாம் ஹந்தும் ப்ரசக்ரமு꞉ ।
ஸாபி தே³வீ ததஸ்தாநி ஶஸ்த்ராண்யஸ்த்ராணி சண்டி³கா ॥ 49 ॥
லீலயைவ ப்ரசிச்சே²த³ நிஜஶஸ்த்ராஸ்த்ரவர்ஷிணீ ।
அநாயஸ்தாநநா தே³வீ ஸ்தூயமாநா ஸுரர்ஷிபி⁴꞉ ॥ 50 ॥
முமோசாஸுரதே³ஹேஷு ஶஸ்த்ராண்யஸ்த்ராணி சேஶ்வரீ ।
ஸோ(அ)பி க்ருத்³தோ⁴ து⁴தஸடோ தே³வ்யா வாஹநகேஸரீ ॥ 51 ॥
சசாராஸுரஸைந்யேஷு வநேஷ்விவ ஹுதாஶந꞉ ।
நி꞉ஶ்வாஸான் முமுசே யாம்ஶ்ச யுத்⁴யமாநா ரணே(அ)ம்பி³கா ॥ 52 ॥
த ஏவ ஸத்³ய꞉ ஸம்பூ⁴தா க³ணா꞉ ஶதஸஹஸ்ரஶ꞉ ।
யுயுது⁴ஸ்தே பரஶுபி⁴ர்பி⁴ந்தி³பாலாஸிபட்டிஶை꞉ ॥ 53 ॥
நாஶயந்தோ(அ)ஸுரக³ணான் தே³வீஶக்த்யுபப்³ரும்ஹிதா꞉ ।
அவாத³யந்த படஹான் க³ணா꞉ ஶங்கா²ம்ஸ்ததா²பரே ॥ 54 ॥
ம்ருத³ங்கா³ம்ஶ்ச ததை²வாந்யே தஸ்மின் யுத்³த⁴மஹோத்ஸவே ।
ததோ தே³வீ த்ரிஶூலேந க³த³யா ஶக்திருஷ்டிபி⁴꞉ ॥ 55 ॥
க²ட்³கா³தி³பி⁴ஶ்ச ஶதஶோ நிஜகா⁴ந மஹாஸுரான் ।
பாதயாமாஸ சைவாந்யான் க⁴ண்டாஸ்வநவிமோஹிதான் ॥ 56 ॥
அஸுரான் பு⁴வி பாஶேந ப³த்³த்⁴வா சாந்யாநகர்ஷயத் ।
கேசித்³த்³விதா⁴ க்ருதாஸ்தீக்ஷ்ணை꞉ க²ட்³க³பாதைஸ்ததா²பரே ॥ 57 ॥
விபோதி²தா நிபாதேந க³த³யா பு⁴வி ஶேரதே ।
வேமுஶ்ச கேசித்³ருதி⁴ரம் முஸலேந ப்⁴ருஶம் ஹதா꞉ ॥ 58 ॥
கேசிந்நிபதிதா பூ⁴மௌ பி⁴ந்நா꞉ ஶூலேந வக்ஷஸி ।
நிரந்தரா꞉ ஶரௌகே⁴ண க்ருதா꞉ கேசித்³ரணாஜிரே ॥ 59 ॥
ஸேநாநுகாரிண꞉ ப்ராணான் முமுசுஸ்த்ரித³ஶார்த³நா꞉ ।
கேஷாஞ்சித்³பா³ஹவஶ்சி²ந்நாஶ்சி²ந்நக்³ரீவாஸ்ததா²பரே ॥ 60 ॥
ஶிராம்ஸி பேதுரந்யேஷாமந்யே மத்⁴யே விதா³ரிதா꞉ ।
விச்சி²ந்நஜங்கா⁴ஸ்த்வபரே பேதுருர்வ்யாம் மஹாஸுரா꞉ ॥ 61 ॥
ஏகபா³ஹ்வக்ஷிசரணா꞉ கேசித்³தே³வ்யா த்³விதா⁴ க்ருதா꞉ ।
சி²ந்நே(அ)பி சாந்யே ஶிரஸி பதிதா꞉ புநருத்தி²தா꞉ ॥ 62 ॥
கப³ந்தா⁴ யுயுது⁴ர்தே³வ்யா க்³ருஹீதபரமாயுதா⁴꞉ ।
நந்ருதுஶ்சாபரே தத்ர யுத்³தே⁴ தூர்யலயாஶ்ரிதா꞉ ॥ 63 ॥
கப³ந்தா⁴ஶ்சி²ந்நஶிரஸ꞉ க²ட்³க³ஶக்த்ய்ருஷ்டிபாணய꞉ ।
திஷ்ட² திஷ்டே²தி பா⁴ஷந்தோ தே³வீமந்யே மஹாஸுரா꞉ ॥ 64 ॥
பாதிதை ரத²நாகா³ஶ்வைரஸுரைஶ்ச வஸுந்த⁴ரா ।
அக³ம்யா ஸா(அ)ப⁴வத்தத்ர யத்ராபூ⁴த் ஸ மஹாரண꞉ ॥ 65 ॥
ஶோணிதௌகா⁴ மஹாநத்³ய꞉ ஸத்³யஸ்தத்ர ப்ரஸுஸ்ருவு꞉ ।
மத்⁴யே சாஸுரஸைந்யஸ்ய வாரணாஸுரவாஜிநாம் ॥ 66 ॥
க்ஷணேந தந்மஹாஸைந்யமஸுராணாம் ததா²ம்பி³கா ।
நிந்யே க்ஷயம் யதா² வஹ்நிஸ்த்ருணதா³ருமஹாசயம் ॥ 67 ॥
ஸ ச ஸிம்ஹோ மஹாநாத³முத்ஸ்ருஜன் து⁴தகேஸர꞉ ।
ஶரீரேப்⁴யோ(அ)மராரீணாமஸூநிவ விசிந்வதி ॥ 68 ॥
தே³வ்யா க³ணைஶ்ச தைஸ்தத்ர க்ருதம் யுத்³த⁴ம் ததா²ஸுரை꞉ ।
யதை²ஷாம் துதுஷுர்தே³வா꞉ புஷ்பவ்ருஷ்டிமுசோ தி³வி ॥ 69 ॥
இதி ஶ்ரீமார்கண்டே³யபுராணே ஸாவர்ணிகே மந்வந்தரே தே³வீமாஹாத்ம்யே மஹிஷாஸுரஸைந்யவதோ⁴ நாம த்³விதீயோ(அ)த்⁴யாய꞉ ॥ 2 ॥
(உவாசமந்த்ரா꞉ – 1, ஶ்லோகமந்த்ரா꞉ – 68, ஏவம் – 69, ஏவமாதி³த꞉ – 173)
த்ருதீயோ(அ)த்⁴யாய꞉ (மஹிஷாஸுரவத⁴) >>
ஸம்பூர்ண து³ர்கா³ ஸப்தஶதீ பார்க்க.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.