Read in తెలుగు / ಕನ್ನಡ / தமிழ் / देवनागरी / English (IAST)
śrīdēvyuvāca |
bhagavan dēvadēvēśa mantrārṇastavamuttamam |
dakṣiṇāmūrtidēvasya kr̥payā vada mē prabhō || 1 ||
śrīmahādēva uvāca |
sādhu pr̥ṣṭaṁ mahādēvi sarvalōkahitāya tē |
vakṣyāmi paramaṁ guhyaṁ mantrārṇastavamuttamam || 2 ||
r̥ṣiśchandō dēvatāṅganyāsādikamanuttamam |
mūlamantrapadasyāpi draṣṭavyaṁ sakalaṁ hi tat || 3 ||
dhyānam –
bhasmavyāpāṇḍurāṅgaḥ śaśiśakaladharō jñānamudrākṣamālā-
-vīṇāpustairvirājatkarakamaladharō yōgapaṭṭābhirāmaḥ |
vyākhyāpīṭhē niṣaṇṇē munivaranikaraiḥ sēvyamānaḥ prasannaḥ
savyālaḥ kr̥ttivāsāḥ satatamavatu nō dakṣiṇāmūrtirīśaḥ || 4 ||
iti dhyātvā mahādēvaṁ mantrārṇastavamuttamam |
japēt trisandhyaṁ niyatō bhasmarudrākṣabhūṣitaḥ || 5 ||
stōtram –
ōm | ōṅkārācalasiṁhēndraḥ ōṅkārōdyānakōkilaḥ |
ōṅkāranīḍaśukarāḍōṅkārāraṇyakuñjaraḥ || 6 ||
nagarājasutājānirnagarājanijālayaḥ |
navamāṇikyamālāḍhyō navacandraśikhāmaṇiḥ || 7 ||
nanditāśēṣamaunīndrō nandīśādimadēśikaḥ |
mōhānalasudhādhārō mōhāmbujasudhākaraḥ || 8 ||
mōhāndhakārataraṇirmōhōtpalanabhōmaṇiḥ |
bhaktajñānābdhiśītāṁśuḥ bhaktājñānatr̥ṇānalaḥ || 9 ||
bhaktāmbhōjasahasrāṁśuḥ bhaktakēkighanāghanaḥ |
bhaktakairavarākēnduḥ bhaktakōkadivākaraḥ || 10 ||
gajānanādisampūjyō gajacarmōjjvalākr̥tiḥ |
gaṅgādhavaladivyāṅgō gaṅgābhaṅgalasajjaṭaḥ || 11 ||
gaganāmbarasaṁvītō gaganāmuktamūrdhajaḥ |
vadanābjajitaśrīśca vadanēndusphuraddiśaḥ || 12 ||
varadānaikanipuṇō varavīṇōjjvalatkaraḥ |
vanavāsasamullāsī vanalīlaikalōlupaḥ || 13 ||
tējaḥpuñjaghanākārō tējasāmavibhāsakaḥ |
tējaḥpradō vidhēyānāṁ tējōmayanijāśramaḥ || 14 ||
damitānaṅgasaṅgrāmō darahāsōjjvalanmukhaḥ |
dayārasasudhāsindhuḥ daridradhanaśēvadhiḥ || 15 ||
kṣīrēndusphaṭikākāraḥ kṣitīndramakuṭōjjvalaḥ |
kṣīrōpahārarasikaḥ kṣipraiśvaryaphalapradaḥ || 16 ||
nānābharaṇamuktāṅgō nārīsammōhanākr̥tiḥ |
nādabrahmarasāsvādī nāgabhūṣaṇabhūṣitaḥ || 17 ||
mūrtininditakandarpō mūrtāmūrtajagadvapuḥ |
mūkājñānatamōbhānuḥ mūrtimatkalpapādapaḥ || 18 ||
taruṇādityasaṅkāśaḥ tantrīvādanatatparaḥ |
tarumūlaikanilayaḥ taptajāmbūnadaprabhaḥ || 19 ||
tattvapustōllasatpāṇiḥ tapanōḍupalōcanaḥ |
yamasannutasatkīrtiḥ yamasamyamasamyutaḥ || 20 ||
yatirūpadharō maunamunīndrōpāsyavigrahaḥ |
mandārahārarucirō madanāyutasundaraḥ || 21 ||
mandasmitalasadvaktrō madhurādharapallavaḥ |
mañjīramañjupādābjō maṇipaṭṭōlasatkaṭiḥ || 22 ||
hastāṅkuritacinmudrō haṁsayōgapaṭūttamaḥ |
haṁsajapyākṣamālāḍhyō haṁsēndrārādhyapādukaḥ || 23 ||
mēruśr̥ṅgasamullāsī mēghaśyāmamanōharaḥ |
mēghāṅkurālavālāgryō mēdhāpakvaphaladrumaḥ || 24 ||
dhārmikāntakr̥tāvāsō dharmamārgapravartakaḥ |
dhāmatrayanijārāmō dharōttamamahārathaḥ || 25 ||
prabōdhōdāradīpaśrīḥ prakāśitajagattrayaḥ |
prajñācandraśilācandraḥ prajñāmaṇilasatkaraḥ || 26 ||
jñānihr̥dbhāsamānātmā jñātr̥̄ṇāmavidūragaḥ |
jñānāyādr̥tadivyāṅgō jñātijātikulātigaḥ || 27 ||
prapannapārijātāgryaḥ praṇatārtyabdhibāḍabaḥ |
pramāṇabhūtō bhūtānāṁ prapañcahitakārakaḥ || 28 ||
yamisattamasaṁsēvyō yakṣagēyātmavaibhavaḥ |
yajñādhidēvatāmūrtiḥ yajamānavapurdharaḥ || 29 ||
chatrādhipadigīśaśca chatracāmarasēvitaḥ |
chandaḥ śāstrādinipuṇaśchalajātyādidūragaḥ || 30 ||
svābhāvikasukhaikātmā svānubhūtirasōdadhiḥ |
svārājyasampadadhyakṣaḥ svātmārāmamahāmatiḥ || 31 ||
hāṭakābhajaṭājūṭō hāsōdastārimaṇḍalaḥ |
hālāhalōjjvalagalō hārāyitabhujaṅgamaḥ || 32 ||
iti śrī dakṣiṇāmūrti mantrārṇāṣṭōttaraśatanāma stōtram |
See more śrī śiva stotras for chanting. See more śrī dakṣiṇāmūrti stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.