Read in తెలుగు / ಕನ್ನಡ / தமிழ் / देवनागरी / English (IAST)
(तै.सं.१-५-३-१)
भूमि॑र्भू॒म्नाद्यौर्व॑रि॒णाऽन्तरि॑क्षं महि॒त्वा ।
उ॒पस्थे॑ ते देव्यदिते॒ऽग्निम॑न्ना॒दम॒न्नाद्या॒याऽऽद॑धे ॥
आऽयङ्गौः पृश्ञि॑रक्रमी॒दस॑नन्मा॒तरं॒ पुन॑: ।
पि॒तर॑ञ्च प्र॒यन्थ्सुव॑: ॥
त्रि॒ग्ं॒शद्धाम॒ विरा॑जति॒ वाक्प॑त॒ङ्गाय॑ शिश्रिये ।
प्रत्य॑स्य वह॒ द्युभि॑: ॥
अ॒स्य प्रा॒णाद॑पान॒त्य॑न्तश्च॑रति रोच॒ना ।
व्य॑ख्यन्महि॒षः सुव॑: ॥
यत्त्वा᳚ क्रु॒द्धः प॑रो॒ वप॑ म॒न्युना॒ यदव॑र्त्या ।
सु॒कल्प॑मग्ने॒ तत्तव॒ पुन॒स्त्वोद्दी॑पयामसि ॥
यत्ते॑ म॒न्युप॑रोप्तस्य पृथि॒वी मनु॑दध्व॒से ।
आ॒दि॒त्या विश्वे॒तद्दे॒वा वस॑वश्च स॒माभ॑रन् ॥
मे॒दिनी॑ दे॒वी व॒सुन्ध॑रा स्या॒द्वसु॑धा दे॒वी वा॒सवी᳚ ।
ब्र॒ह्म॒व॒र्च॒सः पि॑तृ॒णां श्रोत्रं॒ चक्षु॒र्मन॑: ॥
दे॒वी हि॑रण्यग॒र्भिणी॑ दे॒वी प्र॑सू॒वरी᳚ ।
सद॑ने स॒त्याय॑ने सीद ॥
स॒मु॒द्रव॑ती सावि॒त्री आनो॑ दे॒वी मह्य॑ङ्गी ।
म॒हो धर॑णी म॒होऽत्य॑तिष्ठत् ॥
शृ॒ङ्गे शृ॑ङ्गे य॒ज्ञे य॑ज्ञे विभी॒षणी᳚ ।
इन्द्र॑पत्नी व्या॒पिनी॒ सर॑सिज इ॒ह ।
वा॒यु॒मती॑ जल॒शय॑नी स्व॒यं धा॒राजा॑ स॒त्यंवो॒ परि॑मेदिनी ।
सो॒परि॑धत्तङ्गाय ।
वि॒ष्णु॒प॒त्नीं म॑हीं दे॒वीं॒ मा॒धवीं᳚ माधव॒प्रियाम् ।
लक्ष्मीं᳚ प्रि॒यस॑खीं दे॒वीं॒ न॒मा॒म्यच्यु॑त व॒ल्लभाम् ॥
ध॒नु॒र्ध॒रायै॑ वि॒द्महे॑ सर्वसि॒द्ध्यै च॑ धीमहि ।
तन्नो॑ धराः प्रचो॒दया᳚त् ।
(तै.ब्रा.३-१-२-६)
म॒हीं दे॒वीं विष्णु॑पत्नीमजू॒र्याम् ।
प्र॒तीची॑मेनाग्ं ह॒विषा॑ यजामः ॥
त्रे॒धा विष्णु॑रुरुगा॒यो विच॑क्रमे ।
म॒हीं दिवं॑ पृथि॒वीम॒न्तरि॑क्षम् ॥
तच्छ्रो॒णैति॒ श्रव॑ इ॒च्छमा॑ना ।
पुण्य॒ग्ग्॒ श्लोकं॒ यज॑मानाय कृण्व॒ती ॥
(ए.का.२-१५)
स्यो॒ना पृ॑थिवि॒ भवा॑नृक्ष॒रा नि॒वेश॑नी ।
यच्छा॑ न॒: शर्म॑ स॒प्रथा᳚: ।
अदि॑तिर्दे॒वा ग॑न्ध॒र्वा म॑नु॒ष्या᳚: पि॒तरो सु॑रा॒स्तेषाग्ं॑ सर्वभू॒तानां᳚ मा॒ता मे॒दीनी॑ मह॒ता म॒ही सा॑वि॒त्री गा॑य॒त्री जग॑त्यु॒र्वी पृ॒थ्वी ब॑हु॒ला विश्वा॑ भू॒ता क॑त॒मा का या सा स॒त्येत्य॒मृतेति॑ वसि॒ष्ठः ॥
इक्षुशालियवसस्यफलाढ्यैः पारिजात तरुशोभितमूले ।
स्वर्णरत्नमणिमंटपमध्ये चिन्तयेत्सकललोकधरित्रीम् ॥
श्यामां विचित्रां नवरत्नभूषितां
चतुर्भुजां तुंगपयोधरान्विताम् ।
इन्दीवराक्षीं नवशालिमंजरीं
शुकं दधानां शरणं भजामहे ॥
(ऋ.वे.१०-७१-२)
सक्तु॑मिव॒ तित॑उना पु॒नन्तो॒ यत्र॒ धीरा॒ मन॑सा॒ वाच॒मक्र॑त ।
अत्रा॒ सखा᳚यः स॒ख्यानि॑ जानते भ॒द्रैषां᳚ ल॒क्ष्मीर्नि॑हि॒ताधि॑ वा॒चि ॥
ओं शान्ति॒: शान्ति॒: शान्ति॑: ॥
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.