Read in తెలుగు / ಕನ್ನಡ / தமிழ் / देवनागरी / English (IAST)
sūrya uvāca |
mūlavahnisamudbhūtā mūlājñānavināśinī |
nirupādhimahāmāyā śāradā praṇavātmikā || 1 ||
suṣumnāmukhamadhyasthā cinmayī nādarūpiṇī |
nādātītā brahmavidyā mūlavidyā parātparā || 2 ||
sakāmadāyinīpīṭhamadhyasthā bōdharūpiṇī |
mūlādhārasthagaṇapadakṣiṇāṅkanivāsinī || 3 ||
viśvādhārā brahmarūpā nirādhārā nirāmayā |
sarvādhārā sākṣibhūtā brahmamūlā sadāśrayā || 4 ||
vivēkalabhya vēdāntagōcarā mananātigā |
svānandayōgasaṁlabhyā nididhyāsasvarūpiṇī || 5 ||
vivēkādibhr̥tyayutā śamādikiṅkarānvitā |
bhaktyādikiṅkarījuṣṭā svānandēśasamanvitā || 6 ||
mahāvākyārthasaṁlabhyā gaṇēśaprāṇavallabhā |
tamastirōdhānakarī svānandēśapradarśinī || 7 ||
svādhiṣṭhānagatā vāṇī rajōguṇavināśinī |
rāgādidōṣaśamanī karmajñānapradāyinī || 8 ||
maṇipūrābjanilayā tamōguṇavināśinī |
anāhataikanilayā guṇasattvaprakāśinī || 9 ||
aṣṭāṅgayōgaphaladā tapōmārgaprakāśinī |
viśuddhisthānanilayā hr̥dayagrandhibhēdinī || 10 ||
vivēkajananī prajñā dhyānayōgaprabōdhinī |
ājñācakrasamāsīnā nirguṇabrahmasamyutā || 11 ||
brahmarandhrapadmagatā jagadbhāvapraṇāśinī |
dvādaśāntaikanilayā svasvānandapradāyinī || 12 ||
pīyūṣavarṣiṇī buddhiḥ svānandēśaprakāśinī |
ikṣusāgaramadhyasthā nijalōkanivāsinī || 13 ||
vaināyakī vighnahantrī svānandabrahmarūpiṇī |
sudhāmūrtiḥ sudhāvarṇā kēvalā hr̥dguhāmayī || 14 ||
śubhravastrā pīnakucā kalyāṇī hēmakañcukā |
vikacāmbhōruhadalalōcanā jñānarūpiṇī || 15 ||
ratnatāṭaṅkayugalā bhadrā campakanāsikā |
ratnadarpaṇasaṅkāśakapōlā nirguṇātmikā || 16 ||
tāmbūlapūritasmēravadanā satyarūpiṇī |
kambukaṇṭhī subimbōṣṭhī vīṇāpustakadhāriṇī || 17 ||
gaṇēśajñātasaubhāgyamārdavōrudvayānvitā |
kaivalyajñānasukhadapadābjā bhāratī matiḥ || 18 ||
vajramāṇikyakaṭakakirīṭā mañjubhāṣiṇī |
vighnēśabaddhamāṅgalyasūtraśōbhitakandharā || 19 ||
anēkakōṭikēśārkayugmasēvitapādukā |
vāgīśvarī lōkamātā mahābuddhiḥ sarasvatī || 20 ||
catuṣṣaṣṭikōṭividyākalālakṣmīniṣēvitā |
kaṭākṣakiṅkarībhūtakēśabr̥ndasamanvitā || 21 ||
brahmaviṣṇvīśaśaktīnāṁ dr̥śā śāsanakāriṇī |
pañcacittavr̥ttimayī tāramantrasvarūpiṇī || 22 ||
varadā bhaktivaśagā bhaktābhīṣṭapradāyinī |
brahmaśaktirmahāmāyā jagadbrahmasvarūpiṇī || 23 ||
aṣṭōttaraśataṁ nāmnāṁ mahābuddhērvarantagam |
yaḥ paṭhēdbhaktibhāvēna vidyāṁ buddhiṁ śriyaṁ balam |
samprāpya jñānamatulaṁ brahmabhūyamavāpnuyāt || 24 ||
iti śrī buddhidēvī aṣṭōttaraśatanāmastōtraṁ sampūrṇam |
See more śrī gaṇēśa stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.