Sri Bagalamukhi Ashtottara Shatanama Stotram 2 (Vishnuyamale) – ஶ்ரீ ப³க³ளாமுகீ² அஷ்டோத்தரஶதநாம ஸ்தோத்ரம் – 2 (விஷ்ணுயாமளே)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி →  ஶ்ரீ ப³க³ளாமுகீ² ஸ்தோத்திரங்கள் → ஶ்ரீ ப³க³ளாமுகீ² அஷ்டோத்தரஶதநாம ஸ்தோத்ரம் – 2 (விஷ்ணுயாமளே)

த்⁴யானம் –
ஸௌவர்ணாஸனஸம்ஸ்தி²தாம் த்ரிநயனாம் பீதாம்ஶுகோல்லாஸினீம்
ஹேமாபா⁴ங்க³ருசிம் ஶஶாங்கமுகுடாம் ஸச்சம்பகஸ்ரக்³யுதாம் ।
ஹஸ்தைர்முத்³க³ரபாஶவஜ்ரரஸனா꞉ ஸம்பி³ப்⁴ரதீம் பூ⁴ஷணை꞉
வ்யாப்தாங்கீ³ம் ப³க³ளாமுகீ²ம் த்ரிஜக³தாம் ஸம்ஸ்தம்பி⁴னீம் சிந்தயேத் ॥

ஶ்ரீநாரத³ உவாச ।
ப⁴க³வன் தே³வதே³வேஶ ஸ்ருஷ்டிஸ்தி²திலயாத்மக ।
ஶதமஷ்டோத்தரம் நாம்னாம் ப³க³ளாயா வதா³(அ)து⁴னா ॥ 1 ॥

ஶ்ரீப⁴க³வானுவாச ।
ஶ்ருணு வத்ஸ ப்ரவக்ஷ்யாமி நாம்நாமஷ்டோத்தரம் ஶதம் ।
பீதாம்ப³ர்யா மஹாதே³வ்யா꞉ ஸ்தோத்ரம் பாபப்ரணாஶனம் ॥ 2 ॥

யஸ்ய ப்ரபட²னாத் ஸத்³யோ வாதீ³ மூகோ ப⁴வேத் க்ஷணாத் ।
ரிபூணாம் ஸ்தம்ப⁴னம் யாதி ஸத்யம் ஸத்யம் வதா³ம்யஹம் ॥ 3 ॥

அஸ்ய ஶ்ரீபீதாம்ப³ர்யஷ்டோத்தரஶதநாமஸ்தோத்ரஸ்ய ஸதா³ஶிவ ருஷி꞉ அனுஷ்டுப் ச²ந்த³꞉ ஶ்ரீபீதாம்ப³ரீ தே³வதா ஶ்ரீபீதாம்ப³ரீ ப்ரீதயே ஜபே விநியோக³꞉ ॥

ஸ்தோத்ரம் –
ஓம் । ப³க³ளா விஷ்ணுவனிதா விஷ்ணுஶங்கரபா⁴மினீ ।
ப³ஹுளா வேத³மாதா ச மஹாவிஷ்ணுப்ரஸூரபி ॥ 4 ॥

மஹாமத்ஸ்யா மஹாகூர்மா மஹாவாராஹரூபிணீ ।
நரஸிம்ஹப்ரியா ரம்யா வாமனா ப³டுரூபிணீ ॥ 5 ॥

ஜாமத³க்³ன்யஸ்வரூபா ச ராமா ராமப்ரபூஜிதா ।
க்ருஷ்ணா கபர்தி³னீ க்ருத்யா கலஹா கலகாரிணீ ॥ 6 ॥

பு³த்³தி⁴ரூபா பு³த்³த⁴பா⁴ர்யா பௌ³த்³த⁴பாக²ண்ட³க²ண்டி³னீ ।
கல்கிரூபா கலிஹரா கலிது³ர்க³திநாஶினீ ॥ 7 ॥

கோடிஸூர்யப்ரதீகாஶா கோடிகந்த³ர்பமோஹினீ ।
கேவலா கடி²னா காளீ கலா கைவல்யதா³யினீ ॥ 8 ॥

