Read in తెలుగు / ಕನ್ನಡ / தமிழ் / देवनागरी / English (IAST)
|| vānarabalapratiṣṭhā ||
sarvāṁścāhūya sugrīvaḥ plavagān plavagarṣabhaḥ |
samastānabravīdbhūyō rāmakāryārthasiddhayē || 1 ||
ēvamētadvicētavyaṁ yanmayā parikīrtitam |
tadugraśāsanaṁ bharturvijñāya haripuṅgavāḥ || 2 ||
śalabhā iva sañchādya mēdinīṁ sampratasthirē |
rāmaḥ prasravaṇē tasmin nyavasatsahalakṣmaṇaḥ || 3 ||
pratīkṣamāṇastaṁ māsaṁ yaḥ sītādhigamē kr̥taḥ |
uttarāṁ tu diśaṁ ramyāṁ girirājasamāvr̥tām || 4 ||
pratasthē haribhirvīrō hariḥ śatavalistadā |
pūrvāṁ diśaṁ prati yayau vinatō hariyūthapaḥ || 5 ||
tārāṅgadādisahitaḥ plavagaḥ pavanātmajaḥ |
agastyacaritāmāśāṁ dakṣiṇāṁ hariyūthapaḥ || 6 ||
paścimāṁ tu diśaṁ ghōrāṁ suṣēṇaḥ plavagēśvaraḥ |
pratasthē hariśārdūlō bhr̥śaṁ varuṇapālitām || 7 ||
tataḥ sarvā diśō rājā cōdayitvā yathātatham |
kapisēnāpatīn mukhyān mumōda sukhitaḥ sukham || 8 ||
ēvaṁ sañcōditāḥ sarvē rājñā vānarayūthapāḥ |
svāṁ svāṁ diśamabhiprētya tvaritāḥ sampratasthirē || 9 ||
ānayiṣyāmahē sītāṁ haniṣyāmaśca rāvaṇam |
nadantaścōnnadantaśca garjantaśca plavaṅgamāḥ || 10 ||
kṣvēlantō dhāvamānāśca vinadantō mahābalāḥ |
ahamēkō haniṣyāmi prāptaṁ rāvaṇamāhavē || 11 ||
tataścōnmathya sahasā hariṣyē janakātmajām |
vēpamānāṁ śramēṇādya bhavadbhiḥ sthīyatāmiti || 12 ||
ēka ēvāhariṣyāmi pātālādapi jānakīm |
vimathiṣyāmyahaṁ vr̥kṣān pātayiṣyāmyahaṁ girīn || 13 ||
dharaṇīṁ dārayiṣyāmi kṣōbhayiṣyāmi sāgarān |
ahaṁ yōjanasaṅkhyāyāḥ plavitā nātra saṁśayaḥ || 14 ||
śataṁ yōjanasaṅkhyāyāḥ śataṁ samadhikaṁ hyaham |
bhūtalē sāgarē vāpi śailēṣu ca vanēṣu ca || 15 ||
pātālasyāpi vā madhyē na mamācchidyatē gatiḥ |
ityēkaikaṁ tadā tatra vānarā baladarpitāḥ |
ūcuśca vacanaṁ tatra harirājasya sannidhau || 16 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē pañcacatvāriṁśaḥ sargaḥ || 45 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.