Read in తెలుగు / ಕನ್ನಡ / தமிழ் / देवनागरी / English (IAST)
ṣaṭkōṇāntaramadhyapadmanilayaṁ tatsandhidiṣṭhānanaṁ
cakrādyāyudhacārubhūṣaṇabhujaṁ sajvālakēśōdayam |
vastrālēpanamālyavigrahatanuṁ taṁ phālanētraṁ guṇaiḥ
pratyālīḍhapadāmbujaṁ trinayanaṁ cakrādhirājaṁ bhajē || 1 ||
śaṅkhaṁ śārṅgaṁ sakhēṭaṁ halaparaśu gadā kunta pāśān dadhānaṁ
anyairvāmaiśca cakrēṣvasi musalalasadvajraśūlāṁ kuśāgnīn |
jvālākēśaṁ trinētraṁ jvaladanalanibhaṁ hārakēyūrabhūṣaṁ
dhyāyē ṣaṭkōṇa saṁsthaṁ sakala ripujana prāṇasaṁhāra cakram || 2 ||
vyāpti vyāptāntarikṣaṁ kṣaradaruṇa nibhā vāsitā śāntarālaṁ
daṁṣṭrā niṣṭhyūta vahni pravirala śabalādabhraśubhrāṭ-ṭahāsam |
śaṅkhāri śrī gadāmbhōruha musala dhanuḥ pāśa dīptāṅkuśāḍyaiḥ
dōrbhiḥ piṅgākṣavēṣaṁ praṇamata śirasā viṣṇu cakrābhidānam || 3 ||
dhyāyē caturbhujaṁ dēvaṁ śaṅkha cakra varābhayam |
dhyāyē sudarśanaṁ vīraṁ sarvakāryārtha siddhayē || 4 ||
sudarśana namastē:’stu namastē śatrusaṁhara |
arcayāmyupacārēṇa viṣṇurūpāya tē namaḥ || 5 ||
cakradvayaṁ cāṅkuśapāśayuktaṁ
caturbhujaṁ bhīkara siṁhavaktram |
nētratrayālaṅkr̥ta nirmalāṅgaṁ
namāmi saudarśana nārasiṁham || 6 ||
śaṅkha cakra dharaṁ dēvaṁ jvālācakramayaṁ harim |
rōgaghnaṁ paramānandaṁ cintitārtha pradāyakam || 7 ||
hr̥tpaṅkajē samāsīnaṁ jvālāmaya sudarśanam |
śaṅkha cakrāmbuja gadā bhūṣitaṁ rōhanāśanam || 8 ||
dhyāyētsaudarśanaṁ dēvaṁ ātmarakṣākaraṁ prabhum |
jvālāmālā parītaṁ ca dhyāyē hr̥dayapaṅkajē || 9 ||
dhyāyē sudarśanaṁ dēvaṁ khēdanaṁ paravidyayōḥ |
sūryakōṭipratīkāśaṁ dhyāyē hr̥daya paṅkajē || 10 ||
śaṅkha cakra dharaṁ dēvaṁ kōṭisūrya samaprabham |
śatrūṇāṁ māraṇārthaṁ ca astracakraṁ namāmyaham || 11 ||
pāśāṅkuśadharaṁ dēvaṁ paripūrṇa kr̥pākaram |
vaśīkaraṇabāṇāya samyaksaudarśanāya ca || 12 ||
raktavastradharaṁ dēvaṁ raktamālyānulēpanam |
vandē:’haṁ vaśya bāṇāya cakrarājāya tē namaḥ || 13 ||
pāśāṅkuśaṁ śakti śūlaṁ caturbāhuṁ trilōcanam |
sammōhanakaraṁ vīraṁ dhyāyē saudarśanēśvaram || 14 ||
sammōhanāstrarājāya namaḥ saudarśanāya ca |
mōhanārthaṁ bhajāmyāśu sammōhaya jagatrayam || 15 ||
jvālāmālānibhaṁ dēvaṁ sahasrakarasamyutam |
śatru māraṇa kāryēṣu bhajē hr̥ccakranāyakam || 16 ||
ākarṣaṇakaraṁ dēvaṁ pāśāṅkuśadharaṁ harim |
sammōhākarṣaṇāstraṁ ca dhr̥ta nārāyaṇaṁ prabhum || 17 ||
cakrarāja namastēstu sarvākarṣaṇa sāyaka |
ākarṣaya jagannātha śaraṇaṁ tvāṁ gatōsmyaham || 18 ||
cakrādyāyudha cāru ṣōḍaśabhujaṁ sa jvāla kēśōjjvalaṁ
cakraṁ śaṅkha gadābja śūla śaradhīṁścāpaṁ ca pāśāṅkuśau |
kuntaṁ carmahalaṁ bhuśuṇḍi paraśū vajraṁ tathā tarjanīṁ
hētiṁ ṣōḍaśadhāriṇaṁ ripuharaṁ śrīcakrarājaṁ bhajē || 19 ||
siṁhāsana samāsīnaṁ dēvaṁ cakraṁ surēśvaraṁ
śrōtuṁ cakrēśa kavacamabruvan surasattamāḥ |
dēva dēva sahasrākṣa daityāntaka śacīpatē
tvayā saudarśinīṁ rakṣāṁ śrōtumicchāmahē vayam || 20 ||
tadanantaraṁ śrī sudarśana kavacam paṭhatu |
See more śrī viṣṇu stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.