Read in తెలుగు / ಕನ್ನಡ / தமிழ் / देवनागरी / English (IAST)
paśūnāṁ patiṁ pāpanāśaṁ parēśaṁ
gajēndrasya kr̥ttiṁ vasānaṁ varēṇyam |
jaṭājūṭamadhyē sphuradgāṅgavāriṁ
mahādēvamēkaṁ smarāmi smarārim || 1 ||
mahēśaṁ surēśaṁ surārātināśaṁ
vibhuṁ viśvanāthaṁ vibhūtyaṅgabhūṣam |
virūpākṣamindvarkavahnitrinētraṁ
sadānandamīḍē prabhuṁ pañcavaktram || 2 ||
girīśaṁ gaṇēśaṁ galē nīlavarṇaṁ
gavēndrādhirūḍhaṁ guṇātītarūpam |
bhavaṁ bhāsvaraṁ bhasmanā bhūṣitāṅgaṁ
bhavānīkalatraṁ bhajē pañcavaktram || 3 ||
śivākānta śambhō śaśāṅkārdhamaulē
mahēśāna śūlin jaṭājūṭadhārin |
tvamēkō jagadvyāpakō viśvarūpaḥ
prasīda prasīda prabhō pūrṇarūpa || 4 ||
parātmānamēkaṁ jagadbījamādyaṁ
nirīhaṁ nirākāramōṅkāravēdyam |
yatō jāyatē pālyatē yēna viśvaṁ
tamīśaṁ bhajē līyatē yatra viśvam || 5 ||
na bhūmirna cāpō na vahnirna vāyu-
-rna cākāśamāstē na tandrā na nidrā |
na cōṣṇaṁ na śītaṁ na dēśō na vēṣō
na yasyāsti mūrtistrimūrtiṁ tamīḍē || 6 ||
ajaṁ śāśvataṁ kāraṇaṁ kāraṇānāṁ
śivaṁ kēvalaṁ bhāsakaṁ bhāsakānām |
turīyaṁ tamaḥpāramādyantahīnaṁ
prapadyē paraṁ pāvanaṁ dvaitahīnam || 7 ||
namastē namastē vibhō viśvamūrtē
namastē namastē cidānandamūrtē |
namastē namastē tapōyōgagamya
namastē namastē śrutijñānagamya || 8 ||
prabhō śūlapāṇē vibhō viśvanātha
mahādēva śambhō mahēśa trinētra |
śivākānta śānta smarārē purārē
tvadanyō varēṇyō na mānyō na gaṇyaḥ || 9 ||
śambhō mahēśa karuṇāmaya śūlapāṇē
gaurīpatē paśupatē paśupāśanāśin |
kāśīpatē karuṇayā jagadētadēka-
-stvaṁ haṁsi pāsi vidadhāsi mahēśvarō:’si || 10 ||
tvattō jagadbhavati dēva bhava smarārē
tvayyēva tiṣṭhati jaganmr̥ḍa viśvanātha |
tvayyēva gacchati layaṁ jagadētadīśa
liṅgātmakē hara carācaraviśvarūpin || 11 ||
iti śrīmatparamahaṁsa parivrājakācārya śrīmacchaṅkarācārya viracitaṁ vēdasāra śiva stōtraṁ sampūrṇam |
See more śrī śiva stotras for chanting.
మా తదుపరి ప్రచురణ: తెలుగు తాత్పర్యాలతో "శ్రీ బగళాముఖీ స్తోత్రనిధి" పుస్తకము ముద్రించుటకు ఆలోచన చేయుచున్నాము.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.