Read in తెలుగు / ಕನ್ನಡ / தமிழ் / देवनागरी / English (IAST)
dhanvantariḥ sudhāpūrṇakalaśāḍhyakarō hariḥ |
jarāmr̥titrastadēvaprārthanāsādhakaḥ prabhuḥ || 1 ||
nirvikalpō nissamānō mandasmitamukhāmbujaḥ |
āñjanēyaprāpitādriḥ pārśvasthavinatāsutaḥ || 2 ||
nimagnamandaradharaḥ kūrmarūpī br̥hattanuḥ |
nīlakuñcitakēśāntaḥ paramādbhutarūpadhr̥t || 3 ||
kaṭākṣavīkṣaṇāśvastavāsukiḥ siṁhavikramaḥ |
smartr̥hr̥drōgaharaṇō mahāviṣṇvaṁśasambhavaḥ || 4 ||
prēkṣaṇīyōtpalaśyāma āyurvēdādhidaivatam |
bhēṣajagrahaṇānēhaḥ smaraṇīyapadāmbujaḥ || 5 ||
navayauvanasampannaḥ kirīṭānvitamastakaḥ |
nakrakuṇḍalasaṁśōbhiśravaṇadvayaśaṣkuliḥ || 6 ||
dīrghapīvaradōrdaṇḍaḥ kambugrīvō:’mbujēkṣaṇaḥ |
caturbhujaḥ śaṅkhadharaścakrahastō varapradaḥ || 7 ||
sudhāpātrōparilasadāmrapatralasatkaraḥ |
śatapadyāḍhyahastaśca kastūrītilakāñcitaḥ || 8 ||
sukapōlaḥ sunāsaśca sundarabhrūlatāñcitaḥ |
svaṅgulītalaśōbhāḍhyō gūḍhajatrurmahāhanuḥ || 9 ||
divyāṅgadalasadbāhuḥ kēyūrapariśōbhitaḥ |
vicitraratnakhacitavalayadvayaśōbhitaḥ || 10 ||
samōllasatsujātāṁsaścāṅgulīyavibhūṣitaḥ |
sudhāgandharasāsvādamiladbhr̥ṅgamanōharaḥ || 11 ||
lakṣmīsamarpitōtphullakañjamālālasadgalaḥ |
lakṣmīśōbhitavakṣaskō vanamālāvirājitaḥ || 12 ||
navaratnamaṇīkluptahāraśōbhitakandharaḥ |
hīranakṣatramālādiśōbhārañjitadiṅmukhaḥ || 13 ||
virajō:’mbarasaṁvītō viśālōrāḥ pr̥thuśravāḥ |
nimnanābhiḥ sūkṣmamadhyaḥ sthūlajaṅghō nirañjanaḥ || 14 ||
sulakṣaṇapadāṅguṣṭhaḥ sarvasāmudrikānvitaḥ |
alaktakāraktapādō mūrtimadvārdhipūjitaḥ || 15 ||
sudhārthānyōnyasamyudhyaddēvadaitēyasāntvanaḥ |
kōṭimanmathasaṅkāśaḥ sarvāvayavasundaraḥ || 16 ||
amr̥tāsvādanōdyuktadēvasaṅghapariṣṭutaḥ |
puṣpavarṣaṇasamyuktagandharvakulasēvitaḥ || 17 ||
śaṅkhatūryamr̥daṅgādisuvāditrāpsarōvr̥taḥ |
viṣvaksēnādiyukpārśvaḥ sanakādimunistutaḥ || 18 ||
sāścaryasasmitacaturmukhanētrasamīkṣitaḥ |
sāśaṅkasambhramaditidanuvaṁśyasamīḍitaḥ || 19 ||
namanōnmukhadēvādimauliratnalasatpadaḥ |
divyatējaḥpuñjarūpaḥ sarvadēvahitōtsukaḥ || 20 ||
svanirgamakṣubdhadugdhavārāśirdundubhisvanaḥ |
gandharvagītāpadānaśravaṇōtkamahāmanāḥ || 21 ||
niṣkiñcanajanaprītō bhavasamprāptarōgahr̥t |
antarhitasudhāpātrō mahātmā māyikāgraṇīḥ || 22 ||
kṣaṇārdhamōhinīrūpaḥ sarvastrīśubhalakṣaṇaḥ |
madamattēbhagamanaḥ sarvalōkavimōhanaḥ || 23 ||
sraṁsannīvīgranthibandhāsaktadivyakarāṅguliḥ |
ratnadarvīlasaddhastō dēvadaityavibhāgakr̥t || 24 ||
saṅkhyātadēvatānyāsō daityadānavavañcakaḥ |
dēvāmr̥tapradātā ca parivēṣaṇahr̥ṣṭadhīḥ || 25 ||
unmukhōnmukhadaityēndradantapaṅktivibhājakaḥ |
puṣpavatsuvinirdiṣṭarāhurakṣaḥśirōharaḥ || 26 ||
rāhukētugrahasthānapaścādgatividhāyakaḥ |
amr̥tālābhanirviṇṇayudhyaddēvārisūdanaḥ || 27 ||
garutmadvāhanārūḍhaḥ sarvēśastōtrasamyutaḥ |
svasvādhikārasantuṣṭaśakravahnyādipūjitaḥ || 28 ||
mōhinīdarśanāyātasthāṇucittavimōhakaḥ |
śacīsvāhādidikpālapatnīmaṇḍalasannutaḥ || 29 ||
vēdāntavēdyamahimā sarvalōkaikarakṣakaḥ |
rājarājaprapūjyāṅghriḥ cintitārthapradāyakaḥ || 30 ||
dhanvantarērbhagavatō nāmnāmaṣṭōttaraṁ śatam |
yaḥ paṭhētsatataṁ bhaktyā nīrōgaḥ sukhabhāgbhavēt || 31 ||
iti br̥hadbrahmānandōpaniṣadāntargataṁ śrī dhanvantaryaṣṭōttaraśatanāma stōtram |
See more śrī viṣṇu stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.