Read in తెలుగు / ಕನ್ನಡ / தமிழ் / देवनागरी / English (IAST)
ಜಯ ಕಾಮೇಶಿ ಚಾಮುಂಡೇ ಜಯ ಭೂತಾಪಹಾರಿಣಿ |
ಜಯ ಸರ್ವಗತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೧ ||
ವಿಶ್ವಮೂರ್ತೇ ಶುಭೇ ಶುದ್ಧೇ ವಿರೂಪಾಕ್ಷಿ ತ್ರಿಲೋಚನೇ |
ಭೀಮರೂಪೇ ಶಿವೇ ವಿದ್ಯೇ ಕಾಮೇಶ್ವರಿ ನಮೋಽಸ್ತು ತೇ || ೨ ||
ಮಾಲಾಜಯೇ ಜಯೇ ಜಂಭೇ ಭೂತಾಕ್ಷಿ ಕ್ಷುಭಿತೇಽಕ್ಷಯೇ |
ಮಹಾಮಾಯೇ ಮಹೇಶಾನಿ ಕಾಮೇಶ್ವರಿ ನಮೋಽಸ್ತು ತೇ || ೩ ||
ಭೀಮಾಕ್ಷಿ ಭೀಷಣೇ ದೇವಿ ಸರ್ವಭೂತಕ್ಷಯಂಕರಿ |
ಕಾಲಿ ಚ ವಿಕರಾಲಿ ಚ ಕಾಮೇಶ್ವರಿ ನಮೋಽಸ್ತು ತೇ || ೩ ||
ಕಾಲಿ ಕರಾಲವಿಕ್ರಾಂತೇ ಕಾಮೇಶ್ವರಿ ಹರಪ್ರಿಯೇ |
ಸರ್ವಶಾಸ್ತ್ರಸಾರಭೂತೇ ಕಾಮೇಶ್ವರಿ ನಮೋಽಸ್ತು ತೇ || ೪ ||
ಕಾಮರೂಪಪ್ರದೀಪೇ ಚ ನೀಲಕೂಟನಿವಾಸಿನಿ |
ನಿಶುಂಭಶುಂಭಮಥನಿ ಕಾಮೇಶ್ವರಿ ನಮೋಽಸ್ತು ತೇ || ೫ ||
ಕಾಮಾಖ್ಯೇ ಕಾಮರೂಪಸ್ಥೇ ಕಾಮೇಶ್ವರಿ ಹರಿಪ್ರಿಯೇ |
ಕಾಮನಾಂ ದೇಹಿ ಮೇ ನಿತ್ಯಂ ಕಾಮೇಶ್ವರಿ ನಮೋಽಸ್ತು ತೇ || ೬ ||
ವಪಾನಾಢ್ಯಮಹಾವಕ್ತ್ರೇ ತಥಾ ತ್ರಿಭುವನೇಶ್ವರಿ |
ಮಹಿಷಾಸುರವಧೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೭ ||
ಛಾಗತುಷ್ಟೇ ಮಹಾಭೀಮೇ ಕಾಮಾಖ್ಯೇ ಸುರವಂದಿತೇ |
ಜಯ ಕಾಮಪ್ರದೇ ತುಷ್ಟೇ ಕಾಮೇಶ್ವರಿ ನಮೋಽಸ್ತು ತೇ || ೮ ||
ಭ್ರಷ್ಟರಾಜ್ಯೋ ಯದಾ ರಾಜಾ ನವಮ್ಯಾಂ ನಿಯತಃ ಶುಚಿಃ |
ಅಷ್ಟಮ್ಯಾಂ ಚ ಚತುರ್ದಶ್ಯಾಮುಪವಾಸೀ ನರೋತ್ತಮಃ || ೯ ||
ಸಂವತ್ಸರೇಣ ಲಭತೇ ರಾಜ್ಯಂ ನಿಷ್ಕಂಟಕಂ ಪುನಃ |
ಯ ಇದಂ ಶೃಣುಯಾದ್ಭಕ್ತ್ಯಾ ತವ ದೇವಿ ಸಮುದ್ಭವಮ್ |
ಸರ್ವಪಾಪವಿನಿರ್ಮುಕ್ತಃ ಪರಂ ನಿರ್ವಾಣಮೃಚ್ಛತಿ || ೧೦ ||
ಶ್ರೀಕಾಮರೂಪೇಶ್ವರಿ ಭಾಸ್ಕರಪ್ರಭೇ
ಪ್ರಕಾಶಿತಾಂಭೋಜನಿಭಾಯತಾನನೇ |
ಸುರಾರಿರಕ್ಷಃಸ್ತುತಿಪಾತನೋತ್ಸುಕೇ
ತ್ರಯೀಮಯೇ ದೇವನುತೇ ನಮಾಮಿ || ೧೧ ||
ಸಿತಾಸಿತೇ ರಕ್ತಪಿಶಂಗವಿಗ್ರಹೇ
ರೂಪಾಣಿ ಯಸ್ಯಾಃ ಪ್ರತಿಭಾಂತಿ ತಾನಿ |
ವಿಕಾರರೂಪಾ ಚ ವಿಕಲ್ಪಿತಾನಿ
ಶುಭಾಶುಭಾನಾಮಪಿ ತಾಂ ನಮಾಮಿ || ೧೨ ||
ಕಾಮರೂಪಸಮುದ್ಭೂತೇ ಕಾಮಪೀಠಾವತಂಸಕೇ |
ವಿಶ್ವಾಧಾರೇ ಮಹಾಮಾಯೇ ಕಾಮೇಶ್ವರಿ ನಮೋಽಸ್ತು ತೇ || ೧೩ ||
ಅವ್ಯಕ್ತವಿಗ್ರಹೇ ಶಾಂತೇ ಸಂತತೇ ಕಾಮರೂಪಿಣಿ |
ಕಾಲಗಮ್ಯೇ ಪರೇ ಶಾಂತೇ ಕಾಮೇಶ್ವರಿ ನಮೋಽಸ್ತು ತೇ || ೧೪ ||
ಯಾ ಸುಷುಮ್ನಾಂತರಾಲಸ್ಥಾ ಚಿಂತ್ಯತೇ ಜ್ಯೋತಿರೂಪಿಣೀ |
ಪ್ರಣತೋಽಸ್ಮಿ ಪರಾಂ ವೀರಾಂ ಕಾಮೇಶ್ವರಿ ನಮೋಽಸ್ತು ತೇ || ೧೫ ||
ದಂಷ್ಟ್ರಾಕರಾಲವದನೇ ಮುಂಡಮಾಲೋಪಶೋಭಿತೇ |
ಸರ್ವತಃ ಸರ್ವಗೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೧೬ ||
ಚಾಮುಂಡೇ ಚ ಮಹಾಕಾಲಿ ಕಾಲಿ ಕಪಾಲಹಾರಿಣೀ |
ಪಾಶಹಸ್ತೇ ದಂಡಹಸ್ತೇ ಕಾಮೇಶ್ವರಿ ನಮೋಽಸ್ತು ತೇ || ೧೭ ||
ಚಾಮುಂಡೇ ಕುಲಮಾಲಾಸ್ಯೇ ತೀಕ್ಷ್ಣದಂಷ್ಟ್ರೇ ಮಹಾಬಲೇ |
ಶವಯಾನಸ್ಥಿತೇ ದೇವಿ ಕಾಮೇಶ್ವರಿ ನಮೋಽಸ್ತು ತೇ || ೧೮ ||
ಇತಿ ಶ್ರೀ ಕಾಮಾಖ್ಯಾ ಸ್ತೋತ್ರಮ್ |
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.