Balakanda Sarga 6 – பா³லகாண்ட³ ஷஷ்ட²꞉ ஸர்க³꞉ (6)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே பா³லகாண்ட³ → பா³லகாண்ட³ ஷஷ்ட²꞉ ஸர்க³꞉ (6)

॥ ராஜவர்ணநா ॥

தஸ்யாம் புர்யாமயோத்⁴யாயாம் வேத³வித்ஸர்வஸங்க்³ரஹ꞉ ।
தீ³ர்க⁴த³ர்ஶீ மஹாதேஜா꞉ பௌரஜாநபத³ப்ரிய꞉ ॥ 1 ॥

இக்ஷ்வாகூணாமதிரதோ² யஜ்வா த⁴ர்மரதோ வஶீ ।
மஹர்ஷிகல்போ ராஜர்ஷிஸ்த்ரிஷு லோகேஷு விஶ்ருத꞉ ॥ 2 ॥

ப³லவாந் நிஹதாமித்ரோ மித்ரவாந் விஜிதேந்த்³ரிய꞉ ।
த⁴நைஶ்ச ஸஞ்சயைஶ்சாந்யை꞉ ஶக்ரவைஶ்ரவணோபம꞉ ॥ 3 ॥

யதா² மநுர்மஹாதேஜா லோகஸ்ய பரிரக்ஷிதா ।
ததா² த³ஶரதோ² ராஜா வஸந் ஜக³த³பாலயத் ॥ 4 ॥

தேந ஸத்யாபி⁴ஸந்தே⁴ந த்ரிவர்க³மநுதிஷ்ட²தா ।
பாலிதா ஸா புரீ ஶ்ரேஷ்டா² இந்த்³ரேணேவாமராவதீ ॥ 5 ॥

தஸ்மிந்புரவரே ஹ்ருஷ்டா த⁴ர்மாத்மாநோ ப³ஹுஶ்ருதா꞉ ।
நராஸ்துஷ்டா த⁴நை꞉ ஸ்வை꞉ ஸ்வைரளுப்³தா⁴꞉ ஸத்யவாதி³ந꞉ ॥ 6 ॥

நால்பஸம்நிசய꞉ கஶ்சிதா³ஸீத்தஸ்மிந்புரோத்தமே ।
குடும்பீ³ யோ ஹ்யஸித்³தா⁴ர்தோ²(அ)க³வாஶ்வத⁴நதா⁴ந்யவாந் ॥ 7 ॥

காமீ வா ந கத³ர்யோ வா ந்ருஶம்ஸ꞉ புருஷ꞉ க்வசித் ।
த்³ரஷ்டும் ஶக்யமயோத்⁴யாயாம் நாவித்³வாந்ந ச நாஸ்திக꞉ ॥ 8 ॥

ஸர்வே நராஶ்ச நார்யஶ்ச த⁴ர்மஶீலா꞉ ஸுஸம்யதா꞉ ।
உதி³தா꞉ ஶீலவ்ருத்தாப்⁴யாம் மஹர்ஷய இவாமலா꞉ ॥ 9 ॥

நாகுண்ட³லீ நாமுகுடீ நாஸ்ரக்³வீ நால்பபோ⁴க³வாந் ।
நாம்ருஷ்டோ நாநுலிப்தாங்கோ³ நாஸுக³ந்த⁴ஶ்ச வித்³யதே ॥ 10 ॥

நாம்ருஷ்டபோ⁴ஜீ நாதா³தா நாப்யநங்க³த³நிஷ்கத்⁴ருக் ।
நாஹஸ்தாப⁴ரணோ வா(அ)பி த்³ருஶ்யதே நாப்யநாத்மவாந் ॥ 11 ॥

நாநாஹிதாக்³நிர்நாயஜ்வா ந க்ஷுத்³ரோ வா ந தஸ்கர꞉ ।
கஶ்சிதா³ஸீத³யோத்⁴யாயாம் ந ச நிர்வ்ருத்தஸங்கர꞉ ॥ 12 ॥

ஸ்வகர்மநிரதா நித்யம் ப்³ராஹ்மணா விஜிதேந்த்³ரியா꞉ ।
தா³நாத்⁴யயநஶீலாஶ்ச ஸம்யதாஶ்ச ப்ரதிக்³ரஹே ॥ 13 ॥

ந நாஸ்திகோ நாந்ருதகோ ந கஶ்சித³ப³ஹுஶ்ருத꞉ ।
நாஸூயகோ ந சா(அ)ஶக்தோ நாவித்³வாந்வித்³யதே க்வசித் ॥ 14 ॥

