Read in తెలుగు / ಕನ್ನಡ / தமிழ் / देवनागरी / English (IAST)
|| రజతపర్వతవిచయః ||
అథాంగదస్తదా సర్వాన్ వానరానిదమబ్రవీత్ |
పరిశ్రాంతో మహాప్రాజ్ఞః సమాశ్వాస్య శనైర్వచః || ౧ ||
వనాని గిరయో నద్యో దుర్గాణి గహనాని చ |
దర్యో గిరిగుహాశ్చైవ విచితాని సమంతతః || ౨ ||
తత్ర తత్ర సహాస్మాభిర్జానకీ న చ దృశ్యతే |
తద్వా రక్షో హృతా యేన సీతా సురసుతోపమా || ౩ ||
కాలశ్చ వో మహాన్ యాతః సుగ్రీవశ్చోగ్రశాసనః |
తస్మాద్భవంతః సహితా విచిన్వంతు సమంతతః || ౪ ||
విహాయ తంద్రీం శోకం చ నిద్రాం చైవ సముత్థితామ్ |
విచినుధ్వం యథా సీతాం పశ్యామో జనకాత్మజామ్ || ౫ ||
అనిర్వేదం చ దాక్ష్యం చ మనసశ్చాపరాజయః |
కార్యసిద్ధికరాణ్యాహుస్తస్మాదేతద్బ్రవీమ్యహమ్ || ౬ ||
అద్యాపి తద్వనం దుర్గం విచిన్వంతు వనౌకసః |
ఖేదం త్యక్త్వా పునః సర్వైర్వనమేతద్విచీయతామ్ || ౭ ||
అవశ్యం క్రియమాణస్య దృశ్యతే కర్మణః ఫలమ్ |
అలం నిర్వేదమాగమ్య న హి నో మీలనం క్షమమ్ || ౮ ||
సుగ్రీవః కోపనో రాజా తీక్ష్ణదండశ్చ వానరః |
భేతవ్యం తస్య సతతం రామస్య చ మహాత్మనః || ౯ ||
హితార్థమేతదుక్తం వః క్రియతాం యది రోచతే |
ఉచ్యతాం వా క్షమం యన్నః సర్వేషామేవ వానరాః || ౧౦ ||
అంగదస్య వచః శ్రుత్వా వచనం గంధమాదనః |
ఉవాచావ్యక్తయా వాచా పిపాసాశ్రమఖిన్నయా || ౧౧ ||
సదృశం ఖలు వో వాక్యమంగదో యదువాచ హ |
హితం చైవానుకూలం చ క్రియతామస్య భాషితమ్ || ౧౨ ||
పునర్మార్గామహే శైలాన్ కందరాంశ్చ దరీంస్తథా |
కాననాని చ శూన్యాని గిరిప్రస్రవణాని చ || ౧౩ ||
యథోద్దిష్టాని సర్వాణి సుగ్రీవేణ మహాత్మనా |
విచిన్వంతు వనం సర్వే గిరిదుర్గాణి సర్వశః || ౧౪ ||
తతః సముత్థాయ పునర్వానరాస్తే మహాబలాః |
వింధ్యకాననసంకీర్ణాం విచేరుర్దక్షిణాం దిశమ్ || ౧౫ ||
తే శారదాభ్రప్రతిమం శ్రీమద్రజతపర్వతమ్ |
శృంగవంతం దరీమంతమధిరుహ్య చ వానరాః || ౧౬ ||
తత్ర లోధ్రవనం రమ్యం సప్తపర్ణవనాని చ |
వ్యచిన్వంస్తే హరివరాః సీతాదర్శనకాంక్షిణః || ౧౭ ||
తస్యాగ్రమధిరూఢాస్తే శ్రాంతా విపులవిక్రమాః |
న పశ్యంతి స్మ వైదేహీం రామస్య మహిషీం ప్రియామ్ || ౧౮ ||
తే తు దృష్టిగతం కృత్వా తం శైలం బహుకందరమ్ |
అవారోహంత హరయో వీక్షమాణాః సమంతతః || ౧౯ ||
అవరుహ్య తతో భూమిం శ్రాంతా విగతచేతసః |
స్థిత్వా ముహూర్తం తత్రాథ వృక్షమూలముపాశ్రితాః || ౨౦ ||
తే ముహూర్తం సమాశ్వస్తాః కించిద్భగ్నపరిశ్రమాః |
పునరేవోద్యతాః కృత్స్నాం మార్గితుం దక్షిణాం దిశమ్ || ౨౧ ||
హనుమత్ప్రముఖాస్తే తు ప్రస్థితాః ప్లవగర్షభాః |
వింధ్యమేవాదితస్తావద్విచేరుస్తే తతస్తతః || ౨౨ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే ఏకోనపంచాశః సర్గః || ౪౯ ||
సంపూర్ణ వాల్మీకి రామాయణే కిష్కింధాకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.