Read in తెలుగు / ಕನ್ನಡ / தமிழ் / देवनागरी / English (IAST)
ಮಾಣಿಕ್ಯಾಂಚಿತಭೂಷಣಾಂ ಮಣಿರವಾಂ ಮಾಹೇಂದ್ರನೀಲೋಜ್ಜ್ವಲಾಂ
ಮಂದಾರದ್ರುಮಮಾಲ್ಯಭೂಷಿತಕುಚಾಂ ಮತ್ತೇಭಕುಂಭಸ್ತನೀಮ್ |
ಮೌನಿಸ್ತೋಮನುತಾಂ ಮರಾಳಗಮನಾಂ ಮಾಧ್ವೀರಸಾನಂದಿನೀಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೧ ||
ಶ್ಯಾಮಾಂ ರಾಜನಿಭಾನನಾಂ ರತಿಹಿತಾಂ ರಾಜೀವಪತ್ರೇಕ್ಷಣಾಂ
ರಾಜತ್ಕಾಂಚನರತ್ನಭೂಷಣಯುತಾಂ ರಾಜ್ಯಪ್ರದಾನೇಶ್ವರೀಮ್ |
ರಕ್ಷೋಗರ್ವನಿವಾರಣಾಂ ತ್ರಿಜಗತಾಂ ರಕ್ಷೈಕಚಿಂತಾಮಣಿಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೨ ||
ಕಲ್ಯಾಣೀಂ ಕರಿಕುಂಭಭಾಸುರಕುಚಾಂ ಕಾಮೇಶ್ವರೀಂ ಕಾಮಿನೀಂ
ಕಲ್ಯಾಣಾಚಲವಾಸಿನೀಂ ಕಲರವಾಂ ಕಂದರ್ಪವಿದ್ಯಾಕಲಾಮ್ |
ಕಂಜಾಕ್ಷೀಂ ಕಲಬಿಂದುಕಲ್ಪಲತಿಕಾಂ ಕಾಮಾರಿಚಿತ್ತಪ್ರಿಯಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೩ ||
ಭಾವಾತೀತಮನಃಪ್ರಭಾವಭರಿತಾಂ ಬ್ರಹ್ಮಾಂಡಭಾಂಡೋದರೀಂ
ಬಾಲಾಂ ಬಾಲಕುರಂಗನೇತ್ರಯುಗಳಾಂ ಭಾನುಪ್ರಭಾಭಾಸಿತಾಮ್ |
ಭಾಸ್ವತ್ಕ್ಷೇತ್ರರುಚಾಭಿರಾಮನಿಲಯಾಂ ಭವ್ಯಾಂ ಭವಾನೀಂ ಶಿವಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೪ ||
ವೀಣಾಗಾನವಿನೋದಿನೀಂ ವಿಜಯಿನೀಂ ವೇತಂಡಕುಂಭಸ್ತನೀಂ
ವಿದ್ವದ್ವಂದಿತಪಾದಪದ್ಮಯುಗಳಾಂ ವಿದ್ಯಾಪ್ರದಾಂ ಶಾಂಕರೀಮ್ |
ವಿದ್ವೇಷಿಣ್ಯಭಿರಂಜಿನೀಂ ಸ್ತುತಿವಿಭಾಂ ವೇದಾಂತವೇದ್ಯಾಂ ಶಿವಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೫ ||
ನಾನಾಭೂಷಿತಭೂಷಣಾದಿವಿಮಲಾಂ ಲಾವಣ್ಯಪಾಥೋನಿಧಿಂ
ಕಾಂಚೀಚಂಚಲಘಂಟಿಕಾಕಲರವಾಂ ಕಂಜಾತಪತ್ರೇಕ್ಷಣಾಮ್ |
ಕರ್ಪೂರಾಗರುಕುಂಕುಮಾಂಕಿತಕುಚಾಂ ಕೈಲಾಸನಾಥಪ್ರಿಯಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೬ ||
ಮಂಜೀರಾಂಚಿತಪಾದಪದ್ಮಯುಗಳಾಂ ಮಾಣಿಕ್ಯಭೂಷಾನ್ವಿತಾಂ
ಮಂದಾರದ್ರುಮಮಂಜರೀಮಧುಝರೀಮಾಧುರ್ಯಖೇಲದ್ಗಿರಾಮ್ |
ಮಾತಂಗೀಂ ಮಧುರಾಲಸಾಂ ಕರಶುಕಾಂ ನೀಲಾಲಕಾಲಂಕೃತಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೭ ||
ಕರ್ಣಾಲಂಬಿತಹೇಮಕುಂಡಲಯುಗಾಂ ಕಾದಂಬವೇಣೀಮುಮಾಂ
ಅಂಭೋಜಾಸನವಾಸವಾದಿವಿನುತಾಮರ್ಧೇಂದುಭೂಷೋಜ್ಜ್ವಲಾಮ್ |
ಕಸ್ತೂರೀತಿಲಕಾಭಿರಾಮನಿಟಿಲಾಂ ಗಾನಪ್ರಿಯಾಂ ಶ್ಯಾಮಲಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೮ ||
ಕೌಮಾರೀಂ ನವಪಲ್ಲವಾಂಘ್ರಿಯುಗಳಾಂ ಕರ್ಪೂರಭಾಸೋಜ್ಜ್ವಲಾಂ
ಗಂಗಾವರ್ತಸಮಾನನಾಭಿಕುಹರಾಂ ಗಾಂಗೇಯಭೂಷಾನ್ವಿತಾಮ್ |
ಚಂದ್ರಾರ್ಕಾನಲಕೋಟಿಕೋಟಿಸದೃಶಾಂ ಚಂದ್ರಾರ್ಕಬಿಂಬಾನನಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೯ ||
ಬಾಲಾದಿತ್ಯನಿಭಾನನಾಂ ತ್ರಿನಯನಾಂ ಬಾಲೇಂದುನಾ ಭೂಷಿತಾಂ
ನೀಲಾಕಾರಸುಕೇಶಿನೀ ವಿಲಸಿತಾಂ ನಿತ್ಯಾನ್ನದಾನಪ್ರದಾಮ್ |
ಶಂಖಂ ಚಕ್ರವರಾಭಯಂ ಚ ದಧತೀಂ ಸಾರಸ್ವತಾರ್ಥಪ್ರದಾಂ
ಧ್ಯಾಯೇ ಚೇತಸಿ ಕಾಳಹಸ್ತಿನಿಲಯಾಂ ಜ್ಞಾನಪ್ರಸೂನಾಂಬಿಕಾಮ್ || ೧೦ ||
ಇತಿ ಶ್ರೀ ಜ್ಞಾನಪ್ರಸೂನಾಂಬಿಕಾ ಸ್ತೋತ್ರಮ್ ||
ಇನ್ನಷ್ಟು ದೇವೀ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.