நாஷட³ங்க³வித³த்ராஸீந்நாவ்ரதோ நாஸஹஸ்ரத³꞉ ।
ந தீ³ந꞉ க்ஷிப்தசித்தோ வா வ்யதி²தோ வாபி கஶ்சந ॥ 15 ॥

கஶ்சிந்நரோ வா நாரீ வா நாஶ்ரீமாந்நாப்யரூபவாந் ।
த்³ரஷ்டும் ஶக்யமயோத்⁴யாயாம் நாபி ராஜந்யப⁴க்திமாந் ॥ 16 ॥

வர்ணேஷ்வக்³ர்யசதுர்தே²ஷு தே³வதாதிதி²பூஜகா꞉ ।
க்ருதஜ்ஞாஶ்ச வதா³ந்யாஶ்ச ஶூரா விக்ரமஸம்யுதா꞉ ॥ 17 ॥

தீ³ர்கா⁴யுஷோ நரா꞉ ஸர்வே த⁴ர்மம் ஸத்யம் ச ஸம்ஶ்ரிதா꞉ ।
ஸஹிதா꞉ புத்ரபௌத்ரைஶ்ச நித்யம் ஸ்த்ரீபி⁴꞉ புரோத்தமே ॥ 18 ॥

க்ஷத்ரம் ப்³ரஹ்மமுக²ம் சாஸீத்³வைஶ்யா꞉ க்ஷத்ரமநுவ்ரதா꞉ ।
ஶூத்³ரா꞉ ஸ்வத⁴ர்ம நிரதாஸ்த்ரீந்வர்ணாநுபசாரிண꞉ ॥ 19 ॥

ஸா தேநேக்ஷ்வாகுநாதே²ந புரீ ஸுபரிரக்ஷிதா ।
யதா² புரஸ்தாந்மநுநா மாநவேந்த்³ரேண தீ⁴மதா ॥ 20 ॥

யோதா⁴நாமக்³நிகல்பாநாம் பேஶலாநாமமர்ஷிணாம் ।
ஸம்பூர்ணா க்ருதவித்³யாநாம் கு³ஹா கேஸரிணாமிவ ॥ 21 ॥

காம்போ⁴ஜவிஷயே ஜாதைர்பா³ஹ்லீகைஶ்ச ஹயோத்தமை꞉ ।
வநாயுஜைர்நதீ³ஜைஶ்ச பூர்ணா ஹரிஹயோத்தமை꞉ ॥ 22 ॥

விந்த்⁴யபர்வதஜைர்மத்தை꞉ பூர்ணா ஹைமவதைரபி ।
மதா³ந்விதைரதிப³லைர்மாதங்கை³꞉ பர்வதோபமை꞉ ॥ 23 ॥

ஐராவதகுலீநைஶ்ச மஹாபத்³மகுலைஸ்ததா² ।
அஞ்ஜநாத³பி நிஷ்பந்நைர்வாமநாத³பி ச த்³விபை꞉ ॥ 24 ॥

ப⁴த்³ரைர்மந்த்³ரைர்ம்ருகை³ஶ்சைவ ப⁴த்³ரமந்த்³ரம்ருகை³ஸ்த²தா² ।
ப⁴த்³ரமந்த்³ரைர்ப⁴த்³ரம்ருகை³ர்ம்ருக³மந்த்³ரைஶ்ச ஸா புரீ ॥ 25 ॥

நித்யமத்தை꞉ ஸதா³ பூர்ணா நாகை³ரசலஸந்நிபை⁴꞉ ।
ஸா யோஜநே ச த்³வே பூ⁴ய꞉ ஸத்யநாமா ப்ரகாஶதே ॥ 26 ॥

யஸ்யாம் த³ஶரதோ² ராஜா வஸந் ஜக³த³பாலயத் ।
தாம் புரீம் ஸ மஹாதேஜா ராஜா த³ஶரதோ² மஹாந் ।
ஶஶாஸ ஶமிதாமித்ரோ நக்ஷத்ராணீவ சந்த்³ரமா꞉ ॥ 27 ॥

தாம் ஸத்யநாமாம் த்³ருட⁴தோரணார்க³ளாம்
க்³ருஹைர்விசித்ரைருபஶோபி⁴தாம் ஶிவாம் ।
புரீமயோத்⁴யாம் ந்ருஸஹஸ்ரஸங்குலாம்
ஶஶாஸ வை ஶக்ரஸமோ மஹீபதி꞉ ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷஷ்ட²꞉ ஸர்க³꞉ ॥ 6 ॥

பா³லகாண்ட³ ஸப்தம꞉ ஸர்க³꞉ (7) >>

---

ஸம்பூர்ண வால்மீகி ராமாயணே பா³லகாண்ட³ பார்க்க