Read in తెలుగు / ಕನ್ನಡ / தமிழ் / देवनागरी / English (IAST)
ಅಸ್ಯ ಶ್ರೀಬಗಳಾಮುಖೀ ಹೃದಯಸ್ತೋತ್ರಸ್ಯ ನಾರದ ಋಷಿಃ ಅನುಷ್ಟುಪ್ ಛಂದಃ ಶ್ರೀಬಗಳಾಮುಖೀ ದೇವತಾ ಹ್ಲೀಂ ಬೀಜಂ ಕ್ಲೀಂ ಶಕ್ತಿಃ ಐಂ ಕೀಲಕಂ ಶ್ರೀಬಗಳಾಮುಖೀ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ||
ಋಷ್ಯಾದಿನ್ಯಾಸಃ –
ಓಂ ನಾರದಋಷಯೇ ನಮಃ ಶಿರಸಿ |
ಓಂ ಅನುಷ್ಟುಪ್ ಛಂದಸೇ ನಮಃ ಮುಖೇ |
ಓಂ ಶ್ರೀಬಗಳಾಮುಖೀ ದೇವತಾಯೈ ನಮಃ ಹೃದಯೇ |
ಓಂ ಹ್ಲೀಂ ಬೀಜಾಯ ನಮಃ ಗುಹ್ಯೇ |
ಓಂ ಕ್ಲೀಂ ಶಕ್ತಯೇ ನಮಃ ಪಾದಯೋಃ |
ಓಂ ಐಂ ಕೀಲಕಾಯ ನಮಃ ಸರ್ವಾಂಗೇ |
ಕರನ್ಯಾಸಃ –
ಓಂ ಹ್ಲೀಂ ಅಂಗುಷ್ಠಾಭ್ಯಾಂ ನಮಃ |
ಓಂ ಕ್ಲೀಂ ತರ್ಜನೀಭ್ಯಾಂ ನಮಃ |
ಓಂ ಐಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ಲೀಂ ಅನಾಮಿಕಾಭ್ಯಾಂ ನಮಃ |
ಓಂ ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಐಂ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ –
ಓಂ ಹ್ಲೀಂ ಹೃದಯಾಯ ನಮಃ |
ಓಂ ಕ್ಲೀಂ ಶಿರಸೇ ಸ್ವಾಹಾ |
ಓಂ ಐಂ ಶಿಖಾಯೈ ವಷಟ್ |
ಓಂ ಹ್ಲೀಂ ಕವಚಾಯ ಹುಮ್ |
ಓಂ ಕ್ಲೀಂ ನೇತ್ರತ್ರಯಾಯ ವೌಷಟ್ |
ಓಂ ಐಂ ಅಸ್ತ್ರಾಯ ಫಟ್ |
ಓಂ ಹ್ಲೀಂ ಕ್ಲೀಂ ಐಂ ಇತಿ ದಿಗ್ಬಂಧಃ ||
ಧ್ಯಾನಮ್ –
ಪೀತಾಂಬರಾಂ ಪೀತಮಾಲ್ಯಾಂ ಪೀತಾಭರಣಭೂಷಿತಾಮ್ |
ಪೀತಕಂಜಪದದ್ವಂದ್ವಾಂ ಬಗಳಾಂ ಚಿಂತಯೇಽನಿಶಮ್ ||
(ಇತಿ ಧ್ಯಾತ್ವಾ ಸಂಪೂಜ್ಯ ಚ)
