Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಗಾಯತ್ರೀ ಮಂತ್ರಃ |
ಓಂ ತತ್ಪುರುಷಾಯ ವಿದ್ಮಹೇ ವಕ್ರತುಂಡಾಯ ಧೀಮಹಿ | ತನ್ನೋ ದಂತಿಃ ಪ್ರಚೋದಯಾತ್ ||
ಓಂಕಾರಮಾದ್ಯಂ ಪ್ರವದಂತಿ ಸಂತೋ
ವಾಚಃ ಶ್ರುತೀನಾಮಪಿ ಯಂ ಗೃಣಂತಿ |
ಗಜಾನನಂ ದೇವಗಣಾನತಾಂಘ್ರಿಂ
ಭಜೇಽಹಮರ್ಧೇಂದುಕಳಾವತಂಸಮ್ || ೧ ||
ಪಾದಾರವಿಂದಾರ್ಚನ ತತ್ಪರಾಣಾಂ
ಸಂಸಾರದಾವಾನಲಭಂಗದಕ್ಷಮ್ |
ನಿರಂತರಂ ನಿರ್ಗತದಾನತೋಯೈ-
-ಸ್ತಂ ನೌಮಿ ವಿಘ್ನೇಶ್ವರಮಂಬುದಾಭಮ್ || ೨ ||
ಕೃತಾಂಗರಾಗಂ ನವಕುಂಕುಮೇನ
ಮತ್ತಾಲಿಜಾಲಂ ಮದಪಂಕಮಗ್ನಮ್ |
ನಿವಾರಯಂತಂ ನಿಜಕರ್ಣತಾಲೈಃ
ಕೋ ವಿಸ್ಮರೇತ್ಪುತ್ರಮನಂಗಶತ್ರೋಃ || ೩ ||
ಶಂಭೋರ್ಜಟಾಜೂಟನಿವಾಸಿಗಂಗಾ-
-ಜಲಂ ಸಮಾನೀಯ ಕರಾಂಬುಜೇನ |
ಲೀಲಾಭಿರಾರಾಚ್ಛಿವಮರ್ಚಯಂತಂ
ಗಜಾನನಂ ಭಕ್ತಿಯುತಾ ಭಜಂತಿ || ೪ ||
ಕುಮಾರಮುಕ್ತೌ ಪುನರಾತ್ಮಹೇತೋಃ
ಪಯೋಧರೌ ಪರ್ವತರಾಜಪುತ್ರ್ಯಾಃ |
ಪ್ರಕ್ಷಾಲಯಂತಂ ಕರಶೀಕರೇಣ
ಮೌಗ್ಧ್ಯೇನ ತಂ ನಾಗಮುಖಂ ಭಜಾಮಿ || ೫ ||
ತ್ವಯಾ ಸಮುದ್ಧೃತ್ಯ ಗಜಾಸ್ಯ ಹಸ್ತಾ-
-ದ್ಯೇ ಶೀಕರಾಃ ಪುಷ್ಕರರಂಧ್ರಮುಕ್ತಾಃ |
ವ್ಯೋಮಾಂಗಣೇ ತೇ ವಿಚರಂತಿ ತಾರಾಃ
ಕಾಲಾತ್ಮನಾ ಮೌಕ್ತಿಕತುಲ್ಯಭಾಸಃ || ೬ ||
ಕ್ರೀಡಾರತೇ ವಾರಿನಿಧೌ ಗಜಾಸ್ಯೇ
ವೇಲಾಮತಿಕ್ರಾಮತಿ ವಾರಿಪೂರೇ |
ಕಲ್ಪಾವಸಾನಂ ಪರಿಚಿಂತ್ಯ ದೇವಾಃ
ಕೈಲಾಸನಾಥಂ ಶ್ರುತಿಭಿಃ ಸ್ತುವಂತಿ || ೭ ||
ನಾಗಾನನೇ ನಾಗಕೃತೋತ್ತರೀಯೇ
ಕ್ರೀಡಾರತೇ ದೇವಕುಮಾರಸಂಘೈಃ |
ತ್ವಯಿ ಕ್ಷಣಂ ಕಾಲಗತಿಂ ವಿಹಾಯ
ತೌ ಪ್ರಾಪತುಃ ಕಂದುಕತಾಮಿನೇಂದೂ || ೮ ||
ಮದೋಲ್ಲಸತ್ಪಂಚಮುಖೈರಜಸ್ರ-
-ಮಧ್ಯಾಪಯಂತಂ ಸಕಲಾಗಮಾರ್ಥಮ್ |
ದೇವಾನೃಷೀನ್ಭಕ್ತಜನೈಕಮಿತ್ರಂ
ಹೇರಂಬಮರ್ಕಾರುಣಮಾಶ್ರಯಾಮಿ || ೯ ||
ಪಾದಾಂಬುಜಾಭ್ಯಾಮತಿವಾಮನಾಭ್ಯಾಂ
ಕೃತಾರ್ಥಯಂತಂ ಕೃಪಯಾ ಧರಿತ್ರೀಮ್ |
ಅಕಾರಣಂ ಕಾರಣಮಾಪ್ತವಾಚಾಂ
ತಂ ನಾಗವಕ್ತ್ರಂ ನ ಜಹಾತಿ ಚೇತಃ || ೧೦ ||
ಯೇನಾರ್ಪಿತಂ ಸತ್ಯವತೀಸುತಾಯ
ಪುರಾಣಮಾಲಿಖ್ಯ ವಿಷಾಣಕೋಟ್ಯಾ |
