Read in తెలుగు / ಕನ್ನಡ / தமிழ் / देवनागरी / English (IAST)
पादारविन्दभक्तलोकपालनैकलोलुपं
सदारपार्श्वमात्मजादिमोदकं सुराधिपम् ।
उदारमादिनाथभूतनाथमद्भुतात्मवैभवं
सदा रवीन्दुकुण्डलं नमामि भाग्यसम्भवम् ॥ १ ॥
कृपाकटाक्षवीक्षणं विभूतिवेत्रभूषणं
सुपावनं सनातनादिसत्यधर्मपोषणम् ।
अपारशक्तियुक्तमात्मलक्षणं सुलक्षणं
प्रभामनोहरं हरीशभाग्यसम्भवं भजे ॥ २ ॥
मृगासनं वरासनं शरासनं महौजसं
जगद्धितं समस्तभक्तचित्तरङ्गसंस्थितम् ।
नगाधिराजराजयोगपीठमध्यवर्तिनं
मृगाङ्कशेखरं हरीशभाग्यसम्भवं भजे ॥ ३ ॥
समस्तलोकचिन्तितप्रदं सदा सुखप्रदं
समुत्थितापदन्धकारकृन्तनं प्रभाकरम् ।
अमर्त्यनृत्तगीतवाद्यलालसं मदालसं
नमस्करोमि भूतनाथमादिधर्मपालकम् ॥ ४ ॥
चराचरान्तरस्थित प्रभामनोहर प्रभो
सुरासुरार्चिताङ्घ्रिपादपद्म भूतनायक ।
विराजमानवक्त्र भक्तमित्र वेत्रशोभित
हरीशभाग्यजात साधुपारिजात पाहि माम् ॥ ५ ॥
इति श्री धर्मशास्ता पञ्चकम् ।
इतर श्री अय्यप्प स्तोत्राणि पश्यतु ।
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.