Read in తెలుగు / ಕನ್ನಡ / தமிழ் / English (IAST)
nārāyaṇīyaṁ ēkōnapañcāśattamadaśakam (49) – vr̥ndāvanapravēśam
bhavatprabhāvāvidurā hi gōpāstaruprapātādikamatra gōṣṭhē |
ahētumutpātagaṇaṁ viśaṅkya prayātumanyatra manō vitēnuḥ || 49-1 ||
tatrōpanandābhidhagōpavaryō jagau bhavatprēraṇayaiva nūnam |
itaḥ pratīcyāṁ vipinaṁ manōjñaṁ vr̥ndāvanaṁ nāma virājatīti || 49-2 ||
br̥hadvanaṁ tatkhalu nandamukhyā vidhāya gauṣṭhīnamatha kṣaṇēna |
tvadanvitatvajjananīniviṣṭa-gariṣṭhayānānugatā vicēluḥ || 49-3 ||
anōmanōjñadhvanidhēnupālīkhurapraṇādāntaratō vadhūbhiḥ |
bhavadvinōdālapitākṣarāṇi prapīya nājñāyata mārgadairghyam || 49-4 ||
nirīkṣya vr̥ndāvanamīśa nandatprasūnakundapramukhadrumaugham |
amōdathāḥ śādvalasāndralakṣmyā harinmaṇīkuṭṭimapuṣṭaśōbham || 49-5 ||
navākanirvyūḍhanivāsabhēdē-ṣvaśēṣagōpēṣu sukhāsitēṣu |
vanaśriyaṁ gōpakiśōrapālī-vimiśritaḥ paryavalōkathāstvam || 49-6 ||
arālamārgāgatanirmalāpāṁ marālakūjākr̥tanarmalāpām |
nirantarasmērasarōjavaktrāṁ kalindakanyāṁ samalōkayastvam || 49-7 ||
mayūrakēkāśatalōbhanīyaṁ mayūkhamālaśabalaṁ maṇīnām |
viriñcalōkaspr̥śamuccaśr̥ṅgai-rgiriṁ ca gōvardhanamaikṣathāstvam || 49-8 ||
samaṁ tatō gōpakumārakaistvaṁ samantatō yatra vanāntamāgāḥ |
tatastatastāṁ kr̥ṭilāmapaśyaḥ kalindajāṁ rāgavatīmivaikām || 49-9 ||
tathāvidhē:’sminvipinē paśavyē samutsukō vatsagaṇapracārē |
caransarāmō:’tha kumārakaistvaṁ samīragēhādhipa pāhi rōgāt || 49-10 ||
iti ēkōnapañcāśattamadaśakaṁ samāptam |
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.