Sri Ganesha Kilaka Stotram – ஶ்ரீ க³ணேஶ கீலக ஸ்தோத்ரம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ க³ணேஶ ஸ்தோத்திரங்கள் → ஶ்ரீ க³ணேஶ கீலக ஸ்தோத்ரம்

த³க்ஷ உவாச ।
க³ணேஶகீலகம் ப்³ரஹ்மந் வத³ ஸர்வார்த²தா³யகம் ।
மந்த்ராதீ³நாம் விஶேஷேண ஸித்³தி⁴த³ம் பூர்ணபா⁴வத꞉ ॥ 1 ॥

முத்³க³ள உவாச ।
கீலகேந விஹீநாஶ்ச மந்த்ரா நைவ ஸுக²ப்ரதா³꞉ ।
ஆதௌ³ கீலகமேவம் வை படி²த்வா ஜபமாசரேத் ॥ 2 ॥

ததா³ வீர்யயுதா மந்த்ரா நாநாஸித்³தி⁴ப்ரதா³யகா꞉ ।
ப⁴வந்தி நாத்ர ஸந்தே³ஹ꞉ கத²யாமி யதா²ஶ்ருதம் ॥ 3 ॥

ஸமாதி³ஷ்டம் சாங்கி³ரஸா மஹ்யம் கு³ஹ்யதமம் பரம் ।
ஸித்³தி⁴த³ம் வை க³ணேஶஸ்ய கீலகம் ஶ்ருணு மாநத³ ॥ 4 ॥

அஸ்ய ஶ்ரீக³ணேஶகீலகஸ்ய ஶிவ ருஷி꞉ அநுஷ்டுப்ச²ந்த³꞉ ஶ்ரீக³ணபதிர்தே³வதா ஓம் க³ம் யோகா³ய ஸ்வாஹா ஓம் க³ம் பீ³ஜம் வித்³யா(அ)வித்³யாஶக்திக³ணபதி ப்ரீத்யர்தே² ஜபே விநியோக³꞉ ॥

ச²ந்த³ருஷ்யாதி³ந்யாஸாம்ஶ்ச குர்யாதா³தௌ³ ததா² பராந் ।
ஏகாக்ஷரஸ்யைவ த³க்ஷ ஷட³ங்கா³நாசரேத் ஸுதீ⁴꞉ ॥ 5 ॥

ததோ த்⁴யாயேத்³க³ணேஶாநம் ஜ்யோதீரூபத⁴ரம் பரம் ।
மநோவாணீவிஹீநம் ச சதுர்பு⁴ஜவிராஜிதம் ॥ 6 ॥

ஶுண்டா³த³ண்ட³முக²ம் பூர்ணம் த்³ரஷ்டும் நைவ ப்ரஶக்யதே ।
வித்³யா(அ)வித்³யாஸமாயுக்தம் விபூ⁴திபி⁴ருபாஸிதம் ॥ 7 ॥

ஏவம் த்⁴யாத்வா க³ணேஶாநம் மாநஸை꞉ பூஜயேத்ப்ருத²க் ।
பஞ்சோபசாரகைர்த³க்ஷ ததோ ஜபம் ஸமாசரேத் ॥ 8 ॥

ஏகவிம்ஶதிவாரம் து ஜபம் குர்யாத்ப்ரஜாபதே ।
தத꞉ ஸ்தோத்ரம் ஸமுச்சார்ய பஶ்சாத்ஸர்வம் ஸமாசரேத் ॥ 9 ॥

ரூபம் ப³லம் ஶ்ரியம் தே³ஹி யஶோ வீர்யம் க³ஜாநந ।
மேதா⁴ம் ப்ரஜ்ஞாம் ததா² கீர்திம் விக்⁴நராஜ நமோ(அ)ஸ்து தே ॥ 10 ॥

யதா³ தே³வாத³ய꞉ ஸர்வே குண்டி²தா தை³த்யபை꞉ க்ருதா꞉ ।
ததா³ த்வம் தாந்நிஹத்ய ஸ்ம கரோஷி வீர்யஸம்யுதாந் ॥ 11 ॥

ததா² மந்த்ரா க³ணேஶாந குண்டி²தாஶ்ச து³ராத்மபி⁴꞉ ।
ஶாபைஶ்ச தாந் ஸவீர்யாம்ஸ்தே குருஷ்வ த்வம் நமோ நம꞉ ॥ 12 ॥

ஶக்தய꞉ குண்டி²தா꞉ ஸர்வா꞉ ஸ்மரணேந த்வயா ப்ரபோ⁴ ।
ஜ்ஞாநயுக்தா꞉ ஸவீர்யாஶ்ச க்ருதா விக்⁴நேஶ தே நம꞉ ॥ 13 ॥

சராசரம் ஜக³த்ஸர்வம் ஸத்தாஹீநம் யதா³ ப⁴வேத் ।
த்வயா ஸத்தாயுதம் டு⁴ண்டே⁴ ஸ்மரணேந க்ருதம் ச தே ॥ 14 ॥

தத்த்வாநி வீர்யஹீநாநி யதா³ ஜாதாநி விக்⁴நப ।
ஸ்ம்ருத்யா தே வீர்யயுக்தாநி புநர்ஜாதாநி தே நம꞉ ॥ 15 ॥

ப்³ரஹ்மாணி யோக³ஹீநாநி ஜாதாநி ஸ்மரணேந தே ।
யதா³ புநர்க³ணேஶாந யோக³யுக்தாநி தே நம꞉ ॥ 16 ॥

