Read in తెలుగు / ಕನ್ನಡ / தமிழ் / English (IAST)
ದ್ವಾತ್ರಿಂಶದಶಕಮ್ (೩೨) ಮತ್ಸ್ಯಾವತಾರಮ್
ಪುರಾ ಹಯಗ್ರೀವಮಹಾಸುರೇಣ ಷಷ್ಠಾನ್ತರಾನ್ತೋದ್ಯದಕಾಣ್ಡಕಲ್ಪೇ |
ನಿದ್ರೋನ್ಮುಖಬ್ರಹ್ಮಮುಖಾದ್ಧೃತೇಷು ವೇದೇಷ್ವಧಿತ್ಸಃ ಕಿಲ ಮತ್ಸ್ಯರೂಪಮ್ || ೩೨-೧ ||
ಸತ್ಯವ್ರತಸ್ಯ ದ್ರಮಿಲಾಧಿಭರ್ತುರ್ನದೀಜಲೇ ತರ್ಪಯತಸ್ತದಾನೀಮ್ |
ಕರಾಞ್ಜಲೌ ಸಞ್ಜ್ವಲಿತಾಕೃತಿಸ್ತ್ವಮದೃಶ್ಯಥಾಃ ಕಶ್ಚನ ಬಾಲಮೀನಃ || ೩೨-೨ ||
ಕ್ಷಿಪ್ತಂ ಜಲೇ ತ್ವಾಂ ಚಕಿತಂ ವಿಲೋಕ್ಯ ನಿನ್ಯೇಽಂಬುಪಾತ್ರೇಣ ಮುನಿಃ ಸ್ವಗೇಹಮ್ |
ಸ್ವಲ್ಪೈರಹೋಭಿಃ ಕಲಶೀಂ ಚ ಕೂಪಂ ವಾಪೀಂ ಸರಶ್ಚಾನಶಿಷೇ ವಿಭೋ ತ್ವಮ್ || ೩೨-೩ ||
ಯೋಗಪ್ರಭಾವಾದ್ಭವದಾಜ್ಞಯೈವ ನೀತಸ್ತತಸ್ತ್ವಂ ಮುನಿನಾ ಪಯೋಧಿಮ್ |
ಪೃಷ್ಟೋಽಮುನಾ ಕಲ್ಪದಿದೃಕ್ಷುಮೇನಂ ಸಪ್ತಾಹಮಾಸ್ವೇತಿ ವದನ್ನಯಾಸೀಃ || ೩೨-೪ ||
ಪ್ರಾಪ್ತೇ ತ್ವದುಕ್ತೇಽಹನಿ ವಾರಿಧಾರಾಪರಿಪ್ಲುತೇ ಭೂಮಿತಲೇ ಮುನೀನ್ದ್ರಃ |
ಸಪ್ತರ್ಷಿಭಿಃ ಸಾರ್ಧಮಪಾರವಾರಿಣ್ಯುದ್ಘೂರ್ಣಮಾನಃ ಶರಣಂ ಯಯೌ ತ್ವಾಮ್ || ೩೨-೫ ||
ಧರಾಂ ತ್ವದಾದೇಶಕರೀಮವಾಪ್ತಾಂ ನೌರೂಪಿಣೀಮಾರುರುಹುಸ್ತದಾ ತೇ |
ತತ್ಕಮ್ಪಕಮ್ಪ್ರೇಷು ಚ ತೇಷು ಭೂಯಸ್ತ್ವಮಂಬುಧೇರಾವಿರಭೂರ್ಮಹೀಯಾನ್ || ೩೨-೬ ||
ಝಷಾಕೃತಿಂ ಯೋಜನಲಕ್ಷದೀರ್ಘಾಂ ದಧಾನಮುಚ್ಚೈಸ್ತರತೇಜಸಂ ತ್ವಾಮ್ |
ನಿರೀಕ್ಷ್ಯ ತುಷ್ಟಾ ಮುನಯಸ್ತ್ವದುಕ್ತ್ಯಾ ತ್ವತ್ತುಙ್ಗಶೃಙ್ಗೇ ತರಣಿಂ ಬಬನ್ಧುಃ || ೩೨-೭ ||
ಆಕೃಷ್ಟನೌಕೋ ಮುನಿಮಣ್ಡಲಾಯ ಪ್ರದರ್ಶಯನ್ವಿಶ್ವಜಗದ್ವಿಭಾಗಾನ್ |
ಸಂಸ್ತೂಯಮಾನೋ ನೃವರೇಣ ತೇನ ಜ್ಞಾನಂ ಪರಂ ಚೋಪದಿಶನ್ನಚಾರೀಃ || ೩೨-೮ ||
ಕಲ್ಪಾವಧೌ ಸಪ್ತಮುನೀನ್ಪುರೋವತ್ಪ್ರಸ್ಥಾಪ್ಯ ಸತ್ಯವ್ರತಭೂಮಿಪಂ ತಮ್ |
ವೈವಸ್ವತಾಖ್ಯಂ ಮನುಮಾದಧಾನಃ ಕ್ರೋಧಾದ್ಧಯಗ್ರೀವಮಭಿದ್ರುತೋಽಭೂಃ || ೩೨-೯ ||
ಸ್ವತುಙ್ಗಶೃಙ್ಗಕ್ಷತವಕ್ಷಸಂ ತಂ ನಿಪಾತ್ಯ ದೈತ್ಯಂ ನಿಗಮಾನ್ಗೃಹೀತ್ವಾ |
ವಿರಿಞ್ಚಯೇ ಪ್ರೀತಹೃದೇ ದದಾನಃ ಪ್ರಭಞ್ಜನಾಗಾರಪತೇ ಪ್ರಪಾಯಾಃ || ೩೨-೧೦ ||
ಇತಿ ದ್ವಾತ್ರಿಂಶದಶಕಂ ಸಮಾಪ್ತಮ್ ||
ನಾರಾಯಣೀಯಂ ತ್ರಯಸ್ತ್ರಿಂಶದಶಕಮ್ >>
ಸಂಪೂರ್ಣ ನಾರಾಯಣೀಯಂ ನೋಡಿ.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.