Read in తెలుగు / ಕನ್ನಡ / தமிழ் / देवनागरी / English (IAST)
ಶ್ರೀದೇವ್ಯುವಾಚ |
ಕೈಲಾಸವಾಸಿನ್ ಭಗವನ್ ಪ್ರಾಣೇಶ್ವರ ಕೃಪಾನಿಧೇ |
ಭಕ್ತವತ್ಸಲ ಭೈರವ್ಯಾ ನಾಮ್ನಾಮಷ್ಟೋತ್ತರಂ ಶತಮ್ || ೧ ||
ನ ಶ್ರುತಂ ದೇವದೇವೇಶ ವದ ಮಾಂ ದೀನವತ್ಸಲ |
ಶ್ರೀಶಿವ ಉವಾಚ |
ಶೃಣು ಪ್ರಿಯೇ ಮಹಾಗೋಪ್ಯಂ ನಾಮ್ನಾಮಷ್ಟೋತ್ತರಂ ಶತಮ್ || ೨ ||
ಭೈರವ್ಯಾಶ್ಶುಭದಂ ಸೇವ್ಯಂ ಸರ್ವಸಂಪತ್ಪ್ರದಾಯಕಮ್ |
ಯಸ್ಯಾನುಷ್ಠಾನಮಾತ್ರೇಣ ಕಿಂ ನ ಸಿದ್ಧ್ಯತಿ ಭೂತಲೇ || ೩ ||
ಓಂ ಭೈರವೀ ಭೈರವಾರಾಧ್ಯಾ ಭೂತಿದಾ ಭೂತಭಾವನಾ |
ಆರ್ಯಾ ಬ್ರಾಹ್ಮೀ ಕಾಮಧೇನುಸ್ಸರ್ವಸಂಪತ್ಪ್ರದಾಯಿನೀ || ೪ ||
ತ್ರೈಲೋಕ್ಯವಂದಿತಾ ದೇವೀ ಮಹಿಷಾಸುರಮರ್ದಿನೀ |
ಮೋಹಘ್ನೀ ಮಾಲತೀ ಮಾಲಾ ಮಹಾಪಾತಕನಾಶಿನೀ || ೫ ||
ಕ್ರೋಧಿನೀ ಕ್ರೋಧನಿಲಯಾ ಕ್ರೋಧರಕ್ತೇಕ್ಷಣಾ ಕುಹೂಃ |
ತ್ರಿಪುರಾ ತ್ರಿಪುರಾಧಾರಾ ತ್ರಿನೇತ್ರಾ ಭೀಮಭೈರವೀ || ೬ ||
ದೇವಕೀ ದೇವಮಾತಾ ಚ ದೇವದುಷ್ಟವಿನಾಶಿನೀ |
ದಾಮೋದರಪ್ರಿಯಾ ದೀರ್ಘಾ ದುರ್ಗಾ ದುರ್ಗತಿನಾಶಿನೀ || ೭ ||
ಲಂಬೋದರೀ ಲಂಬಕರ್ಣಾ ಪ್ರಲಂಬಿತಪಯೋಧರಾ |
ಪ್ರತ್ಯಂಗಿರಾ ಪ್ರತಿಪದಾ ಪ್ರಣತಕ್ಲೇಶನಾಶಿನೀ || ೮ ||
ಪ್ರಭಾವತೀ ಗುಣವತೀ ಗಣಮಾತಾ ಗುಹೇಶ್ವರೀ |
ಕ್ಷೀರಾಬ್ಧಿತನಯಾ ಕ್ಷೇಮ್ಯಾ ಜಗತ್ತ್ರಾಣವಿಧಾಯಿನೀ || ೯ ||
ಮಹಾಮಾರೀ ಮಹಾಮೋಹಾ ಮಹಾಕ್ರೋಧಾ ಮಹಾನದೀ |
ಮಹಾಪಾತಕಸಂಹರ್ತ್ರೀ ಮಹಾಮೋಹಪ್ರದಾಯಿನೀ || ೧೦ ||
ವಿಕರಾಳಾ ಮಹಾಕಾಲಾ ಕಾಲರೂಪಾ ಕಳಾವತೀ |
ಕಪಾಲಖಟ್ವಾಂಗಧರಾ ಖಡ್ಗಖರ್ಪರಧಾರಿಣೀ || ೧೧ ||
ಕುಮಾರೀ ಕುಂಕುಮಪ್ರೀತಾ ಕುಂಕುಮಾರುಣರಂಜಿತಾ |
ಕೌಮೋದಕೀ ಕುಮುದಿನೀ ಕೀರ್ತ್ಯಾ ಕೀರ್ತಿಪ್ರದಾಯಿನೀ || ೧೨ ||
