Aranya Kanda Sarga 48 – அரண்யகாண்ட³ அஷ்டசத்வாரிம்ஶ꞉ ஸர்க³꞉ (48)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ அஷ்டசத்வாரிம்ஶ꞉ ஸர்க³꞉ (48)

॥ ராவணவிகத்த²நம் ॥

ஏவம் ப்³ருவந்த்யாம் ஸீதாயாம் ஸம்ரப்³த⁴꞉ பருஷம் வச꞉ ।
லலாடே ப்⁴ருகுடீம் க்ருத்வா ராவண꞉ ப்ரத்யுவாச ஹ ॥ 1 ॥

ப்⁴ராதா வைஶ்ரவணஸ்யாஹம் ஸாபத்ந்யோ வரவர்ணிநி ।
ராவணோ நாம ப⁴த்³ரம் தே த³ஶக்³ரீவ꞉ ப்ரதாபவாந் ॥ 2 ॥

யஸ்ய தே³வா꞉ ஸ க³ந்த⁴ர்வா꞉ பிஶாசபதகோ³ரகா³꞉ ।
வித்³ரவந்தி ப⁴யாத்³பீ⁴தா ம்ருத்யோரிவ ஸதா³ ப்ரஜா꞉ ॥ 3 ॥

யேந வைஶ்ரவணோ ராஜா த்³வைமாத்ர꞉ காரணாந்தரே ।
த்³வந்த்³வமாஸாதி³த꞉ க்ரோதா⁴த்³ரணே விக்ரம்ய நிர்ஜித꞉ ॥ 4 ॥

யத்³ப⁴யார்த꞉ பரித்யஜ்ய ஸ்வமதி⁴ஷ்டா²நம்ருத்³தி⁴மத் ।
கைலாஸம் பர்வதஶ்ரேஷ்ட²மத்⁴யாஸ்தே நரவாஹந꞉ ॥ 5 ॥

யஸ்ய தத்புஷ்பகம் நாம விமாநம் காமக³ம் ஶுப⁴ம் ।
வீர்யாதே³வார்ஜிதம் ப⁴த்³ரே யேந யாமி விஹாயஸம் ॥ 6 ॥

மம ஸஞ்ஜாதரோஷஸ்ய முக²ம் த்³ருஷ்ட்வைவ மைதி²லி ।
வித்³ரவந்தி பரித்ரஸ்தா꞉ ஸுரா꞉ ஶக்ரபுரோக³மா꞉ ॥ 7 ॥

யத்ர திஷ்டா²ம்யஹம் தத்ர மாருதோ வாதி ஶங்கித꞉ ।
தீவ்ராம்ஶு꞉ ஶிஶிராம்ஶுஶ்ச ப⁴யாத்ஸம்பத்³யதே ரவி꞉ ॥ 8 ॥

நிஷ்கம்பபத்ராஸ்தரவோ நத்³யஶ்ச ஸ்திமிதோத³கா꞉ ।
ப⁴வந்தி யத்ர யத்ராஹம் திஷ்டா²மி விசராமி ச ॥ 9 ॥

மம பாரே ஸமுத்³ரஸ்ய லங்கா நாம புரீ ஶுபா⁴ ।
ஸம்பூர்ணா ராக்ஷஸைர்கோ⁴ரைர்யதே²ந்த்³ரஸ்யாமராவதீ ॥ 10 ॥

ப்ராகாரேண பரிக்ஷிப்தா பாண்டு³ரேண விராஜதா ।
ஹேமகக்ஷ்யா புரீ ரம்யா வைடூ³ர்யமயதோரணா ॥ 11 ॥

ஹஸ்த்யஶ்வரத²ஸம்பா³தா⁴ தூர்யநாத³விநாதி³தா ।
ஸர்வகாலப²லைர்வ்ருக்ஷை꞉ ஸங்குலோத்³யாநஶோபி⁴தா ॥ 12 ॥

தத்ர த்வம் வஸதீ ஸீதே ராஜபுத்ரி மயா ஸஹ ।
ந ஸ்மரிஷ்யஸி நாரீணாம் மாநுஷீணாம் மநஸ்விநீ ॥ 13 ॥

பு⁴ஞ்ஜாநா மாநுஷாந் போ⁴கா³ந் தி³வ்யாம்ஶ்ச வரவர்ணிநி ।
ந ஸ்மரிஷ்யஸி ராமஸ்ய மாநுஷஸ்ய க³தாயுஷ꞉ ॥ 14 ॥

ஸ்தா²பயித்வா ப்ரியம் புத்ரம் ராஜ்யே த³ஶரதே²ந ய꞉ ।
மந்த³வீர்ய꞉ ஸுதோ ஜ்யேஷ்ட²ஸ்தத꞉ ப்ரஸ்தா²பிதோ ஹ்யயம் ॥ 15 ॥

தேந கிம் ப்⁴ரஷ்டராஜ்யேந ராமேண க³தசேதஸா ।
கரிஷ்யஸி விஶாலாக்ஷி தாபஸேந தபஸ்விநா ॥ 16 ॥

ஸர்வராக்ஷஸப⁴ர்தாரம் காமாத்ஸ்வயமிஹாக³தம் ।
ந மந்மத²ஶராவிஷ்டம் ப்ரத்யாக்²யாதும் த்வமர்ஹஸி ॥ 17 ॥

ப்ரத்யாக்²யாய ஹி மாம் பீ⁴ரு பரிதாபம் க³மிஷ்யஸி ।
சரணேநாபி⁴ஹத்யேவ புரூரவஸமுர்வஶீ ॥ 18 ॥

அங்கு³ல்யா ந ஸமோ ராமோ மம யுத்³தே⁴ ஸ மாநுஷ꞉ ।
தவ பா⁴க்³யேந ஸம்ப்ராப்தம் ப⁴ஜஸ்வ வரவர்ணிநி ॥ 19 ॥

ஏவமுக்தா து வைதே³ஹீ க்ருத்³தா⁴ ஸம்ரக்தலோசநா ।
அப்³ரவீத்பருஷம் வாக்யம் ரஹிதே ராக்ஷஸாதி⁴பம் ॥ 20 ॥

கத²ம் வைஶ்ரவணம் தே³வம் ஸர்வபூ⁴தநமஸ்க்ருதம் ।
ப்⁴ராதரம் வ்யபதி³ஶ்ய த்வமஶுப⁴ம் கர்துமிச்ச²ஸி ॥ 21 ॥

அவஶ்யம் விநஶிஷ்யந்தி ஸர்வே ராவண ராக்ஷஸா꞉ ।
யேஷாம் த்வம் கர்கஶோ ராஜா து³ர்பு³த்³தி⁴ரஜிதேந்த்³ரிய꞉ ॥ 22 ॥

அபஹ்ருத்ய ஶசீம் பா⁴ர்யாம் ஶக்யமிந்த்³ரஸ்ய ஜீவிதும் ।
ந ச ராமஸ்ய பா⁴ர்யாம் மாமபநீயாஸ்தி ஜீவிதம் ॥ 23 ॥

ஜீவேச்சிரம் வஜ்ரத⁴ரஸ்ய ஹஸ்தா-
-ச்ச²சீம் ப்ரத்⁴ருஷ்யாப்ரதிரூபரூபாம் ।
ந மாத்³ருஶீம் ராக்ஷஸ தூ³ஷயித்வா
பீதாம்ருதஸ்யாபி தவாஸ்தி மோக்ஷ꞉ ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ அஷ்டசத்வாரிம்ஶ꞉ ஸர்க³꞉ ॥ 48 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.