Read in తెలుగు / ಕನ್ನಡ / தமிழ் / देवनागरी / English (IAST)
carācaraguruṁ naumi guruṁ sarvōpakārakam |
yasya saṅkīrtanādēva kṣaṇādiṣṭaṁ prajāyatē || 1 ||
br̥haspatiḥ surācāryō nītijñō nītikārakaḥ |
gururjīvō:’tha vāgīśō vēdavēttā vidāṁvaraḥ || 2 ||
saumyamūrtiḥ sudhādr̥ṣṭiḥ pītavāsāḥ pitāmahaḥ |
agravēdī dīrghaśmaśrurhēmāṅgaḥ kuṅkumacchaviḥ || 3 ||
sarvajñaḥ sarvadaḥ sarvaḥ sarvapūjyō grahēśvaraḥ |
satyadhāmā:’kṣamālī ca grahapīḍānivārakaḥ || 4 ||
pañcaviṁśatināmāni guruṁ smr̥tvā tu yaḥ paṭhēt |
āyurārōgyasampannō dhanadhānyasamanvitaḥ || 5 ||
jīvēdvarṣaśataṁ sāgraṁ sarvavyādhivivarjitaḥ |
karmaṇā manasā vācā yatpāpaṁ samupārjitam || 6 ||
tadētatpaṭhanādēva dahyatē:’gnirivēndhanam |
gurōrdinē:’rcayēdyastu pītavastrānulēpanaiḥ || 7 ||
dhūpadīpōpahāraiśca viprabhōjanapūrvakam |
pīḍāśāntirbhavēttasya svayamāha br̥haspatiḥ || 8 ||
mērumūrdhni samākrāntō dēvarājapurōhitaḥ |
jñātā yaḥ sarvaśāstrāṇāṁ sa guruḥ prīyatāṁ mama || 9 ||
iti br̥haspati stōtram |
See more navagraha stōtrāṇi for chanting.
Did you see any mistake/variation in the content above? Click here to report mistakes and corrections in Stotranidhi content.