Read in తెలుగు / ಕನ್ನಡ / தமிழ் / देवनागरी / English (IAST)
ಅನಸೂಯಾತ್ರಿಸಂಭೂತೋ ದತ್ತಾತ್ರೇಯೋ ದಿಗಂಬರಃ |
ಸ್ಮರ್ತೃಗಾಮೀ ಸ್ವಭಕ್ತಾನಾಮುದ್ಧರ್ತಾ ಭವ ಸಂಕಟಾತ್ || ೧ ||
ದರಿದ್ರವಿಪ್ರಗೇಹೇ ಯಃ ಶಾಕಂ ಭುಕ್ತ್ವೋತ್ತಮಶ್ರಿಯಮ್ |
ದದೌ ಶ್ರೀದತ್ತದೇವಃ ಸ ದಾರಿದ್ರ್ಯಾಚ್ಛ್ರೀಪ್ರದೋಽವತು || ೨ ||
ದೂರೀಕೃತ್ಯ ಪಿಶಾಚಾರ್ತಿಂ ಜೀವಯಿತ್ವಾ ಮೃತಂ ಸುತಮ್ |
ಯೋಽಭೂದಭೀಷ್ಟದಃ ಪಾತು ಸ ನಃ ಸಂತಾನವೃದ್ಧಿಕೃತ್ || ೩ ||
ಜೀವಯಾಮಾಸ ಭರ್ತಾರಂ ಮೃತಂ ಸತ್ಯಾ ಹಿ ಮೃತ್ಯುಹಾ |
ಮೃತ್ಯುಂಜಯಃ ಸ ಯೋಗೀಂದ್ರಃ ಸೌಭಾಗ್ಯಂ ಮೇ ಪ್ರಯಚ್ಛತು || ೪ ||
ಅತ್ರೇರಾತ್ಮಪ್ರದಾನೇನ ಯೋ ಮುಕ್ತೋ ಭಗವಾನ್ ಋಣಾತ್ |
ದತ್ತಾತ್ರೇಯಂ ತಮೀಶಾನಂ ನಮಾಮಿ ಋಣಮುಕ್ತಯೇ || ೫ ||
ಜಪೇಚ್ಛ್ಲೋಕಮಿಮಂ ದೇವಪಿತ್ರರ್ಷಿಪುನ್ನೃಣಾಪಹಮ್ |
ಸೋಽನೃಣೋ ದತ್ತಕೃಪಯಾ ಪರಂಬ್ರಹ್ಮಾಧಿಗಚ್ಛತಿ || ೬ ||
ಅತ್ರಿಪುತ್ರೋ ಮಹಾತೇಜೋ ದತ್ತಾತ್ರೇಯೋ ಮಹಾಮುನಿಃ |
ತಸ್ಯ ಸ್ಮರಣಮಾತ್ರೇಣ ಸರ್ವಪಾಪೈಃ ಪ್ರಮುಚ್ಯತೇ || ೭ ||
ನಮಸ್ತೇ ಭಗವನ್ ದೇವ ದತ್ತಾತ್ರೇಯ ಜಗತ್ಪ್ರಭೋ |
ಸರ್ವಬಾಧಾಪ್ರಶಮನಂ ಕುರು ಶಾಂತಿಂ ಪ್ರಯಚ್ಛ ಮೇ || ೮ ||
ಅನಸೂಯಾಸುತ ಶ್ರೀಶ ಜನಪಾತಕನಾಶನ |
ದಿಗಂಬರ ನಮೋ ನಿತ್ಯಂ ತುಭ್ಯಂ ಮೇ ವರದೋ ಭವ || ೯ ||
ಶ್ರೀವಿಷ್ಣೋರವತಾರೋಽಯಂ ದತ್ತಾತ್ರೇಯೋ ದಿಗಂಬರಃ |
ಮಾಲಾಕಮಂಡಲೂಚ್ಛೂಲಡಮರೂಶಂಖಚಕ್ರಧೃಕ್ || ೧೦ ||
ನಮಸ್ತೇ ಶಾರದೇ ದೇವಿ ಸರಸ್ವತಿ ಮತಿಪ್ರದೇ |
ವಸ ತ್ವಂ ಮಮ ಜಿಹ್ವಾಗ್ರೇ ಸರ್ವವಿದ್ಯಾಪ್ರದಾ ಭವ || ೧೧ ||
ದತ್ತಾತ್ರೇಯಂ ಪ್ರಪದ್ಯೇ ಶರಣಮನುದಿನಂ ದೀನಬಂಧುಂ ಮುಕುಂದಂ
ನೈರ್ಗುಣ್ಯೇ ಸನ್ನಿವಿಷ್ಟಂ ಪಥಿ ಪರಮಪದಂ ಬೋಧಯಂತಂ ಮುನೀನಾಮ್ |
ಭಸ್ಮಾಭ್ಯಂಗಂ ಜಟಾಭಿಃ ಸುಲಲಿತಮುಕುಟಂ ದಿಕ್ಪಟಂ ದಿವ್ಯರೂಪಂ
ಸಹ್ಯಾದ್ರೌ ನಿತ್ಯವಾಸಂ ಪ್ರಮುದಿತಮಮಲಂ ಸದ್ಗುರುಂ ಚಾರುಶೀಲಮ್ || ೧೨ ||
ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀ ದತ್ತಾತ್ರೇಯ ಮಂತ್ರಾತ್ಮಕ ಶ್ಲೋಕಾಃ |
ಇನ್ನಷ್ಟು ಶ್ರೀ ದತ್ತತ್ರೇಯ ಸ್ತೋತ್ರಗಳು ನೋಡಿ.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.