ಪ್ರಾರ್ಥನಾ –
ಪೀತಶಂಖಗದಾಹಸ್ತೇ ಪೀತಚಂದನಚರ್ಚಿತೇ |
ಬಗಳೇ ಮೇ ವರಂ ದೇಹಿ ಶತ್ರುಸಂಘವಿದಾರಿಣಿ ||
(ಇತಿ ಸಂಪ್ರಾರ್ಥ್ಯ)
ಮನುಃ –
ಓಂ ಹ್ಲೀಂ ಕ್ಲೀಂ ಐಂ ಬಗಳಾಮುಖ್ಯೈ ಗದಾಧಾರಿಣ್ಯೈ ಪ್ರೇತಾಸನಾಧ್ಯಾಸಿನ್ಯೈ ಸ್ವಾಹಾ ||
(ಇತಿ ಮಂತ್ರಂ ಜಪಿತ್ವಾ ಪುನಃ ಪೂರ್ವವದ್ಧೃದಯಾದಿ ಷಡಂಗನ್ಯಾಸಂ ಕೃತ್ವಾ ಸ್ತೋತ್ರಂ ಪಠೇತ್ ತದ್ಯಥಾ)
ಕರನ್ಯಾಸಃ –
ಓಂ ಹ್ಲೀಂ ಅಂಗುಷ್ಠಾಭ್ಯಾಂ ನಮಃ |
ಓಂ ಕ್ಲೀಂ ತರ್ಜನೀಭ್ಯಾಂ ನಮಃ |
ಓಂ ಐಂ ಮಧ್ಯಮಾಭ್ಯಾಂ ನಮಃ |
ಓಂ ಹ್ಲೀಂ ಅನಾಮಿಕಾಭ್ಯಾಂ ನಮಃ |
ಓಂ ಕ್ಲೀಂ ಕನಿಷ್ಠಿಕಾಭ್ಯಾಂ ನಮಃ |
ಓಂ ಐಂ ಕರತಲಕರಪೃಷ್ಠಾಭ್ಯಾಂ ನಮಃ |
ಅಂಗನ್ಯಾಸಃ –
ಓಂ ಹ್ಲೀಂ ಹೃದಯಾಯ ನಮಃ |
ಓಂ ಕ್ಲೀಂ ಶಿರಸೇ ಸ್ವಾಹಾ |
ಓಂ ಐಂ ಶಿಖಾಯೈ ವಷಟ್ |
ಓಂ ಹ್ಲೀಂ ಕವಚಾಯ ಹುಮ್ |
ಓಂ ಕ್ಲೀಂ ನೇತ್ರತ್ರಯಾಯ ವೌಷಟ್ |
ಓಂ ಐಂ ಅಸ್ತ್ರಾಯ ಫಟ್ |
ಓಂ ಹ್ಲೀಂ ಕ್ಲೀಂ ಐಂ ಇತಿ ದಿಗ್ವಿಮೋಕಃ ||
ಹೃದಯಸ್ತೋತ್ರಮ್ –
ವಂದೇಽಹಂ ಬಗಳಾಂ ದೇವೀಂ ಪೀತಭೂಷಣಭೂಷಿತಾಮ್ |
ತೇಜೋರೂಪಮಯೀಂ ದೇವೀಂ ಪೀತತೇಜಃಸ್ವರೂಪಿಣೀಮ್ || ೧ ||
ಗದಾಭ್ರಮಣಭಿನ್ನಾಭ್ರಾಂ ಭ್ರುಕುಟೀಭೀಷಣಾನನಾಮ್ |
ಭೀಷಯಂತೀಂ ಭೀಮಶತ್ರೂನ್ ಭಜೇ ಭವ್ಯಸ್ಯ ಭಕ್ತಿದಾಮ್ || ೨ ||
ಪೂರ್ಣಚಂದ್ರಸಮಾನಾಸ್ಯಾಂ ಪೀತಗಂಧಾನುಲೇಪನಾಮ್ |
ಪೀತಾಂಬರಪರೀಧಾನಾಂ ಪವಿತ್ರಾಮಾಶ್ರಯಾಮ್ಯಹಮ್ || ೩ ||
ಪಾಲಯಂತೀಮನುಪಲಂ ಪ್ರಸಮೀಕ್ಷ್ಯಾಽವನೀತಲೇ |
