Read in తెలుగు / ಕನ್ನಡ / தமிழ் / देवनागरी / English (IAST)
śrīdēvyuvāca |
sādhu sādhu mahādēva kathayasva surēśvara |
mātaṅgīkavacaṁ divyaṁ sarvasiddhikaraṁ nr̥ṇām || 1 ||
śrī īśvara uvāca |
śr̥ṇu dēvi pravakṣyāmi mātaṅgīkavacaṁ śubham |
gōpanīyaṁ mahādēvi maunī jāpaṁ samācarēt || 2 ||
asya śrīmātaṅgīkavacasya dakṣiṇāmūrtirr̥ṣiḥ virāṭ chandaḥ mātaṅgī dēvatā caturvargasiddhyarthē viniyōgaḥ ||
ōṁ śirō mātaṅginī pātu bhuvanēśī tu cakṣuṣī |
tōḍalā karṇayugalaṁ tripurā vadanaṁ mama || 3 ||
pātu kaṇṭhē mahāmāyā hr̥di māhēśvarī tathā |
tripuṣpā pārśvayōḥ pātu gudē kāmēśvarī mama || 4 ||
ūrudvayē tathā caṇḍī jaṅghayōśca harapriyā |
mahāmāyā pādayugmē sarvāṅgēṣu kulēśvarī || 5 ||
aṅgaṁ pratyaṅgakaṁ caiva sadā rakṣatu vaiṣṇavī |
brahmarandhrē sadā rakṣēnmātaṅgī nāma saṁsthitā || 6 ||
rakṣēnnityaṁ lalāṭē sā mahāpiśācinīti ca |
nētrāyōḥ sumukhī rakṣēddēvī rakṣatu nāsikām || 7 ||
mahāpiśācinī pāyānmukhē rakṣatu sarvadā |
lajjā rakṣatu māṁ dantān cōṣṭhau sammārjanīkarī || 8 ||
cibukē kaṇṭhadēśē tu ṭhakāratritayaṁ punaḥ |
savisargaṁ mahādēvi hr̥dayaṁ pātu sarvadā || 9 ||
nābhiṁ rakṣatu māṁ lōlā kālikāvatu lōcanē |
udarē pātu cāmuṇḍā liṅgē kātyāyanī tathā || 10 ||
ugratārā gudē pātu pādau rakṣatu cāmbikā |
bhujau rakṣatu śarvāṇī hr̥dayaṁ caṇḍabhūṣaṇā || 11 ||
jihvāyāṁ mātr̥kā rakṣētpūrvē rakṣatu puṣṭikā |
vijayā dakṣiṇē pātu mēdhā rakṣatu vāruṇē || 12 ||
nairr̥tyāṁ sudayā rakṣēdvāyavyāṁ pātu lakṣmaṇā |
aiśānyāṁ rakṣēnmāṁ dēvī mātaṅgī śubhakāriṇī || 13 ||
rakṣētsurēśī cāgnēyyāṁ bagalā pātu cōttarē |
ūrdhvaṁ pātu mahādēvī dēvānāṁ hitakāriṇī || 14 ||
pātālē pātu mā nityaṁ vaśinī viśvarūpiṇī |
praṇavaṁ ca tamōmāyā kāmabījaṁ ca kūrcakam || 15 ||
mātaṅginī ṅēyutāstraṁ vahnijāyāvadhirmanuḥ |
sārdhaikādaśavarṇā sā sarvatra pātu māṁ sadā || 16 ||
iti tē kathitaṁ dēvi guhyādguhyataraṁ param |
trailōkyamaṅgalaṁ nāma kavacaṁ dēvadurlabham || 17 ||
ya idaṁ prapaṭhēnnityaṁ jāyatē sampadālayam |
paramaiśvaryamatulaṁ prāpnuyānnātra saṁśayaḥ || 18 ||
gurumabhyarcya vidhivatkavacaṁ prapaṭhēdyadi |
aiśvaryaṁ sukavitvaṁ ca vāksiddhiṁ labhatē dhruvam || 19 ||
nityaṁ tasya tu mātaṅgī mahilā maṅgalaṁ carēt |
brahmā viṣṇuśca rudraśca yē dēvāḥ surasattamāḥ || 20 ||
brahmarākṣasavētālā grahādyā bhūtajātayaḥ |
taṁ dr̥ṣṭvā sādhakaṁ dēvi lajjāyuktā bhavanti tē || 21 ||
kavacaṁ dhārayēdyastu sarvasiddhiṁ labhēddhruvam |
rājānō:’pi ca dāsāḥ syuḥ ṣaṭkarmāṇi ca sādhayēt || 22 ||
siddhō bhavati sarvatra kimanyairbahubhāṣitaiḥ |
idaṁ kavacamajñātvā mātaṅgīṁ yō bhajēnnaraḥ || 23 ||
alpāyurnirdhanō mūrkhō bhavatyēva na saṁśayaḥ |
gurau bhaktiḥ sadā kāryā kavacē ca dr̥ḍhā matiḥ || 24 ||
tasmai mātaṅginī dēvī sarvasiddhiṁ prayacchati || 25 ||
iti nandyāvartē uttarakhaṇḍē mātaṅginī kavacam ||
See more daśamahāvidyā stōtrāṇi for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.