Ayodhya Kanda Sarga 117 – அயோத்⁴யாகாண்ட³ ஸப்தத³ஶோத்தரஶததம꞉ ஸர்க³꞉ (117)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ ஸப்தத³ஶோத்தரஶததம꞉ ஸர்க³꞉ (117)

॥ ஸீதாபாதிவ்ரத்யப்ரஶம்ஸா ॥

ராக⁴வஸ்த்வத² யாதேஷு தபஸ்விஷு விசிந்தயந் ।
ந தத்ராரோசயத்³வாஸம் காரணைர்ப³ஹுபி⁴ஸ்ததா³ ॥ 1 ॥

இஹ மே ப⁴ரதோ த்³ருஷ்டோ மாதரஶ்ச ஸநாக³ரா꞉ ।
ஸா ச மே ஸ்ம்ருதிரந்வேதி தாந்நித்யமநுஶோசத꞉ ॥ 2 ॥

ஸ்கந்தா⁴வாரநிவேஶேந தேந தஸ்ய மஹாத்மந꞉ ।
ஹயஹஸ்திகரீஷைஶ்சோபமர்த³꞉ க்ருதோ ப்⁴ருஶம் ॥ 3 ॥

தஸ்மாத³ந்யத்ர க³ச்சா²ம இதி ஸஞ்சிந்த்ய ராக⁴வ꞉ ।
ப்ராதிஷ்ட²த ஸ வைதே³ஹ்யா லக்ஷ்மணேந ச ஸங்க³த꞉ ॥ 4 ॥

ஸோ(அ)த்ரேராஶ்ரமமாஸாத்³ய தம் வவந்தே³ மஹாயஶா꞉ ।
தம் சாபி ப⁴க³வாநத்ரி꞉ புத்ரவத் ப்ரத்யபத்³யத ॥ 5 ॥

ஸ்வயமாதித்²யமாதி³ஶ்ய ஸர்வமஸ்ய ஸுஸத்க்ருதம் ।
ஸௌமித்ரிம் ச மஹாபா⁴கா³ம் ஸீதாம் ச ஸமஸாந்த்வயத் ॥ 6 ॥

பத்நீம் ச ஸமநுப்ராப்தாம் வ்ருத்³தா⁴மாமந்த்ர்ய ஸத்க்ருதாம் ।
ஸாந்த்வயாமாஸ த⁴ர்மஜ்ஞ꞉ ஸர்வபூ⁴தஹிதே ரத꞉ ॥ 7 ॥

அநஸூயாம் மஹாபா⁴கா³ம் தாபஸீம் த⁴ர்மசாரிணீம் ।
ப்ரதிக்³ருஹ்ணீஷ்வ வைதே³ஹீமப்³ரவீத்³ருஷிஸத்தம꞉ ॥ 8 ॥

ராமாய சாசசக்ஷே தாம் தாபஸீம் த⁴ர்மசாரிணீம் ।
த³ஶவர்ஷாண்யநாவ்ருஷ்ட்யா த³க்³தே⁴ லோகே நிரந்தரம் ॥ 9 ॥

யயா மூலப²லே ஸ்ருஷ்டே ஜாஹ்நவீ ச ப்ரவர்திதா ।
உக்³ரேண தபஸா யுக்தா நியமைஶ்சாப்யலங்க்ருதா ॥ 10 ॥

த³ஶவர்ஷஸஹஸ்ராணி யயா தப்தம் மஹத்தப꞉ ।
அநஸூயா வ்ரதை꞉ ஸ்நாதா ப்ரத்யூஹாஶ்ச நிவர்திதா꞉ ॥ 11 ॥

தே³வகார்யநிமித்தம் ச யயா ஸந்த்வரமாணயா ।
த³ஶராத்ரம் க்ருதா ராத்ரி꞉ ஸேயம் மாதேவ தே(அ)நக⁴ ॥ 12 ॥

தாமிமாம் ஸர்வபூ⁴தாநாம் நமஸ்கார்யாம் யஶஸ்விநீம் ।
அபி⁴க³ச்ச²து வைதே³ஹீ வ்ருத்³தா⁴மக்ரோத⁴நாம் ஸதா³ ॥ 13 ॥

அநஸூயேதி யா லோகே கர்மபி⁴꞉ க்²யாதிமாக³தா ।
ஏவம் ப்³ருவாணம் தம்ருஷிம் ததே²த்யுக்த்வா ஸ ராக⁴வ꞉ ॥ 14 ॥

ஸீதாமுவாச த⁴ர்மஜ்ஞாமித³ம் வசநமுத்தமம் ।
ராஜபுத்ரி ஶ்ருதம் த்வேதந்முநேரஸ்ய ஸமீரிதம் ॥ 15 ॥

