Read in తెలుగు / ಕನ್ನಡ / தமிழ் / देवनागरी / English (IAST)
vēdhōharīśvarastutyāṁ vihartrīṁ vindhyabhūdharē |
haraprāṇēśvarīṁ vandē hantrīṁ vibudhavidviṣām || 1 ||
abhyarthanēna sarasīruhasambhavasya
tyaktvōditā bhagavadakṣipidhānalīlām |
viśvēśvarī vipadapākaraṇē purastāt
mātā mamāstu madhukaiṭabhayōrnihantrī || 2 ||
prāṅnirjarēṣu nihatairnijaśaktilēśaiḥ
ēkībhavadbhiruditā:’khilalōkaguptyai |
sampannaśastranikarā ca tadāyudhasthaiḥ
mātā mamāstu mahiṣāntakarī purastāt || 3 ||
prālēyaśailatanayā tanukāntisampat
kōśōditā kuvalayacchavicārudēhā |
nārāyaṇī namadabhīpsitakalpavallī
suprītimāvahatu śumbhaniśumbhahantrī || 4 ||
viśvēśvarīti mahiṣāntakarīti yasyāḥ
nārāyaṇītyapi ca nāmabhiraṅkitāni |
sūktāni paṅkajabhuvā ca surarṣibhiśca
dr̥ṣṭāni pāvakamukhaiśca śivāṁ bhajē tām || 5 ||
utpattidaityahananastavanātmakāni
saṁrakṣakāṇyakhilabhūtahitāya yasyāḥ |
sūktānyaśēṣanigamāntavidaḥ paṭhanti
tāṁ viśvamātaramajasramabhiṣṭavīmi || 6 ||
yē vaipracittapunarutthitaśumbhamukhyaiḥ
durbhikṣaghōrasamayēna ca kāritāsu |
āviṣkr̥tāstrijagadārtiṣu rūpabhēdāḥ
tairambikā samabhirakṣatu māṁ vipadbhyaḥ || 7 ||
sūktaṁ yadīyamaravindabhavādi dr̥ṣṭaṁ
āvartya dēvyanupadaṁ surathaḥ samādhiḥ |
dvāvapyavāpaturabhīṣṭamananyalabhyaṁ
tāmādidēvataruṇīṁ praṇamāmi mūrdhnā || 8 ||
māhiṣmatītanubhavaṁ ca ruruṁ ca hantuṁ
āviṣkr̥tairnijarasādavatārabhēdaiḥ |
aṣṭādaśāhatanavāhatakōṭisaṅkhyaiḥ
ambā sadā samabhirakṣatu māṁ vipadbhyaḥ || 9 ||
ētaccaritramakhilaṁ likhitaṁ hi yasyāḥ
sampūjitaṁ sadana ēva nivēśitaṁ vā |
durgaṁ ca tārayati dustaramapyaśēṣaṁ
śrēyaḥ prayacchati ca sarvamumāṁ bhajē tām || 10 ||
yatpūjanastutinamaskr̥tibhirbhavanti
prītāḥ pitāmaharamēśaharāstrayō:’pi |
tēṣāmapi svakaguṇairdadatī vapūṁṣi
tāmīśvarasya taruṇīṁ śaraṇaṁ prapadyē || 11 ||
kāntāramadhyadr̥ḍhalagnatayā:’vasannāḥ
magnāśca vāridhijalē ripubhiśca ruddhāḥ |
yasyāḥ prapadya caraṇau vipadastaranti
sā mē sadā:’stu hr̥di sarvajagatsavitrī || 12 ||
bandhē vadhē mahati mr̥tyubhayē prasaktē
vittakṣayē ca vividhē ya mahōpatāpē |
yatpādapūjanamiha pratikāramāhuḥ
sā mē samastajananī śaraṇaṁ bhavānī || 13 ||
bāṇāsuraprahitapannagabandhamōkṣaḥ
tadbāhudarpadalanāduṣayā ca yōgaḥ |
prādyumninā drutamalabhyata yatprasādāt
sā mē śivā sakalamapyaśubhaṁ kṣiṇōtu || 14 ||
pāpaḥ pulastyatanayaḥ punarutthitō māṁ
adyāpi hartumayamāgata ityudītam |
yatsēvanēna bhayamindirayā:’vadhūtaṁ
tāmādidēvataruṇīṁ śaraṇaṁ gatō:’smi || 15 ||
yaddhyānajaṁ sukhamavāpyamanantapuṇyaiḥ
sākṣāttamacyuta parigrahamāśvavāpuḥ |
gōpāṅganāḥ kila yadarcanapuṇyamātrāḥ
sā mē sadā bhagavatī bhavatu prasannā || 16 ||
rātriṁ prapadya iti mantravidaḥ prapannān
udbōdhya mr̥tyuvadhimanyaphalaiḥ pralōbhya |
buddhvā ca tadvimukhatāṁ pratanaṁ nayantīṁ
ākāśamādijananīṁ jagatāṁ bhajē tām || 17 ||
dēśakālēṣu duṣṭēṣu durgācandrakalāstutiḥ |
sandhyayōranusandhēyā sarvāpadvinivr̥ttayē || 18 ||
iti śrīmadapayyadīkṣitaviracitā durgācandrakalāstutiḥ ||
See more śrī durgā stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.