ತಂ ಚಂದ್ರಮೌಳೇಸ್ತನಯಂ ತಪೋಭಿ-
-ರಾವಾಪ್ಯಮಾನಂದಘನಂ ಭಜಾಮಿ || ೧೧ ||
ಪದಂ ಶ್ರುತೀನಾಮಪದಂ ಸ್ತುತೀನಾಂ
ಲೀಲಾವತಾರಂ ಪರಮಾತ್ಮಮೂರ್ತೇಃ |
ನಾಗಾತ್ಮಕೋ ವಾ ಪುರುಷಾತ್ಮಕೋ ವಾ
ತ್ವಭೇದ್ಯಮಾದ್ಯಂ ಭಜ ವಿಘ್ನರಾಜಮ್ || ೧೨ ||
ಪಾಶಾಂಕುಶೌ ಭಗ್ನರದಂ ತ್ವಭೀಷ್ಟಂ
ಕರೈರ್ದಧಾನಂ ಕರರಂಧ್ರಮುಕ್ತೈಃ |
ಮುಕ್ತಾಫಲಾಭೈಃ ಪೃಥುಶೀಕರೌಘೈಃ
ಸಿಂಚಂತಮಂಗಂ ಶಿವಯೋರ್ಭಜಾಮಿ || ೧೩ ||
ಅನೇಕಮೇಕಂ ಗಜಮೇಕದಂತಂ
ಚೈತನ್ಯರೂಪಂ ಜಗದಾದಿಬೀಜಮ್ |
ಬ್ರಹ್ಮೇತಿ ಯಂ ವೇದವಿತೋ ವದಂತಿ
ತಂ ಶಂಭುಸೂನುಂ ಸತತಂ ಪ್ರಪದ್ಯೇ || ೧೪ ||
ಸ್ವಾಂಕಸ್ಥಿತಾಯಾ ನಿಜವಲ್ಲಭಾಯಾ
ಮುಖಾಂಬುಜಾಲೋಕನ ಲೋಲನೇತ್ರಮ್ |
ಸ್ಮೇರಾನನಾಬ್ಜಂ ಮದವೈಭವೇನ
ರುದ್ಧಂ ಭಜೇ ವಿಶ್ವವಿಮೋಹನಂ ತಮ್ || ೧೫ ||
ಯೇ ಪೂರ್ವಮಾರಾಧ್ಯ ಗಜಾನನ ತ್ವಾಂ
ಸರ್ವಾಣಿ ಶಾಸ್ತ್ರಾಣಿ ಪಠಂತಿ ತೇಷಾಮ್ |
ತ್ವತ್ತೋ ನ ಚಾನ್ಯತ್ಪ್ರತಿಪಾದ್ಯಮೇತೈ-
-ಸ್ತದಸ್ತಿ ಚೇತ್ಸರ್ವಮಸತ್ಯಕಲ್ಪಮ್ || ೧೬ ||
ಹಿರಣ್ಯವರ್ಣಂ ಜಗದೀಶಿತಾರಂ
ಕವಿಂ ಪುರಾಣಂ ರವಿಮಂಡಲಸ್ಥಮ್ |
ಗಜಾನನಂ ಯಂ ಪ್ರವಿಶಂತಿ ಸಂತ-
-ಸ್ತತ್ಕಾಲಯೋಗೈಸ್ತಮಹಂ ಪ್ರಪದ್ಯೇ || ೧೭ ||
ವೇದಾಂತಗೀತಂ ಪುರುಷಂ ಭಜೇಽಹ-
-ಮಾತ್ಮಾನಮಾನಂದಘನಂ ಹೃದಿಸ್ಥಮ್ |
ಗಜಾನನಂ ಯನ್ಮಹಸಾ ಜನಾನಾಂ
ವಿಘ್ನಾಂಧಕಾರೋ ವಿಲಯಂ ಪ್ರಯಾತಿ || ೧೮ ||
ಶಂಭೋಃ ಸಮಾಲೋಕ್ಯ ಜಟಾಕಲಾಪೇ
ಶಶಾಂಕಖಂಡಂ ನಿಜಪುಷ್ಕರೇಣ |
ಸ್ವಭಗ್ನದಂತಂ ಪ್ರವಿಚಿಂತ್ಯ ಮೌಗ್ಧ್ಯಾ-
-ದಾಕ್ರಷ್ಟುಕಾಮಃ ಶ್ರಿಯಮಾತನೋತು || ೧೯ ||
ವಿಘ್ನಾರ್ಗಳಾನಾಂ ವಿನಿಪಾತನಾರ್ಥಂ
ಯಂ ನಾರಿಕೇಳೈಃ ಕದಳೀಫಲಾದ್ಯೈಃ |
ಪ್ರತಾರಯಂತೇ ಮದವಾರಣಾಸ್ಯಂ
ಪ್ರಭುಂ ಸದಾಽಭೀಷ್ಟಮಹಂ ಭಜೇಯಮ್ || ೨೦ ||
ಯಜ್ಞೈರನೇಕೈರ್ಬಹುಭಿಸ್ತಪೋಭಿ-
-ರಾರಾಧ್ಯಮಾದ್ಯಂ ಗಜರಾಜವಕ್ತ್ರಮ್ |
ಸ್ತುತ್ಯಾನಯಾ ಯೇ ವಿಧಿವತ್ಸ್ತುವಂತಿ
ತೇ ಸರ್ವಲಕ್ಷ್ಮೀನಿಲಯಾ ಭವಂತಿ || ೨೧ ||
ಇತಿ ಶ್ರೀ ವಕ್ರತುಂಡ ಗಣೇಶ ಸ್ತವರಾಜಃ |
ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.