ಪೀತಾಚಾರರತಾಂ ಭಕ್ತಾಸ್ತಾಂ ಭವಾನೀಂ ಭಜಾಮ್ಯಹಮ್ || ೪ ||
ಪೀತಪದ್ಮಪದದ್ವಂದ್ವಾಂ ಚಂಪಕಾರಣ್ಯವಾಸಿನೀಮ್ |
ಪೀತಾವತಂಸಾಂ ಪರಮಾಂ ವಂದೇ ಪದ್ಮಜವಂದಿತಾಮ್ || ೫ ||
ಲಸಚ್ಚಾರುಸಿಂಜತ್ಸುಮಂಜೀರಪಾದಾಂ
ಚಲತ್ಸ್ವರ್ಣಕರ್ಣಾವತಂಸಾಂಚಿತಾಸ್ಯಾಮ್ |
ವಲತ್ಪೀತಚಂದ್ರಾನನಾಂ ಚಂದ್ರವಂದ್ಯಾಂ
ಭಜೇ ಪದ್ಮಜಾದೀಡ್ಯಸತ್ಪಾದಪದ್ಮಾಮ್ || ೬ ||
ಸುಪೀತಾಭಯಾಮಾಲಯಾ ಪೂತಮಂತ್ರಂ
ಪರಂ ತೇ ಜಪಂತೋ ಜಯಂ ಸಲ್ಲಭಂತೇ |
ರಣೇ ರಾಗರೋಷಾಪ್ಲುತಾನಾಂ ರಿಪೂಣಾಂ
ವಿವಾದೇ ಬಲಾದ್ವೈರಕೃದ್ಘಾತಮಾತಃ || ೭ ||
ಭರತ್ಪೀತಭಾಸ್ವತ್ಪ್ರಭಾಹಸ್ಕರಾಭಾಂ
ಗದಾಗಂಜಿತಾಮಿತ್ರಗರ್ವಾಂ ಗರಿಷ್ಠಾಮ್ |
ಗರೀಯೋ ಗುಣಾಗಾರಗಾತ್ರಾಂ ಗುಣಾಢ್ಯಾಂ
ಗಣೇಶಾದಿಗಮ್ಯಾಂ ಶ್ರಯೇ ನಿರ್ಗುಣಾಢ್ಯಾಮ್ || ೮ ||
ಜನಾ ಯೇ ಜಪಂತ್ಯುಗ್ರಬೀಜಂ ಜಗತ್ಸು
ಪರಂ ಪ್ರತ್ಯಹಂ ತೇ ಸ್ಮರಂತಃ ಸ್ವರೂಪಮ್ |
ಭವೇದ್ವಾದಿನಾಂ ವಾಙ್ಮುಖಸ್ತಂಭ ಆದ್ಯೇ
ಜಯೋ ಜಾಯತೇ ಜಲ್ಪತಾಮಾಶು ತೇಷಾಮ್ || ೯ ||
ತವ ಧ್ಯಾನನಿಷ್ಠಾಪ್ರತಿಷ್ಠಾತ್ಮಪ್ರಜ್ಞಾ-
-ವತಾಂ ಪಾದಪದ್ಮಾರ್ಚನೇ ಪ್ರೇಮಯುಕ್ತಾಃ |
ಪ್ರಸನ್ನಾ ನೃಪಾಃ ಪ್ರಾಕೃತಾಃ ಪಂಡಿತಾ ವಾ
ಪುರಾಣಾದಿಕಾ ದಾಸತುಲ್ಯಾ ಭವಂತಿ || ೧೦ ||
ನಮಾಮಸ್ತೇ ಮಾತಃ ಕನಕಕಮನೀಯಾಂಘ್ರಿಜಲಜಂ
ಬಲದ್ವಿದ್ಯುದ್ವರ್ಣಾಂ ಘನತಿಮಿರವಿಧ್ವಂಸಕರಣಮ್ |
ಭವಾಬ್ಧೌ ಮಗ್ನಾತ್ಮೋತ್ತರಣಕರಣಂ ಸರ್ವಶರಣಂ
ಪ್ರಪನ್ನಾನಾಂ ಮಾತರ್ಜಗತಿ ಬಗಳೇ ದುಃಖದಮನಮ್ || ೧೧ ||
ಜ್ವಲಜ್ಜ್ಯೋತ್ಸ್ನಾರತ್ನಾಕರಮಣಿವಿಷಕ್ತಾಂಕಭವನಂ
