Aranya Kanda Sarga 63 – அரண்யகாண்ட³ த்ரிஷஷ்டிதம꞉ ஸர்க³꞉ (63)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த்ரிஷஷ்டிதம꞉ ஸர்க³꞉ (63)

॥ து³꞉கா²நுசிந்தநம் ॥

ஸ ராஜபுத்ர꞉ ப்ரியயா விஹீந꞉
காமேந ஶோகேந ச பீட்³யமாந꞉ ।
விஷாத³யந் ப்⁴ராதரமார்தரூபோ
பூ⁴யோ விஷாத³ம் ப்ரவிவேஶ தீவ்ரம் ॥ 1 ॥

ஸ லக்ஷ்மணம் ஶோகவஶாபி⁴பந்நம்
ஶோகே நிமக்³நோ விபுலே து ராம꞉ ।
உவாச வாக்யம் வ்யஸநாநுரூப-
-முஷ்ணம் விநி꞉ஶ்வஸ்ய ருத³ந் ஸஶோகம் ॥ 2 ॥

ந மத்³விதோ⁴ து³ஷ்க்ருதகர்மகாரீ
மந்யே த்³விதீயோ(அ)ஸ்தி வஸுந்த⁴ராயாம் ।
ஶோகேந ஶோகோ ஹி பரம்பராயா
மாமேதி பி⁴ந்த³ந் ஹ்ருத³யம் மநஶ்ச ॥ 3 ॥

பூர்வம் மயா நூநமபீ⁴ப்ஸிதாநி
பாபாநி கர்மாண்யஸக்ருத்க்ருதாநி ।
தத்ராயமத்³யாபதிதோ விபாகோ
து³꞉கே²ந து³꞉க²ம் யத³ஹம் விஶாமி ॥ 4 ॥

ராஜ்யப்ரணாஶ꞉ ஸ்வஜநைர்வியோக³꞉
பிதுர்விநாஶோ ஜநநீவியோக³꞉ ।
ஸர்வாணி மே லக்ஷ்மண ஶோகவேக³-
-மாபூரயந்தி ப்ரவிசிந்திதாநி ॥ 5 ॥

ஸர்வம் து து³꞉க²ம் மம லக்ஷ்மணேத³ம்
ஶாந்தம் ஶரீரே வநமேத்ய ஶூந்யம் ।
ஸீதாவியோகா³த் புநரப்யுதீ³ர்ணம்
காஷ்டை²ரிவாக்³நி꞉ ஸஹஸா ப்ரதீ³ப்த꞉ ॥ 6 ॥

ஸா நூநமார்யா மம ராக்ஷஸேந
ப³லாத்³த்⁴ருதா க²ம் ஸமுபேத்ய பீ⁴ரு꞉ ।
அபஸ்வரம் ஸஸ்வரவிப்ரளாபா
ப⁴யேந விக்ரந்தி³தவத்யபீ⁴க்ஷ்ணம் ॥ 7 ॥

தௌ லோஹிதஸ்ய ப்ரியத³ர்ஶநஸ்ய
ஸதோ³சிதாவுத்தமசந்த³நஸ்ய ।
வ்ருத்தௌ ஸ்தநௌ ஶோணிதபங்கதி³க்³தௌ⁴
நூநம் ப்ரியாயா மம நாபி⁴பா⁴த꞉ ॥ 8 ॥

தச்ச்²லக்ஷ்ணஸுவ்யக்தம்ருது³ப்ரளாபம்
தஸ்யா முக²ம் குஞ்சிதகேஶபா⁴ரம் ।
ரக்ஷோவஶம் நூநமுபாக³தாயா
ந ப்⁴ராஜதே ராஹுமுகே² யதே²ந்து³꞉ ॥ 9 ॥

தாம் ஹாரபாஶஸ்ய ஸதோ³சிதாயா
க்³ரீவாம் ப்ரியாயா மம ஸுவ்ரதாயா꞉ ।
ரக்ஷாம்ஸி நூநம் பரிபீதவந்தி
விபி⁴த்³ய ஶூந்யே ருதி⁴ராஶநாநி ॥ 10 ॥

