Read in తెలుగు / ಕನ್ನಡ / தமிழ் / देवनागरी / English (IAST)
sarvēndriyāṇāṁ pravaraṁ viṣṇōraṁśaṁ ca mānasam |
tadēva karmaṇāṁ bījaṁ tadudbhava namō:’stu tē || 1 ||
svayamātmā hi bhagavān jñānarūpō mahēśvaraḥ |
namō brahman jagat sraṣṭastadudbhava namō:’stu tē || 2 ||
sarvājita jagajjētarjīvajīvamanōhara |
ratibīja ratisvāmin ratipriya namō:’stu tē || 3 ||
śaśvadyōṣidadhiṣṭhāna yōṣitprāṇādhikapriyaḥ |
yōṣidvāhana yōṣāstra yōṣidbandhō namō:’stu tē || 4 ||
patisādhyakarāśēṣarūpādhāra guṇāśraya |
sugandhivātasaciva madhumitra namō:’stu tē || 5 ||
śaśvadyōnikr̥tādhāra strīsandarśanavardhana |
vidagdhānāṁ virahiṇāṁ prāṇāntaka namō:’stu tē || 6 ||
akr̥pā yēṣu tē:’narthastēṣāṁ jñānavināśanam |
anūharūpa bhaktēṣu kr̥pāsindhō namō:’stu tē || 7 ||
tapasvināṁ ca tapasāṁ vighnabījāvalīlayā |
manaḥ sakāmaṁ muktānāṁ kartuṁ śakta namō:’stu tē || 8 ||
tapaḥ sādhyāścā:’:’rādhyāśca sadaivaṁ pāñcabhautikāḥ |
pañcēndriyakr̥tādhāraṁ pañcabāṇa namō:’stu tē || 9 ||
mōhinītyēvamuktvā tu manasā sā vidhēḥ puraḥ |
virarāma namravaktrā babhūva dhyānatatparā || 10 ||
uktaṁ mādhyandinē kāntē stōtramētanmanōharam |
purā durvāsasā dattaṁ mōhinyai gandhamādanē || 11 ||
stōtramētanmahāpuṇyaṁ kāmī bhaktyā yadā paṭhēt |
abhīṣṭaṁ labhatē nūnaṁ niṣkalaṅkō bhavēddhruvam || 12 ||
cēṣṭāṁ na kurutē kāmaḥ kadācidapi taṁ priyam |
bhavēdarōgī śrīyuktaḥ kāmadēvasamaprabhaḥ |
vanitāṁ labhatē sādhvīṁ patnīṁ trailōkyamōhinīm || 13 ||
iti śrībrahmavaivartē mahāpurāṇē śrīkr̥ṣṇajanmakhaṇḍē ēkatriṁśō:’dhyāyē mōhinīkr̥ta śrī kr̥ṣṇa stōtram ||
See more śrī kr̥ṣṇa stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.