Ayodhya Kanda Sarga 101 – அயோத்⁴யாகாண்ட³ ஏகாதி⁴கஶததம꞉ ஸர்க³꞉ (101)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ ஏகாதி⁴கஶததம꞉ ஸர்க³꞉ (101)

॥ பித்ருதி³ஷ்டாந்தஶ்ரவணம் ॥

ராமஸ்ய வசநம் ஶ்ருத்வா ப⁴ரத꞉ ப்ரத்யுவாச ஹ ।
கிம் மே த⁴ர்மாத்³விஹீநஸ்ய ராஜத⁴ர்ம꞉ கரிஷ்யதி ॥ 1 ॥

ஶாஶ்வதோ(அ)யம் ஸதா³ த⁴ர்ம꞉ ஸ்தி²தோ(அ)ஸ்மாஸு நரர்ஷப⁴ ।
ஜ்யேஷ்ட²புத்ரே ஸ்தி²தே ராஜந்ந கநீயாந் ந்ருபோ ப⁴வேத் ॥ 2 ॥

ஸ ஸம்ருத்³தா⁴ம் மயா ஸார்த⁴மயோத்⁴யாம் க³ச்ச² ராக⁴வ ।
அபி⁴ஷேசய சாத்மாநம் குலஸ்யாஸ்ய ப⁴வாய ந꞉ ॥ 3 ॥

ராஜாநம் மாநுஷம் ப்ராஹுர்தே³வத்வே ஸ மதோ மம ।
யஸ்ய த⁴ர்மார்த²ஸஹிதம் வ்ருத்தமாஹுரமாநுஷம் ॥ 4 ॥

கேகயஸ்தே² ச மயி து த்வயி சாரண்யமாஶ்ரிதே ।
தி³வமார்யோ க³தோ ராஜா யாயஜூக꞉ ஸதாம் மத꞉ ॥ 5 ॥

நிஷ்க்ராந்தமாத்ரே ப⁴வதி ஸஹஸீதே ஸலக்ஷ்மணே ।
து³꞉க²ஶோகாபி⁴பூ⁴தஸ்து ராஜா த்ரிதி³வமப்⁴யகா³த் ॥ 6 ॥

உத்திஷ்ட² புருஷவ்யாக்⁴ர க்ரியதாமுத³கம் பிது꞉ ।
அஹம் சாயம் ச ஶத்ருக்⁴ந꞉ பூர்வமேவ க்ருதோத³கௌ ॥ 7 ॥

ப்ரியேண க²லு த³த்தம் ஹி பித்ருலோகேஷு ராக⁴வ ।
அக்ஷய்யம் ப⁴வதீத்யாஹுர்ப⁴வாம்ஶ்சைவ பிது꞉ ப்ரிய꞉ ॥ 8 ॥

த்வாமேவ ஶோசம்ஸ்தவ த³ர்ஶநேப்ஸு꞉
த்வய்யேவ ஸக்தாமநிவர்த்ய பு³த்³தி⁴ம் ।
த்வயா விஹீநஸ்தவ ஶோகருக்³ண꞉
த்வாம் ஸம்ஸ்மரந்நஸ்தமித꞉ பிதா தே ॥ 9 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஏகாதி⁴கஶததம꞉ ஸர்க³꞉ ॥ 101 ॥

அயோத்⁴யாகாண்ட³ த்³வ்யதி⁴கஶததம꞉ ஸர்க³꞉ (102) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.