மயா விஹீநா விஜநே வநே யா
ரக்ஷோபி⁴ராஹ்ருத்ய விக்ருஷ்யமாணா ।
நூநம் விநாத³ம் குரரீவ தீ³நா
ஸா முக்தவத்யாயதகாந்தநேத்ரா ॥ 11 ॥

அஸ்மிந் மயா ஸார்த⁴முதா³ரஶீலா
ஶிலாதலே பூர்வமுபோபவிஷ்டா ।
காந்தஸ்மிதா லக்ஷ்மண ஜாதஹாஸா
த்வாமாஹ ஸீதா ப³ஹுவாக்யஜாதம் ॥ 12 ॥

கோ³தா³வரீயம் ஸரிதாம் வரிஷ்டா²
ப்ரியா ப்ரியாயா மம நித்யகாலம் ।
அப்யத்ர க³ச்சே²தி³தி சிந்தயாமி
நைகாகிநீ யதி ஹி ஸா கதா³சித் ॥ 13 ॥

பத்³மாநநா பத்³மவிஶாலநேத்ரா
பத்³மாநி வாநேதுமபி⁴ப்ரயாதா ।
தத³ப்யயுக்தம் ந ஹி ஸா கதா³சி-
-ந்மயா விநா க³ச்ச²தி பங்கஜாநி ॥ 14 ॥

காமம் த்வித³ம் புஷ்பிதவ்ருக்ஷஷண்ட³ம்
நாநாவிதை⁴꞉ பக்ஷிக³ணைருபேதம் ।
வநம் ப்ரயாதா நு தத³ப்யயுக்த-
-மேகாகிநீ ஸா(அ)திபி³பே⁴தி பீ⁴ரு꞉ ॥ 15 ॥

ஆதி³த்ய போ⁴ லோகக்ருதாக்ருதஜ்ஞ
லோகஸ்ய ஸத்யாந்ருதகர்மஸாக்ஷிந் ।
மம ப்ரியா ஸா க்வ க³தா ஹ்ருதா வா
ஶம்ஸஸ்வ மே ஶோகவஶஸ்ய நித்யம் ॥ 16 ॥

லோகேஷு ஸர்வேஷு ச நாஸ்தி கிஞ்சி-
-த்³யத்தே ந நித்யம் விதி³தம் ப⁴வேத்தத் ।
ஶம்ஸஸ்வ வாயோ குலஶாலிநீம் தாம்
ஹ்ருதா ம்ருதா வா பதி² வர்ததே வா ॥ 17 ॥

இதீவ தம் ஶோகவிதே⁴யதே³ஹம்
ராமம் விஸஞ்ஜ்ஞம் விளபந்தமேவம் ।
உவாச ஸௌமித்ரிரதீ³நஸத்த்வோ
ந்யாயே ஸ்தி²த꞉ காலயுதம் ச வாக்யம் ॥ 18 ॥

ஶோகம் விமுஞ்சார்ய த்⁴ருதிம் ப⁴ஜஸ்வ
ஸோத்ஸாஹதா சாஸ்து விமார்க³ணே(அ)ஸ்யா꞉ ।
உத்ஸாஹவந்தோ ஹி நரா ந லோகே
ஸீத³ந்தி கர்மஸ்வதிது³ஷ்கரேஷு ॥ 19 ॥

இதீவ ஸௌமித்ரிமுத³க்³ரபௌருஷம்
ப்³ருவந்தமார்தோ ரகு⁴வம்ஶவர்த⁴ந꞉ ।
ந சிந்தயாமாஸ த்⁴ருதிம் விமுக்தவாந்
புநஶ்ச து³꞉க²ம் மஹத³ப்⁴யுபாக³மத் ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்ரிஷஷ்டிதம꞉ ஸர்க³꞉ ॥ 63 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.