Read in తెలుగు / ಕನ್ನಡ / தமிழ் / देवनागरी / English (IAST)
ವಾಣೀಂ ಜಿತಶುಕವಾಣೀ ಮಳಿಕುಲವೇಣೀಂ ಭವಾಂಬುಧಿದ್ರೋಣಿಂ |
ವೀಣಾಶುಕಶಿಶುಪಾಣಿಂ ನತಗೀರ್ವಾಣೀಂ ನಮಾಮಿ ಶರ್ವಾಣೀಮ್ || ೧ ||
ಕುವಲಯದಳನೀಲಾಂಗೀಂ ಕುವಲಯರಕ್ಷೈಕದೀಕ್ಷಿತಾಪಾಂಗೀಮ್ |
ಲೋಚನವಿಜಿತಕುರಂಗೀಂ ಮಾತಂಗೀಂ ನೌಮಿ ಶಂಕರಾರ್ಧಾಂಗೀಮ್ || ೨ ||
ಕಮಲಾಂ ಕಮಲಜಕಾಂತಾಂ ಕಲಸಾರಸದತ್ತಕಾಂತಕರಕಮಲಾಂ |
ಕರಯುಗಳವಿಧೃತಕಮಲಾಂ ವಿಮಲಾಂಕಮಲಾಂಕಚೂಡಸಕಲಕಲಾಮ್ || ೩ ||
ಸುಂದರಹಿಮಕರವದನಾಂ ಕುಂದಸುರದನಾಂ ಮುಕುಂದನಿಧಿಸದನಾಂ |
ಕರುಣೋಜ್ಜೀವಿತಮದನಾಂ ಸುರಕುಶಲಾಯಾಸುರೇಷು ಕೃತದಮನಾಮ್ ||೪ ||
ಅರುಣಾಧರಜಿತಬಿಂಬಾಂ ಜಗದಂಬಾಂ ಗಮನವಿಜಿತಕಾದಂಬಾಂ |
ಪಾಲಿತಸುತಜನಕದಂಬಾಂ ಪೃಥುಲನಿತಂಬಾಂ ಭಜೇ ಸಹೇರಂಬಾಮ್ || ೫ ||
ಶರಣಾಗತಜನಭರಣಾಂ ಕರುಣಾವರುಣಾಲಯಾಬ್ಜಚರಣಾಂ |
ಮಣಿಮಯದಿವ್ಯಾಭರಣಾಂ ಚರಣಾಂಭೋಜಾತಸೇವಕೋದ್ಧರಣಾಮ್ || ೬ ||
ತುಙ್ಗಸ್ತನಜಿತಕುಂಭಾಂ ಕೃತಪರಿರಂಭಾಂ ಶಿವೇನ ಗುಹಡಿಂಭಾಂ |
ದಾರಿತಶುಂಭನಿಶುಂಭಾಂ ನರ್ತಿತರಂಭಾಂ ಪುರೋ ವಿಗತದಂಭಾಮ್ || ೭ ||
ನತಜನರಕ್ಷಾದೀಕ್ಷಾಂ ದಕ್ಷಾಂ ಪ್ರತ್ಯಕ್ಷದೈವತಾಧ್ಯಕ್ಷಾಮ್ |
ವಾಹೀಕೃತಹರ್ಯಕ್ಷಾಂ ಕ್ಷಪಿತವಿಪಕ್ಷಾಂ ಸುರೇಷು ಕೃತರಕ್ಷಾಮ್ || ೮ ||
ಧನ್ಯಾಂ ಸುರವರಮಾನ್ಯಾಂ ಹಿಮಗಿರಿಕನ್ಯಾಂತ್ರಿಲೋಕಮೂರ್ಧನ್ಯಾಂ |
ವಿಹೃತಸುರದ್ರುಮವನ್ಯಾಂ ವೇದ್ಮಿ ವಿನಾ ತ್ವಾಂನದೇವತಾಮನ್ಯಾಮ್ || ೯ ||
ಏತಾಂ ನವಮಣಿಮಾಲಾಂ ಪಠಂತಿ ಭಕ್ತ್ಯೇಹಾ ಯೇ ಪರಾಶಕ್ತ್ಯಾ |
ತೇಷಾಂ ವದನೇ ಸದನೇ ನೃತ್ಯತಿ ವಾಣೀ ರಮಾ ಚ ಪರಮಮುದಾ || ೧೦ ||
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.