ಸ್ಮರಾಮಸ್ತೇ ಧಾಮ ಸ್ಮರಹರಹರೀಂದ್ರೇಂದು ಪ್ರಮುಖೈಃ |
ಅಹೋರಾತ್ರಂ ಪ್ರಾತಃ ಪ್ರಣಯನವನೀಯಂ ಸುವಿಶದಂ
ಪರಂ ಪೀತಾಕಾರಂ ಪರಿಚಿತಮಣಿದ್ವೀಪವಸನಮ್ || ೧೨ ||
ವದಾಮಸ್ತೇ ಮಾತಃ ಶ್ರುತಿಸುಖಕರಂ ನಾಮ ಲಲಿತಂ
ಲಸನ್ಮಾತ್ರಾವರ್ಣಂ ಜಗತಿ ಬಗಳೇತಿ ಪ್ರಚರಿತಮ್ |
ಚಲಂತಸ್ತಿಷ್ಠಂತೋ ವಯಮುಪವಿಶಂತೋಽಪಿ ಶಯನೇ
ಭಜಾಮೋ ಯಚ್ಛ್ರೇಯೋ ದಿವಿ ದುರವಲಭ್ಯಂ ದಿವಿಷದಾಮ್ || ೧೩ ||
ಪದಾರ್ಚಾಯಾಂ ಪ್ರೀತಿಃ ಪ್ರತಿದಿನಮಪೂರ್ವಾ ಪ್ರಭವತು
ಯಥಾ ತೇ ಪ್ರಾಸನ್ನ್ಯಂ ಪ್ರತಿಫಲಮಪೇಕ್ಷ್ಯಂ ಪ್ರಣಮತಾಮ್ |
ಅನಲ್ಪಂ ತನ್ಮಾತರ್ಭವತಿ ಭೃತಭಕ್ತ್ಯಾ ಭವತು ನೋ
ದಿಶಾತಃ ಸದ್ಭಕ್ತಿಂ ಭುವಿ ಭಗವತಾಂ ಭೂರಿ ಭವದಾಮ್ || ೧೪ ||
ಮಮ ಸಕಲರಿಪೂಣಾಂ ವಾಙ್ಮುಖೇ ಸ್ತಂಭಯಾಶು
ಭಗವತಿ ರಿಪುಜಿಹ್ವಾಂ ಕೀಲಯ ಪ್ರಸ್ಥತುಲ್ಯಾಮ್ |
ವ್ಯವಸಿತಖಲಬುದ್ಧಿಂ ನಾಶಯಾಶು ಪ್ರಗಲ್ಭಾಂ
ಮಮ ಕುರು ಬಹುಕಾರ್ಯಂ ಸತ್ಕೃಪೇಽಂಬ ಪ್ರಸೀದ || ೧೫ ||
ವ್ರಜತು ಮಮ ರಿಪೂಣಾಂ ಸದ್ಮನಿ ಪ್ರೇತಸಂಸ್ಥಾ
ಕರಧೃತಗದಯಾ ತಾನ್ ಘಾತಯಿತ್ವಾಶು ರೋಷಾತ್ |
ಸಘನವಸನಧಾನ್ಯಂ ಸದ್ಮ ತೇಷಾಂ ಪ್ರದಹ್ಯ
ಪುನರಪಿ ಬಗಳಾ ಸ್ವಸ್ಥಾನಮಾಯಾತು ಶೀಘ್ರಮ್ || ೧೬ ||
ಕರಧೃತರಿಪುಜಿಹ್ವಾಪೀಡನಂ ವ್ಯಗ್ರಹಸ್ತಾಂ
ಪುನರಪಿ ಗದಯಾ ತಾಂಸ್ತಾಡಯಂತೀಂ ಸುತಂತ್ರಾಮ್ |
ಪ್ರಣತಸುರಗಣಾನಾಂ ಪಾಲಿಕಾಂ ಪೀತವಸ್ತ್ರಾಂ
ಬಹುಬಲ ಬಗಳಾಂ ತಾಂ ಪೀತವಸ್ತ್ರಾಂ ನಮಾಮಃ || ೧೭ ||
ಹೃದಯವಚನಕಾಯೈಃ ಕುರ್ವತಾಂ ಭಕ್ತಿಪುಂಜಂ
