Read in తెలుగు / ಕನ್ನಡ / தமிழ் / देवनागरी / English (IAST)
dhūmrā dvibāhavaḥ sarvē gōdānō vikr̥tānanāḥ |
gr̥dhrayānāsanasthāśca pāntu naḥ śikhinandanāḥ || 1 ||
śrībhairavyuvāca |
dhanyā cānugr̥hītāsmi kr̥tārthāsmi jagatprabhō |
yacchrutaṁ tvanmukhāddēva kētustōtramidaṁ śubham || 2 ||
śrīparamēśvara uvāca |
śr̥ṇu dēvi pravakṣyāmi kētustavamimaṁ param |
sarvapāpaviśuddhātmā sa rōgairmucyatē dhruvam || 3 ||
śvētapītāruṇaḥ kr̥ṣṇaḥ kvaciccāmīkaraprabhaḥ |
śivārcanarataḥ kēturgrahapīḍāṁ vyapōhatu || 4 ||
namō ghōrāyāghōrāya mahāghōrasvarūpiṇē |
ānandēśāya dēvāya jagadānandadāyinē || 5 ||
namō bhaktajanānandadāyinē viśvabhāvinē |
viśvēśāya mahēśāya kēturūpāya vai namaḥ || 6 ||
namō rudrāya sarvāya varadāya cidātmanē |
tryakṣāya trinivāsāya namaḥ saṅkaṭanāśinē || 7 ||
tripurēśāya dēvāya bhairavāya mahātmanē |
acintyāya citijñāya namaścaitanyarūpiṇē || 8 ||
namaḥ śarvāya carcyāya darśanīyāya tē namaḥ |
āpaduddharaṇāyāpi bhairavāya namō namaḥ || 9 ||
namō namō mahādēva vyāpinē paramātmanē |
namō laghumatē tubhyaṁ grāhiṇē sūryasōmayōḥ || 10 ||
namaścāpadvināśāya bhūyō bhūyō namō namaḥ |
namastē rudrarūpāya cōgrarūpāya kētavē || 11 ||
namastē saurarūpāya śatrukṣayakarāya ca |
mahātējāya vai tubhyaṁ pūjāphalavivardhinē || 12 ||
vahniputrāya tē divyarūpiṇē priyakāriṇē |
sarvabhakṣyāya sarvāya sarvagrahāntakāya tē || 13 ||
namaḥ pucchasvarūpāya mahāmr̥tyukarāya ca |
namastē sarvadā kṣōbhakāriṇē vyōmacāriṇē || 14 ||
namastē citrarūpāya mīnadānapriyāya ca |
daityadānavagandharvavandyāya mahatē namaḥ || 15 ||
ya idaṁ paṭhatē nityaṁ prātarutthāya mānavaḥ |
grahaśāntirbhavēttasya kēturājasya kīrtanāt || 16 ||
yaḥ paṭhēdardharātrē tu vaśaṁ tasya jagattrayam |
idaṁ rahasyamakhilaṁ kētustōtraṁ tu kīrtitam || 17 ||
sarvasiddhipradaṁ guhyamāyurārōgyavardhanam |
guhyaṁ mantraṁ rahasyaṁ tu tava bhaktyā prakāśitam || 18 ||
abhaktāya na dātavyamityājñā pāramēśvari || 19 ||
śrīdēvyuvāca |
bhagavanbhavatānēna kētustōtrasya mē prabhō |
kathanēna mahēśāna satyaṁ prītāsmyahaṁ tvayā || 20 ||
śrīīśvara uvāca |
idaṁ rahasyaṁ paramaṁ na dēyaṁ yasya kasyacit |
guhyaṁ gōpyatamaṁ dēyaṁ gōpanīyaṁ svayōnivat || 21 ||
agniputrō mahātējāḥ kētuḥ sarvagrahāntakaḥ |
kṣōbhayanyaḥ prajāḥ sarvāḥ sa kētuḥ prīyatāṁ mama || 22 ||
iti kētu stōtram |
See more navagraha stōtrāṇi for chanting.
గమనిక : రాబోయే మహాశివరాత్రి సందర్భంగా "శ్రీ శివ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.