இத்யாதி³ விவித⁴ம் ஸர்வம் ஸ்மரணேந ச தே ப்ரபோ⁴ ।
ஸத்தாயுக்தம் ப³பூ⁴வைவ விக்⁴நேஶாய நமோ நம꞉ ॥ 17 ॥

ததா² மந்த்ரா க³ணேஶாந வீர்யஹீநா ப³பூ⁴விரே ।
ஸ்மரணேந புநர்டு⁴ண்டே⁴ வீர்யயுக்தாந் குருஷ்வ தே ॥ 18 ॥

ஸர்வம் ஸத்தாஸமாயுக்தம் மந்த்ரபூஜாதி³கம் ப்ரபோ⁴ ।
மம நாம்நா ப⁴வது தே வக்ரதுண்டா³ய தே நம꞉ ॥ 19 ॥

உத்கீலய மஹாமந்த்ராந் ஜபேந ஸ்தோத்ரபாட²த꞉ ।
ஸர்வஸித்³தி⁴ப்ரதா³ மந்த்ரா ப⁴வந்து த்வத்ப்ரஸாத³த꞉ ॥ 20 ॥

க³ணேஶாய நமஸ்துப்⁴யம் ஹேரம்பா³யைகத³ந்திநே ।
ஸ்வாநந்த³வாஸிநே துப்⁴யம் ப்³ரஹ்மணஸ்பதயே நம꞉ ॥ 21 ॥

க³ணேஶகீலகமித³ம் கதி²தம் தே ப்ரஜாபதே ।
ஶிவப்ரோக்தம் து மந்த்ராணாமுத்கீலநகரம் பரம் ॥ 22 ॥

ய꞉ படி²ஷ்யதி பா⁴வேந ஜப்த்வா தே மந்த்ரமுத்தமம் ।
ஸ ஸர்வஸித்³தி⁴மாப்நோதி நாநாமந்த்ரஸமுத்³ப⁴வாம் ॥ 23 ॥

ஏநம் த்யக்த்வா க³ணேஶஸ்ய மந்த்ரம் ஜபதி நித்யதா³ ।
ஸ ஸர்வப²லஹீநஶ்ச ஜாயதே நாத்ர ஸம்ஶய꞉ ॥ 24 ॥

ஸர்வஸித்³தி⁴ப்ரத³ம் ப்ரோக்தம் கீலகம் பரமாத்³பு⁴தம் ।
புராநேந ஸ்வயம் ஶம்பு⁴ர்மந்த்ரஜாம் ஸித்³தி⁴மாலப⁴த் ॥ 25 ॥

விஷ்ணுப்³ரஹ்மாத³யோ தே³வா முநயோ யோகி³ந꞉ பரே ।
அநேந மந்த்ரஸித்³தி⁴ம் தே லேபி⁴ரே ச ப்ரஜாபதே ॥ 26 ॥

ஐல꞉ கீலகமாத்³யம் வை க்ருத்வா மந்த்ரபராயண꞉ ।
க³த꞉ ஸ்வாநந்த³பூர்யாம் ஸ ப⁴க்தராஜோ ப³பூ⁴வ ஹ ॥ 27 ॥

ஸஸ்த்ரீகோ ஜட³தே³ஹேந ப்³ரஹ்மாண்ட³மவலோக்ய து ।
க³ணேஶத³ர்ஶநேநைவ ஜ்யோதீரூபோ ப³பூ⁴வ ஹ ॥ 28 ॥

த³க்ஷ உவாச ।
ஐலோ ஜட³ஶரீரஸ்த²꞉ கத²ம் தே³வாதி³கைர்யுதம் ।
ப்³ரஹ்மாண்ட³ம் ஸ த³த³ர்ஶைவ தந்மே வத³ குதூஹலம் ॥ 29 ॥

புண்யராஶி꞉ ஸ்வயம் ஸாக்ஷாந்நரகாதீ³ந் மஹாமதே ।
அபஶ்யச்ச கத²ம் ஸோ(அ)பி பாபித³ர்ஶநயோக்³யகாந் ॥ 30 ॥

முத்³க³ளவாச ।
விமாநஸ்த²꞉ ஸ்வயம் ராஜா க்ருபயா தாந் த³த³ர்ஶ ஹ ।
கா³ணேஶாநாம் ஜட³ஸ்த²ஶ்ச ஶிவவிஷ்ணுமுகா²ந் ப்ரபோ⁴ ॥ 31 ॥

ஸ்வாநந்த³கே³ விமாநே யே ஸம்ஸ்தி²தாஸ்தே ஶுபா⁴ஶுபே⁴ ।
யோக³ரூபதயா ஸர்வே த³க்ஷ பஶ்யந்தி சாஞ்ஜஸா ॥ 32 ॥

ஏதத்தே கதி²தம் ஸர்வமைலஸ்ய சரிதம் ஶுப⁴ம் ।
ய꞉ ஶ்ருணோதி ஸ வை மர்த்ய꞉ பு⁴க்திம் முக்திம் லபே⁴த்³த்⁴ருவம் ॥ 33 ॥

இதி ஶ்ரீமுத்³க³ளமஹாபுராணே பஞ்சமேக²ண்டே³ லம்போ³த³ரசரிதே ஶ்ரவணமாஹாத்ம்யவர்ணநம் நாம பஞ்சசத்வாரிம்ஶத்தமோ(அ)த்⁴யாயே ஶ்ரீக³ணேஶகீலகஸ்தோத்ரம் ஸம்பூர்ணம் ।

---

மேலும் ஶ்ரீ கணேஶ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.