ನವೀನಾ ನೀರದಾ ನಿತ್ಯಾ ನಂದಿಕೇಶ್ವರಪಾಲಿನೀ |
ಘರ್ಘರಾ ಘರ್ಘರಾರಾವಾ ಘೋರಾ ಘೋರಸ್ವರೂಪಿಣೀ || ೧೩ ||
ಕಲಿಘ್ನೀ ಕಲಿಧರ್ಮಘ್ನೀ ಕಲಿಕೌತುಕನಾಶಿನೀ |
ಕಿಶೋರೀ ಕೇಶವಪ್ರೀತಾ ಕ್ಲೇಶಸಂಘನಿವಾರಿಣೀ || ೧೪ ||
ಮಹೋನ್ಮತ್ತಾ ಮಹಾಮತ್ತಾ ಮಹಾವಿದ್ಯಾ ಮಹೀಮಯೀ |
ಮಹಾಯಜ್ಞಾ ಮಹಾವಾಣೀ ಮಹಾಮಂದರಧಾರಿಣೀ || ೧೫ ||
ಮೋಕ್ಷದಾ ಮೋಹದಾ ಮೋಹಾ ಭುಕ್ತಿಮುಕ್ತಿಪ್ರದಾಯಿನೀ |
ಅಟ್ಟಾಟ್ಟಹಾಸನಿರತಾ ಕ್ವಣನ್ನೂಪುರಧಾರಿಣೀ || ೧೬ ||
ದೀರ್ಘದಂಷ್ಟ್ರಾ ದೀರ್ಘಮುಖೀ ದೀರ್ಘಘೋಣಾ ಚ ದೀರ್ಘಿಕಾ |
ದನುಜಾಂತಕರೀ ದುಷ್ಟಾ ದುಃಖದಾರಿದ್ರ್ಯಭಂಜಿನೀ || ೧೭ ||
ದುರಾಚಾರಾ ಚ ದೋಷಘ್ನೀ ದಮಪತ್ನೀ ದಯಾಪರಾ |
ಮನೋಭವಾ ಮನುಮಯೀ ಮನುವಂಶಪ್ರವರ್ಧಿನೀ || ೧೮ ||
ಶ್ಯಾಮಾ ಶ್ಯಾಮತನುಶ್ಶೋಭಾ ಸೌಮ್ಯಾ ಶಂಭುವಿಲಾಸಿನೀ |
ಇತಿ ತೇ ಕಥಿತಂ ದಿವ್ಯಂ ನಾಮ್ನಾಮಷ್ಟೋತ್ತರಂ ಶತಮ್ || ೧೯ ||
ಭೈರವ್ಯಾ ದೇವದೇವೇಶ್ಯಾಸ್ತವ ಪ್ರೀತ್ಯೈ ಸುರೇಶ್ವರಿ |
ಅಪ್ರಕಾಶ್ಯಮಿದಂ ಗೋಪ್ಯಂ ಪಠನೀಯಂ ಪ್ರಯತ್ನತಃ || ೨೦ ||
ದೇವೀಂ ಧ್ಯಾತ್ವಾ ಸುರಾಂ ಪೀತ್ವಾ ಮಕಾರೈಃ ಪಂಚಕೈಃ ಪ್ರಿಯೇ |
ಪೂಜಯೇತ್ಸತತಂ ಭಕ್ತ್ಯಾ ಪಠೇತ್ ಸ್ತೋತ್ರಮಿದಂ ಶುಭಮ್ || ೨೧ ||
ಷಣ್ಮಾಸಾಭ್ಯಂತರೇ ಸೋಽಪಿ ಗಣನಾಥಸಮೋ ಭವೇತ್ |
ಕಿಮತ್ರ ಬಹುನೋಕ್ತೇನ ತ್ವದಗ್ರೇ ಪ್ರಾಣವಲ್ಲಭೇ || ೨೨ ||
ಸರ್ವಂ ಜಾನಾಸಿ ಸರ್ವಜ್ಞೇ ಪುನರ್ಮಾಂ ಪರಿಪೃಚ್ಛಸಿ |
ನ ದೇಯಂ ಪರಶಿಷ್ಯೇಭ್ಯೋ ನಿಂದಕೇಭ್ಯೋ ವಿಶೇಷತಃ || ೨೩ ||
ಇತಿ ಶ್ರೀತ್ರಿಪುರಭೈರವೀ ಅಷ್ಟೋತ್ತರಶತನಾಮಸ್ತೋತ್ರಮ್ |
ಇನ್ನಷ್ಟು ದಶಮಹಾವಿದ್ಯಾ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.