கேஶவீ கேஶவாராத்⁴யா கிஶோரீ கேஶவஸ்துதா ।
ருத்³ரரூபா ருத்³ரமூர்தீ ருத்³ராணீ ருத்³ரதே³வதா ॥ 9 ॥

நக்ஷத்ரரூபா நக்ஷத்ரா நக்ஷத்ரேஶப்ரபூஜிதா ।
நக்ஷத்ரேஶப்ரியா நித்யா நக்ஷத்ரபதிவந்தி³தா ॥ 10 ॥

நாகி³னீ நாக³ஜனனீ நாக³ராஜப்ரவந்தி³தா ।
நாகே³ஶ்வரீ நாக³கன்யா நாக³ரீ ச நகா³த்மஜா ॥ 11 ॥

நகா³தி⁴ராஜதனயா நக³ராஜப்ரபூஜிதா ।
நவீனா நீரதா³ பீதா ஶ்யாமா ஸௌந்த³ர்யகாரிணீ ॥ 12 ॥

ரக்தா நீலா க⁴னா ஶுப்⁴ரா ஶ்வேதா ஸௌபா⁴க்³யதா³யினீ ।
ஸுந்த³ரீ ஸௌப⁴கா³ ஸௌம்யா ஸ்வர்ணபா⁴ ஸ்வர்க³திப்ரதா³ ॥ 13 ॥

ரிபுத்ராஸகரீ ரேகா² ஶத்ருஸம்ஹாரகாரிணீ ।
பா⁴மினீ ச ததா² மாயா ஸ்தம்பி⁴னீ மோஹினீ ஶுபா⁴ ॥ 14 ॥

ராக³த்³வேஷகரீ ராத்ரீ ரௌரவத்⁴வம்ஸகாரிணீ ।
யக்ஷிணீ ஸித்³த⁴னிவஹா ஸித்³தே⁴ஶா ஸித்³தி⁴ரூபிணீ ॥ 15 ॥

லங்காபதித்⁴வம்ஸகரீ லங்கேஶரிபுவந்தி³தா ।
லங்காநாத²குலஹரா மஹாராவணஹாரிணீ ॥ 16 ॥

தே³வதா³னவஸித்³தௌ⁴க⁴பூஜிதா பரமேஶ்வரீ ।
பராணுரூபா பரமா பரதந்த்ரவிநாஶினீ ॥ 17 ॥

வரதா³ வரதா³ராத்⁴யா வரதா³னபராயணா ।
வரதே³ஶப்ரியா வீரா வீரபூ⁴ஷணபூ⁴ஷிதா ॥ 18 ॥

வஸுதா³ ப³ஹுதா³ வாணீ ப்³ரஹ்மரூபா வரானனா ।
ப³லதா³ பீதவஸனா பீதபூ⁴ஷணபூ⁴ஷிதா ॥ 19 ॥

பீதபுஷ்பப்ரியா பீதஹாரா பீதஸ்வரூபிணீ ।
இதி தே கதி²தம் விப்ர நாம்நாமஷ்டோத்தரம் ஶதம் ॥ 20 ॥

ய꞉ படே²த் பாட²யேத்³வாபி ஶ்ருணுயாத்³வா ஸமாஹித꞉ ।
தஸ்ய ஶத்ரு꞉ க்ஷயம் ஸத்³யோ யாதி நைவாத்ர ஸம்ஶய꞉ ॥ 21 ॥

ப்ரபா⁴தகாலே ப்ரயதோ மனுஷ்ய꞉
படே²த் ஸுப⁴க்த்யா பரிசிந்த்ய பீதாம் ।
த்³ருதம் ப⁴வேத்தஸ்ய ஸமஸ்தவ்ருத்³தி⁴-
-ர்விநாஶமாயாதி ச தஸ்ய ஶத்ரு꞉ ॥ 22 ॥

இதி ஶ்ரீவிஷ்ணுயாமளே நாரத³விஷ்ணுஸம்வாதே³ ஶ்ரீ பீதாம்ப³ர்யஷ்டோத்தரஶதநாம ஸ்தோத்ரம் ॥

---

மேலும்  ஶ்ரீ ப³க³ளாமுகீ² ஸ்தோத்திரங்கள் பார்க்கவும்.