Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
సూర్య ఉవాచ |
మూలవహ్నిసముద్భూతా మూలాజ్ఞానవినాశినీ |
నిరుపాధిమహామాయా శారదా ప్రణవాత్మికా || ౧ ||
సుషుమ్నాముఖమధ్యస్థా చిన్మయీ నాదరూపిణీ |
నాదాతీతా బ్రహ్మవిద్యా మూలవిద్యా పరాత్పరా || ౨ ||
సకామదాయినీపీఠమధ్యస్థా బోధరూపిణీ |
మూలాధారస్థగణపదక్షిణాంకనివాసినీ || ౩ ||
విశ్వాధారా బ్రహ్మరూపా నిరాధారా నిరామయా |
సర్వాధారా సాక్షిభూతా బ్రహ్మమూలా సదాశ్రయా || ౪ ||
వివేకలభ్య వేదాంతగోచరా మననాతిగా |
స్వానందయోగసంలభ్యా నిదిధ్యాసస్వరూపిణీ || ౫ ||
వివేకాదిభృత్యయుతా శమాదికింకరాన్వితా |
భక్త్యాదికింకరీజుష్టా స్వానందేశసమన్వితా || ౬ ||
మహావాక్యార్థసంలభ్యా గణేశప్రాణవల్లభా |
తమస్తిరోధానకరీ స్వానందేశప్రదర్శినీ || ౭ ||
స్వాధిష్ఠానగతా వాణీ రజోగుణవినాశినీ |
రాగాదిదోషశమనీ కర్మజ్ఞానప్రదాయినీ || ౮ ||
మణిపూరాబ్జనిలయా తమోగుణవినాశినీ |
అనాహతైకనిలయా గుణసత్త్వప్రకాశినీ || ౯ ||
అష్టాంగయోగఫలదా తపోమార్గప్రకాశినీ |
విశుద్ధిస్థాననిలయా హృదయగ్రంధిభేదినీ || ౧౦ ||
వివేకజననీ ప్రజ్ఞా ధ్యానయోగప్రబోధినీ |
ఆజ్ఞాచక్రసమాసీనా నిర్గుణబ్రహ్మసంయుతా || ౧౧ ||
బ్రహ్మరంధ్రపద్మగతా జగద్భావప్రణాశినీ |
ద్వాదశాంతైకనిలయా స్వస్వానందప్రదాయినీ || ౧౨ ||
పీయూషవర్షిణీ బుద్ధిః స్వానందేశప్రకాశినీ |
ఇక్షుసాగరమధ్యస్థా నిజలోకనివాసినీ || ౧౩ ||
వైనాయకీ విఘ్నహంత్రీ స్వానందబ్రహ్మరూపిణీ |
సుధామూర్తిః సుధావర్ణా కేవలా హృద్గుహామయీ || ౧౪ ||
శుభ్రవస్త్రా పీనకుచా కల్యాణీ హేమకంచుకా |
వికచాంభోరుహదళలోచనా జ్ఞానరూపిణీ || ౧౫ ||
రత్నతాటంకయుగళా భద్రా చంపకనాసికా |
రత్నదర్పణసంకాశకపోలా నిర్గుణాత్మికా || ౧౬ ||
తాంబూలపూరితస్మేరవదనా సత్యరూపిణీ |
కంబుకంఠీ సుబింబోష్ఠీ వీణాపుస్తకధారిణీ || ౧౭ ||
గణేశజ్ఞాతసౌభాగ్యమార్దవోరుద్వయాన్వితా |
కైవల్యజ్ఞానసుఖదపదాబ్జా భారతీ మతిః || ౧౮ ||
వజ్రమాణిక్యకటకకిరీటా మంజుభాషిణీ |
విఘ్నేశబద్ధమాంగళ్యసూత్రశోభితకంధరా || ౧౯ ||
అనేకకోటికేశార్కయుగ్మసేవితపాదుకా |
వాగీశ్వరీ లోకమాతా మహాబుద్ధిః సరస్వతీ || ౨౦ ||
చతుష్షష్టికోటివిద్యాకలాలక్ష్మీనిషేవితా |
కటాక్షకింకరీభూతకేశబృందసమన్వితా || ౨౧ ||
బ్రహ్మవిష్ణ్వీశశక్తీనాం దృశా శాసనకారిణీ |
పంచచిత్తవృత్తిమయీ తారమంత్రస్వరూపిణీ || ౨౨ ||
వరదా భక్తివశగా భక్తాభీష్టప్రదాయినీ |
బ్రహ్మశక్తిర్మహామాయా జగద్బ్రహ్మస్వరూపిణీ || ౨౩ ||
అష్టోత్తరశతం నామ్నాం మహాబుద్ధేర్వరంతగమ్ |
యః పఠేద్భక్తిభావేన విద్యాం బుద్ధిం శ్రియం బలమ్ |
సంప్రాప్య జ్ఞానమతులం బ్రహ్మభూయమవాప్నుయాత్ || ౨౪ ||
ఇతి శ్రీ బుద్ధిదేవీ అష్టోత్తరశతనామస్తోత్రం సంపూర్ణమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.