ಪ್ರಕಟಿತ ಕರುಣಾರ್ದ್ರಾಂ ಪ್ರೀಣತಿ ಜಲ್ಪತೀತಿ |
ಧನಮಥ ಬಹುಧಾನ್ಯಂ ಪುತ್ರಪೌತ್ರಾದಿವೃದ್ಧಿಃ
ಸಕಲಮಪಿ ಕಿಮೇಭ್ಯೋ ದೇಯಮೇವಂ ತ್ವವಶ್ಯಮ್ || ೧೮ ||
ತವ ಚರಣಸರೋಜಂ ಸರ್ವದಾ ಸೇವ್ಯಮಾನಂ
ದ್ರುಹಿಣಹರಿಹರಾದ್ಯೈರ್ದೇವಬೃಂದೈಃ ಶರಣ್ಯಮ್ |
ಮೃದುಲಮಪಿ ಶರಂ ತೇ ಶರ್ಮದಂ ಸೂರಿಸೇವ್ಯಂ
ವಯಮಿಹ ಕರವಾಮೋ ಮಾತರೇತದ್ವಿಧೇಯಮ್ || ೧೯ ||
ಬಗಳಾಹೃದಯಸ್ತೋತ್ರಮಿದಂ ಭಕ್ತಿ ಸಮನ್ವಿತಃ |
ಪಠೇದ್ಯೋ ಬಗಳಾ ತಸ್ಯ ಪ್ರಸನ್ನಾ ಪಾಠತೋ ಭವೇತ್ || ೨೦ ||
ಪೀತಾಧ್ಯಾನಪರೋ ಭಕ್ತೋ ಯಃ ಶೃಣೋತ್ಯವಿಕಲ್ಪತಃ |
ನಿಷ್ಕಲ್ಮಷೋ ಭವೇನ್ಮರ್ತ್ಯೋ ಮೃತೋ ಮೋಕ್ಷಮವಾಪ್ನುಯಾತ್ || ೨೧ ||
ಆಶ್ವಿನಸ್ಯ ಸಿತೇ ಪಕ್ಷೇ ಮಹಾಷ್ಟಮ್ಯಾಂ ದಿವಾನಿಶಮ್ |
ಯಸ್ತ್ವಿದಂ ಪಠತೇ ಪ್ರೇಮ್ಣಾ ಬಗಳಾ ಪ್ರೀತಿಮೇತಿ ಸಃ || ೨೨ ||
ದೇವ್ಯಾಲಯೇ ಪಠನ್ ಮರ್ತ್ಯೋ ಬಗಳಾಂ ಧ್ಯಾಯತೀಶ್ವರೀಮ್ |
ಪೀತವಸ್ತ್ರಾವೃತೋ ಯಸ್ತು ತಸ್ಯ ನಶ್ಯಂತಿ ಶತ್ರವಃ || ೨೩ ||
ಪೀತಾಚಾರರತೋ ನಿತ್ಯಂ ಪೀತಭೂಷಾಂ ವಿಚಿಂತಯನ್ |
ಬಗಳಾಯಾಃ ಪಠೇನ್ನಿತ್ಯಂ ಹೃದಯಸ್ತೋತ್ರಮುತ್ತಮಮ್ || ೨೪ ||
ನ ಕಿಂಚಿದ್ದುರ್ಲಭಂ ತಸ್ಯ ದೃಶ್ಯತೇ ಜಗತೀತಲೇ |
ಶತ್ರವೋ ಗ್ಲಾನಿಮಾಯಾಂತಿ ತಸ್ಯ ದರ್ಶನಮಾತ್ರತಃ || ೨೫ ||
ಇತಿ ಸಿದ್ಧೇಶ್ವರತಂತ್ರೇ ಉತ್ತರಖಂಡೇ ಶ್ರೀಬಗಳಾಪಟಲೇ ಶ್ರೀ ಬಗಳಾಮುಖೀ ಹೃದಯ ಸ್ತೋತ್ರಮ್ ||
ಇನ್ನಷ್ಟು ಶ್ರೀ ಬಗಳಾಮುಖೀ ಸ್ತೋತ್ರಗಳು ನೋಡಿ.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.