Kishkindha Kanda Sarga 6 – கிஷ்கிந்தா⁴காண்ட³ ஷஷ்ட²꞉ ஸர்க³꞉ (6)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஷஷ்ட²꞉ ஸர்க³꞉ (6)

॥ பூ⁴ஷணப்ரத்யபி⁴ஜ்ஞாநம் ॥

புநரேவாப்³ரவீத் ப்ரீதோ ராக⁴வம் ரகு⁴நந்த³நம் ।
அயமாக்²யாதி மே ராம ஸசிவோ மந்த்ரிஸத்தம꞉ ॥ 1 ॥

ஹநுமாந் யந்நிமித்தம் த்வம் நிர்ஜநம் வநமாக³த꞉ ।
லக்ஷ்மணேந ஸஹ ப்⁴ராத்ரா வஸதஶ்ச வநே தவ ॥ 2 ॥

ரக்ஷஸா(அ)பஹ்ருதா பா⁴ர்யா மைதி²லீ ஜநகாத்மஜா ।
த்வயா வியுக்தா ருத³தீ லக்ஷ்மணேந ச தீ⁴மதா ॥ 3 ॥

அந்தரப்ரேப்ஸுநா தேந ஹத்வா க்³ருத்⁴ரம் ஜடாயுஷம் ।
பா⁴ர்யாவியோக³ஜம் து³꞉க²மசிராத்த்வம் விமோக்ஷ்யஸே ॥ 4 ॥

அஹம் தாமாநயிஷ்யாமி நஷ்டாம் வேத³ஶ்ருதீமிவ ।
ரஸாதலே வா வர்தந்தீம் வர்தந்தீம் வா நப⁴ஸ்தலே ॥ 5 ॥

அஹமாநீய தா³ஸ்யாமி தவ பா⁴ர்யாமரிந்த³ம ।
இத³ம் தத்²யம் மம வசஸ்த்வமவேஹி ச ராக⁴வ ॥ 6 ॥

ந ஶக்யா ஸா ஜரயிதுமபி ஸேந்த்³ரை꞉ ஸுராஸுரை꞉ ।
தவ பா⁴ர்யா மஹாபா³ஹோ ப⁴க்ஷ்யம் விஷக்ருதம் யதா² ॥ 7 ॥

த்யஜ ஶோகம் மஹாபா³ஹோ தாம் காந்தாமாநயாமி தே ।
அநுமாநாத்து ஜாநாமி மைதி²லீ ஸா ந ஸம்ஶய꞉ ॥ 8 ॥

ஹ்ரியமாணா மயா த்³ருஷ்டா ரக்ஷஸா க்ரூரகர்மணா ।
க்ரோஶந்தீ ராம ராமேதி லக்ஷ்மணேதி ச விஸ்வரம் ॥ 9 ॥

ஸ்பு²ரந்தீ ராவணஸ்யாங்கே பந்நகே³ந்த்³ரவதூ⁴ர்யதா² ।
ஆத்மநா பஞ்சமம் மாம் ஹி த்³ருஷ்ட்வா ஶைலதடே ஸ்தி²தம் ॥ 10 ॥

உத்தரீயம் தயா த்யக்தம் ஶுபா⁴ந்யாப⁴ரணாநி ச ।
தாந்யஸ்மாபி⁴ர்க்³ருஹீதாநி நிஹிதாநி ச ராக⁴வ ॥ 11 ॥

ஆநயிஷ்யாம்யஹம் தாநி ப்ரத்யபி⁴ஜ்ஞாதுமர்ஹஸி ।
தமப்³ரவீத்ததோ ராம꞉ ஸுக்³ரீவம் ப்ரியவாதி³நம் ॥ 12 ॥

ஆநயஸ்வ ஸகே² ஶீக்⁴ரம் கிமர்த²ம் ப்ரவிளம்ப³ஸே ।
ஏவமுக்தஸ்து ஸுக்³ரீவ꞉ ஶைலஸ்ய க³ஹநாம் கு³ஹாம் ॥ 13 ॥

