Read in తెలుగు / ಕನ್ನಡ / தமிழ் / देवनागरी / English (IAST)
śiva uvāca |
padmāsanaḥ padmakaraḥ padmagarbhasamadyutiḥ |
saptāśvaḥ saptarajjuśca dvibhujaḥ syāt sadā raviḥ || 1 ||
śvētaḥ śvētāmbaradharaḥ śvētāśvaḥ śvētavāhanaḥ |
gadāpāṇirdvibāhuśca kartavyō varadaḥ śaśī || 2 ||
raktamālyāmbaradharaḥ śaktiśūlagadādharaḥ |
caturbhujaḥ raktarōmā varadaḥ syāddharāsutaḥ || 3 ||
pītamālyāmbaradharaḥ karṇikārasamadyutiḥ |
khaḍgacarmagadāpāṇiḥ siṁhasthō varadō budhaḥ || 3 ||
dēvadaityagurū tadvatpītaśvētau caturbhujau |
daṇḍinau varadau kāryau sākṣasūtrakamaṇḍalū || 5 ||
indranīladyutiḥ śūlī varadō gr̥dhravāhanaḥ |
bāṇabāṇāsanadharaḥ kartavyō:’rkasutastathā || 6 ||
karālavadanaḥ khaḍgacarmaśūlī varapradaḥ |
nīlasiṁhāsanasthaśca rāhuratra praśasyatē || 7 ||
dhūmrā dvibāhavaḥ sarvē gadinō vikr̥tānanāḥ |
gr̥dhrāsanagatā nityaṁ kētavaḥ syurvarapradāḥ || 8 ||
sarvē kirīṭinaḥ kāryā grahā lōkahitāvahāḥ |
hyaṅgulēnōcchritāḥ sarvē śatamaṣṭōttaraṁ sadā || 9 ||
iti śrīmatsyē mahāpurāṇē graharūpākhyānaṁ nāma caturṇavatitamō:’dhyāyaḥ ||
See more navagraha stōtrāṇi for chanting.
Did you see any mistake/variation in the content above? Click here to report mistakes and corrections in Stotranidhi content.