Read in తెలుగు / ಕನ್ನಡ / தமிழ் / देवनागरी / English (IAST)
|| jānapadākrōśaḥ ||
rāmō:’pi rātriśēṣēṇa tēnaiva mahadantaram |
jagāma puruṣavyāghraḥ piturājñāmanusmaran || 1 ||
tathaiva gacchatastasya vyapāyādrajanī śivā |
upāsya sa śivāṁ sandhyāṁ viṣayāntaṁ vyagāhata || 2 ||
grāmānvikr̥ṣṭasīmāntānpuṣpitāni vanāni ca |
paśyannatiyayau śīghraṁ śanairiva hayōttamaiḥ |
śr̥ṇvanvācō manuṣyāṇāṁ grāmasaṁvāsavāsinām || 3 ||
[* vigarhitāṁ hi kaikēyīṁ krūrāṁ krūrēṇa karmaṇā | *]
rājānaṁ dhigdaśarathaṁ kāmasya vaśamāgatam || 4 ||
hā nr̥śaṁsā:’dya kaikēyī pāpā pāpānubandhinī |
tīkṣṇā sambhinnamaryādā tīkṣṇakarmaṇi vartatē || 5 ||
yā putramīdr̥śaṁ rājñaḥ pravāsayati dhārmikam |
vanavāsē mahāprājñaṁ sānukrōśaṁ jitēndriyam || 6 ||
kathaṁ nāma mahābhāgā sītā janakanandinī |
sadā sukhēṣvabhiratā duḥkhānyanubhaviṣyati || 7 ||
ahō daśarathō rājā nissnēhaḥ svasutaṁ priyam |
prajānāmanaghaṁ rāmaṁ parityaktumihēcchati || 8 ||
ētā vācō manuṣyāṇāṁ grāmasaṁvāsavāsinām |
śr̥ṇvannatiyayau vīraḥ kōsalānkōsalēśvaraḥ || 9 ||
tataḥ vēdaśrutiṁ nāma śivavārivahāṁ nadīm |
uttīryābhimukhaḥ prāyādagastyādhyuṣitāṁ diśam || 10 ||
gatvā tu suciraṁ kālaṁ tataḥ śivajalāṁ nadīm |
gōmatīṁ gōyutānūpāmataratsāgaraṅgamām || 11 ||
gōmatīṁ cāpyatikramya rāghavaḥ śīghragairhayaiḥ |
mayūrahaṁsābhirutāṁ tatāra syandikāṁ nadīm || 12 ||
sa mahīṁ manunā rājñā dattāmikṣvākavē purā |
sphītāṁ rāṣṭrāvr̥tāṁ rāmaḥ vaidēhīmanvadarśayat || 13 ||
sūta ityēva cābhāṣya sārathiṁ tamabhīkṣṇaśaḥ |
haṁsamattasvaraḥ śrīmānuvāca puruṣarṣabhaḥ || 14 ||
kadā:’haṁ punarāgamya sarayvāḥ puṣpitē vanē |
mr̥gayāṁ paryāṭiṣyāmi mātrā pitrā ca saṅgataḥ || 15 ||
rājarṣīṇāṁ hi lōkē:’smin ratyarthaṁ mr̥gayā vanē |
kālē kr̥tāṁ tāṁ manujairdhanvināmabhikāṅkṣitām || 16 ||
nātyarthamabhikāṅkṣāmi mr̥gayāṁ sarayūvanē |
ratirhyēṣā:’tulā lōkē rājarṣigaṇasammatā || 17 ||
sa tamadhvānamaikṣvākaḥ sūtaṁ madhurayā girā |
tantamarthamabhiprētya yayau vākyamudīrayan || 18 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē ēkōnapañcāśaḥ sargaḥ || 49 ||
ayōdhyākāṇḍa pañcāśaḥ sargaḥ (50) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.