Read in తెలుగు / ಕನ್ನಡ / தமிழ் / देवनागरी / English (IAST)
asya śrīgāyatrītattvamālāmantrasya viśvāmitra r̥ṣiḥ anuṣṭup chandaḥ paramātmā dēvatā halō bījāni svarāḥ śaktayaḥ avyaktaṁ kīlakaṁ mama samastapāpakṣayārthē śrīgāyatrī mālāmantra japē viniyōgaḥ |
caturviṁśati tattvānāṁ yadēkaṁ tattvamuttamam |
anupādhi paraṁ brahma tatparaṁ jyōtirōmiti || 1 ||
yō vēdādau svaraḥ prōktō vēdāntē ca pratiṣṭhitaḥ |
tasya prakr̥tilīnasya tatparaṁ jyōtirōmiti || 2 ||
tadityādipadairvācyaṁ paramaṁ padamavyayam |
abhēdatvaṁ padārthasya tatparaṁ jyōtirōmiti || 3 ||
yasya māyāṁśabhāgēna jagadutpadyatē:’khilam |
tasya sarvōttamaṁ rūpamarūpasyābhidhīmahi || 4 ||
yaṁ na paśyanti paramaṁ paśyantō:’pi divaukasaḥ |
taṁ bhūtākhiladēvaṁ tu suparṇamupadhāvatām || 5 ||
yadaṁśaḥ prēritō jantuḥ karmapāśaniyantritaḥ |
ājanmakr̥tapāpānāmapahantā dvijanmanām || 6 ||
idaṁ mahāmuniprōktaṁ gāyatrītattvamuttamam |
yaḥ paṭhētparayā bhaktyā sa yāti paramāṁ gatim || 7 ||
sarvavēdapurāṇēṣu sāṅgōpāṅgēṣu yatphalam |
sakr̥dasya japādēva tatphalaṁ prāpnuyānnaraḥ || 8 ||
abhakṣyabhakṣaṇātpūtō bhavati | agamyāgamanātpūtō bhavati | sarvapāpēbhyaḥ pūtō bhavati | prātaradhīyānō rātrikr̥taṁ pāpaṁ nāśayati | sāyamadhīyānō divasakr̥taṁ pāpaṁ nāśayati | madhyaṁ dinamupayuñjānō:’sat pratigrahādibhyō muktō bhavati | anupaplavaṁ puruṣārthamabhivadanti | yaṁ yaṁ kāmamabhidhyāyati tattadēvāpnōti putrapautrān kīrtisaubhāgyāṁścōpalabhatē | sarvabhūtātmamitrō dēhāntē tadviśiṣṭō gāyatryā paramaṁ padamavāpnōti ||
iti śrīvēdasārē śrī gāyatrī tattvamālāmantram ||
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.