Read in తెలుగు / ಕನ್ನಡ / தமிழ் / देवनागरी / English (IAST)
dvitīyadaśakam (2) – bhagavataḥ svarūpamādhuryaṁ tathā bhaktimahattvaṁ
sūryaspardhikirīṭamūrdhvatilakaprodbhāsiphālāntaraṁ
kāruṇyākulanetramārdrahasitollāsaṁ sunāsāpuṭam |
gaṇḍodyanmakarābhakuṇḍalayugaṁ kaṇṭhojjvalatkaustubhaṁ
tvadrūpaṁ vanamālyahārapaṭalaśrīvatsadīpraṁ bhaje || 2-1 ||
keyūrāṅgadakaṅkaṇottama mahāratnāṅgulīyāṅkita-
-śrīmadbāhucatuṣkasaṅgata gadāśaṅkhāripaṅkeruhām |
kāñcitkāñcanakāñcilāñchitalasat pītāmbarālambinī-
-mālambe vimalāmbujadyutipadāṁ mūrtiṁ tavārticchidam || 2-2 ||
yat trailokyamahīyaso’pi mahitaṁ sammohanaṁ mohanāt
kāntaṁ kāntinidhānato’pi madhuraṁ mādhuryadhuryādapi |
saundaryottarato’pi sundarataraṁ tvadrūpamāścaryato-
-‘pyāścaryaṁ bhuvane na kasya kutukaṁ puṣṇāti viṣṇo vibho || 2-3 ||
tattādṛṅmadhurātmakaṁ tava vapuḥ samprāpya sampanmayī
sā devī paramotsukā cirataraṁ nā’ste svabhakteṣvapi |
tenāsyā bata kaṣṭamacyuta vibho tvadrūpamānojñaka-
-premasthairyamayādacāpalabalāccāpalyavārtodabhūt || 2-4 ||
lakṣmīstāvakarāmaṇīyakahṛtaiveyaṁ pareṣvasthire-
-tyasminnanyadapi pramāṇamadhunā vakṣyāmi lakṣmīpate |
ye tvaddhyānaguṇānukīrtanarasāsaktā hi bhaktā janā-
-steṣveṣā vasati sthiraiva dayitaprastāvadattādarā || 2-5 ||
evaṁ bhūtamanojñatā navasudhā niṣyandasandohanaṁ
tvadrūpaṁ paracidrasāyanamayaṁ cetoharaṁ śṛṇvatām |
sadyaḥ prerayate matiṁ madayate romāñcayatyaṅgakaṁ
vyāsiñcatyapi śītabāṣpavisarairānandamūrchodbhavaiḥ || 2-6 ||
evaṁ bhūtatayā hi bhaktyabhihito yogaḥ sa yogadvayāt
karmajñānamayādbhṛśottamataro yogīśvarairgīyate |
saundaryaikarasātmake tvayi khalu premaprakarṣātmikā
bhaktirniḥśramameva viśvapuruṣairlabhyā ramāvallabha || 7 ||
niṣkāmaṁ niyatasvadharmacaraṇaṁ yatkarmayogābhidhaṁ
taddūretyaphalaṁ yadaupaniṣadajñānopalabhyaṁ punaḥ |
tat tvavyaktatayā sudurgamataraṁ cittasya tasmādvibho
tvat premātmakabhaktireva satataṁ svādīyasī śreyasī || 2-8 ||
atyāyāsakarāṇi karmapaṭalānyācarya niryanmalā
bodhe bhaktipathe’thavā’pyucitatāmāyānti kiṁ tāvatā |
kliṣṭvā tarkapathe paraṁ tava vapurbrahmākhyamanye puna-
-ścittārdratvamṛte vicintya bahubhiḥ siddhyanti janmāntaraiḥ || 2-9 ||
tvadbhaktistu kathārasāmṛtajharīnirmajjanena svayaṁ
siddhyantī vimalaprabodhapadavīmakleśatastanvatī |
sadyaḥ siddhikarī jayatyayi vibho saivāstu me tvatpada-
-premaprauḍhirasārdratā drutataraṁ vātālayādhīśvara || 2-10 ||
iti dvitīyadaśakaṁ samāptam |
See complete nārāyaṇīyam for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.