ஶ்ரேயோ(அ)ர்த²மாத்மந꞉ ஶ்ரீக்⁴ரமபி⁴க³ச்ச² தபஸ்விநீம் ।
ஸீதா த்வேதத்³வச꞉ ஶ்ருத்வா ராக⁴வஸ்ய ஹிதைஷிண꞉ ॥ 16 ॥

தாமத்ரிபத்நீம் த⁴ர்மஜ்ஞாமபி⁴சக்ராம மைதி²லீ ।
ஶிதி²லாம் வலிதாம் வ்ருத்³தா⁴ம் ஜராபாண்ட³ரமூர்த⁴ஜாம் ॥ 17 ॥

ஸததம் வேபமாநாங்கீ³ம் ப்ரவாதே கத³ளீ யதா² ।
தாம் து ஸீதா மஹாபா⁴கா³மநஸூயாம் பதிவ்ரதாம் ॥ 18 ॥

அப்⁴யவாத³யத³வ்யக்³ரா ஸ்வநாம ஸமுதா³ஹரத் ।
அபி⁴வாத்³ய ச வைதே³ஹீ தாபஸீம் தாமநிந்தி³தாம் ॥ 19 ॥

ப³த்³தா⁴ஞ்ஜலிபுடா ஹ்ருஷ்டா பர்யப்ருச்ச²த³நாமயம் ।
தத꞉ ஸீதாம் மஹாபா⁴கா³ம் த்³ருஷ்ட்வா தாம் த⁴ர்மசாரிணீம் ॥ 20 ॥

ஸாந்த்வயந்த்யப்³ரவீத்³த்⁴ருஷ்டா தி³ஷ்ட்யா த⁴ர்மமவேக்ஷஸே ।
த்யக்த்வா ஜ்ஞாதிஜநம் ஸீதே மாநம்ருத்³தி⁴ம் ச பா⁴மிநி ॥ 21 ॥

அவருத்³த⁴ம் வநே ராமம் தி³ஷ்ட்யா த்வமநுக³ச்ச²ஸி ।
நக³ரஸ்தோ² வநஸ்தோ² வா பாபோ வா யதி³ வா ஶுப⁴꞉ ॥ 22 ॥

யாஸாம் ஸ்த்ரீணாம் ப்ரியோ ப⁴ர்தா தாஸாம் லோகா மஹோத³யா꞉ ।
து³꞉ஶீல꞉ காமவ்ருத்தோ வா த⁴நைர்வா பரிவர்ஜித꞉ ॥ 23 ॥

ஸ்த்ரீணாமார்யஸ்வபா⁴வாநாம் பரமம் தை³வதம் பதி꞉ ।
நாதோ விஶிஷ்டம் பஶ்யாமி பா³ந்த⁴வம் விம்ருஶந்த்யஹம் ॥ 24 ॥

ஸர்வத்ரயோக்³யம் வைதே³ஹி தப꞉க்ருதமிவாவ்யயம் ।
ந த்வேநமவக³ச்ச²ந்தி கு³ணதோ³ஷமஸத் ஸ்த்ரிய꞉ ॥ 25 ॥

காமவக்தவ்யஹ்ருத³யா ப⁴ர்த்ருநாதா²ஶ்சரந்தி யா꞉ ।
ப்ராப்நுவந்த்யயஶஶ்சைவ த⁴ர்மப்⁴ரம்ஶம் ச மைதி²லி ॥ 26 ॥

அகார்யவஶமாபந்நா꞉ ஸ்த்ரியோ யா꞉ க²லு தத்³விதா⁴꞉ ।
த்வத்³விதா⁴ஸ்து கு³ணைர்யுக்தா꞉ த்³ருஷ்டலோகபராவரா꞉ ।
ஸ்த்ரிய꞉ ஸ்வர்கே³ சரிஷ்யந்தி யதா² த⁴ர்மக்ருதஸ்ததா² ॥ 27 ॥

ததே³வமேநம் த்வமநுவ்ரதா ஸதீ
பதிவ்ரதாநாம் ஸமயாநுவர்திநீ ।
ப⁴வஸ்வ ப⁴ர்து꞉ ஸஹத⁴ர்மசாரிணீ
யஶஶ்ச த⁴ர்மம் ச தத꞉ ஸமாப்ஸ்யஸி ॥ 28 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஸப்தத³ஶோத்தரஶததம꞉ ஸர்க³꞉ ॥ 117 ॥

யுத்³த⁴காண்ட³ அஷ்டாத³ஶோத்தரஶததம꞉ ஸர்க³꞉ (118) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.