ப்ரவிவேஶ தத꞉ ஶீக்⁴ரம் ராக⁴வப்ரியகாம்யயா ।
உத்தரீயம் க்³ருஹீத்வா து ஶுபா⁴ந்யாப⁴ரணாநி ச ॥ 14 ॥

இத³ம் பஶ்யேதி ராமாய த³ர்ஶயாமாஸ வாநர꞉ ।
ததோ க்³ருஹீத்வா தத்³வாஸ꞉ ஶுபா⁴ந்யாப⁴ரணாநி ச ॥ 15 ॥

அப⁴வத்³பா³ஷ்பஸம்ருத்³தோ⁴ நீஹாரேணேவ சந்த்³ரமா꞉ ।
ஸீதாஸ்நேஹப்ரவ்ருத்தேந ஸ து பா³ஷ்பேண தூ³ஷித꞉ ॥ 16 ॥

ஹா ப்ரியேதி ருத³ந் தை⁴ர்யமுத்ஸ்ருஜ்ய ந்யபதத் க்ஷிதௌ ।
ஹ்ருதி³ க்ருத்வா து ப³ஹுஶஸ்தமலங்காரமுத்தமம் ॥ 17 ॥

நிஶஶ்வாஸ ப்⁴ருஶம் ஸர்போ பி³லஸ்த² இவ ரோஷித꞉ ।
அவிச்சி²ந்நாஶ்ருவேக³ஸ்து ஸௌமித்ரிம் வீக்ஷ்ய பார்ஶ்வத꞉ ॥ 18 ॥

பரிதே³வயிதும் தீ³நம் ராம꞉ ஸமுபசக்ரமே ।
பஶ்ய லக்ஷ்மண வைதே³ஹ்யா ஸந்த்யக்தம் ஹ்ரியமாணயா ॥ 19 ॥

உத்தரீயமித³ம் பூ⁴மௌ ஶரீராத்³பூ⁴ஷணாநி ச ।
ஶாத்³வலிந்யாம் த்⁴ருவம் பூ⁴ம்யாம் ஸீதயா ஹ்ரியமாணயா ॥ 20 ॥

உத்ஸ்ருஷ்டம் பூ⁴ஷணமித³ம் ததா²ரூபம் ஹி த்³ருஶ்யதே ।
ஏவமுக்தஸ்து ராமேண லக்ஷ்மணோ வாக்யமப்³ரவீத் ॥ 21 ॥

நாஹம் ஜாநாமி கேயூரே நாஹம் ஜாநாமி குண்ட³லே ।
நூபுரே த்வபி⁴ஜாநாமி நித்யம் பாதா³பி⁴வந்த³நாத் ॥ 22 ॥

தத꞉ ஸ ராக⁴வோ தீ³ந꞉ ஸுக்³ரீவமித³மப்³ரவீத் ।
ப்³ரூஹி ஸுக்³ரீவ கம் தே³ஶம் ஹ்ரியந்தீ லக்ஷிதா த்வயா ॥ 23 ॥

ரக்ஷஸா ரௌத்³ரரூபேண மம ப்ராணை꞉ ப்ரியா ப்ரியா ।
க்வ வா வஸதி தத்³ரக்ஷோ மஹத்³வ்யஸநத³ம் மம ॥ 24 ॥

யந்நிமித்தமஹம் ஸர்வாந்நாஶயிஷ்யாமி ராக்ஷஸாந் ।
ஹரதா மைதி²லீம் யேந மாம் ச ரோஷயதா ப்⁴ருஶம் ।
ஆத்மநோ ஜீவிதாந்தாய ம்ருத்யுத்³வாரமபாவ்ருதம் ॥ 25 ॥

மம த³யிததரா ஹ்ருதா வநாந்தா-
-த்³ரஜநிசரேண விமத்²ய யேந ஸா ।
கத²ய மம ரிபும் த்வமத்³ய வை
ப்லவக³பதே யமஸந்நிதி⁴ம் நயாமி ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஷஷ்ட²꞉ ஸர்க³꞉ ॥ 6 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.