Sri Batuka Bhairava Sahasranama Stotram (Bhairava Tantram) – śrī baṭukabhairava sahasranāma stotram (bhairavatantre)

Read in తెలుగు / ಕನ್ನಡ / தமிழ் / देवनागरी / English (IAST)

īśvara uvāca |
deveśi bhakta sulabhe devanāyakavandite |
bhaktānāṃ kāryasiddhyarthaṃ nidāna brūhi tattvataḥ || 1 ||

vinaiva nyāsajālena pūjanena vinā bhavet |
vinā kāyādikleśena vittavyayaṃ vineśvari || 2 ||

asya śrībaṭukabhairava sahasranāma stotramantrasya brahmānandabhairava ṛṣiḥ triṣṭup chandaḥ baṭukabhairavo devatā baṃ bījaṃ hrīṃ śaktiḥ sarvābhīṣṭasiddhyarthe jape viniyogaḥ ||

nyāsaḥ –
karanyāsaḥ –
oṃ hrāṃ bāṃ aṅguṣṭhābhyāṃ namaḥ |
oṃ hrīṃ bīṃ tarjanībhyāṃ namaḥ |
oṃ hrūṃ būṃ madhyamābhyāṃ namaḥ |
oṃ hraiṃ baiṃ anāmikābhyāṃ namaḥ |
oṃ hrauṃ bauṃ kaniṣṭhikābhyāṃ namaḥ |
oṃ hraḥ baḥ karatalakarapṛṣṭhābhyāṃ namaḥ |

hṛdayādinyāsaḥ –
oṃ hrāṃ bāṃ hṛdayāya namaḥ |
oṃ hrīṃ bīṃ śirase svāhā |
oṃ hrūṃ būṃ śikhāyai vaṣaṭ |
oṃ hraiṃ baiṃ kavacāya hum |
oṃ hrauṃ bauṃ netratrayāya vauṣaṭ |
oṃ hraḥ baḥ astrāya phaṭ |

atha dhyānam –
udyadbhāskarasannibhaṃ trinayanaṃ raktāṅgarāgasrajaṃ
smerāsyaṃ varadaṃ kapālamabhayaṃ śūlaṃ dadhānaṃ karaiḥ |
nīlagrīvamudārakaustubhadharaṃ śītāṃśucūḍojjvalaṃ
bandhūkāruṇavāsasaṃ bhayaharaṃ devaṃ sadā bhāvayet || 3 ||

atha stotraṃ –

|| oṃ hrīm ||

baṭukaḥ kāmado nātho’nāthapriyaprabhākaraḥ |
bhairavo bhītihā darpaḥ kandarpo mīnaketanaḥ || 4 ||

rudro baṭukabhūtīśo bhūtanāthaḥ prajāpatiḥ |
dayāluḥ krūra īśāno janīśo lokavallabhaḥ || 5 ||

devo daityeśvaro vīro vīravandyo divākaraḥ |
balipriyaḥ suraśreṣṭhaḥ kaniṣṭho naiṣṭhikaḥ śiśuḥ || 6 ||

mahābalo mahātejā vittejo dyutivardhanaḥ |
tejasvī vīryavān vṛddho vivṛddho bhūtanāyakaḥ || 7 ||

bālakaḥ pālakaḥ kāmo vikāmaḥ kāmamardanaḥ |
kālikāramaṇaḥ kālīnāyakaḥ kālikāpriyaḥ || 8 ||

kālīśaḥ kālikākāntaḥ kālikānandavardhanaḥ |
kālikāhṛdayajñānī kālikātanayo nayaḥ || 9 ||

khageśaḥ khecaraḥ kheṭo viśiṣṭo kheṭakapriyaḥ |
kumāraḥ krodhanaḥ kālipriyaḥ parvatarakṣakaḥ || 10 ||

gaṇejyo gaṇapo gūḍho gūḍhaprāyo gaṇeśvaraḥ |
gaṇanātho gaṇaśreṣṭho gaṇamukhyo gaṇapriyaḥ || 11 ||

ghoranādo ghanaśyāmo ghanasvāmī ghanāntakaḥ |
ghoranāśo ghaneśāno dhanapatirdhanātmakaḥ || 12 ||

campakābhaścirañjīvī cāruveṣaścarācaraḥ |
cintyo’cintyaguṇo dhīmān sucittasthaścitīśvaraḥ || 13 ||

chatrī chatrapatiśchattā chinnanāsā manaḥ priyaḥ |
chinnābhaśchinnasantāpaśchaddīrācchardināntakaḥ || 14 ||

jetā jiṣṇurjahīśāno janānando janeśvaraḥ |
janako janasantoṣo jayajāyavināśanaḥ || 15 ||

jālandharo janārādhyo janādhyakṣo janapriyaḥ |
jīvahā jīvado janturjīvanātho jaleśvaraḥ || 16 ||

jayado jitvaro jihvo jayaśrīrjayavardhanaḥ |
jayābhūmirjayākāro jayaheturjayeśvaraḥ || 17 ||

jhaṅkārakṛdanantātmā jhaṅkāraheturātmabhūḥ |
jhañyoścarī harībhartā vibhartā bhṛtyakeśvaraḥ || 18 ||

ṭītkārahṛdayeyātmā ṭaṅkeśo ṭhaṅkanāyakaḥ |
ṭhakārabhū ṭharandhrīśo giripṛṣṭhakuraḥ patiḥ || 19 ||

ḍhuṇḍhirḍhakkāpriyaḥ pāntho ḍhuṇḍhirājo nirantakaḥ |
tāmrastamīśvarastotā tīrtharājastaḍitprabhaḥ || 20 ||

tryakṣastryakṣakastambhastākṣakastambhaṭeśvaraḥ |
sthalasthaḥ sthāvaraḥ sthātā sthirabuddhiḥ sthirendriyaḥ || 21 ||

sthirajñānī sthiraprītiḥ sthirasthītiḥ sthirāśayaḥ |
dāmo dāmodaro dambho dāḍimīkusumapriyaḥ || 22 ||

dāridryahā damī divyo divyadeho dinaprabhuḥ |
dinakaro divānātho divaseśo divākaraḥ || 23 ||

dīrghaścaro dalajyotirdaleśo dalasundaraḥ |
dalapriyo dalābhāśo dalapūjyo dalaprabhuḥ || 24 ||

dalakātirdalākāro dalasevyo dalārcitaḥ |
dīrghabāhurdalaśreṣṭho dalalubdho dalākṛtiḥ || 25 ||

dānavaśyo dayāsindhurdayālurdīpavallabhaḥ |
dhaneśo dhanado dharmo dhanarājo dhanaprabhuḥ || 26 ||

dhanaprado dhanādhyakṣo dhanamānyo dhanañjayaḥ |
dhīvaro dhātuko dhātā dhruvo dhūmalavardhanaḥ || 27 ||

dhaniṣṭho dhavalacchatrī dhanakāmyo dhaneśvaraḥ |
dhīro dhīrataro dhenurdhīreśo dharaṇīprabhuḥ || 28 ||

dharādhīśo dharānātho dharaṇīnāyako dharaḥ |
dharākānto dharāpālo dharaṇījanavallabhaḥ || 29 ||

dharādharo dharo dhṛṣṭo dhṛtarāṣṭro dhanīśvaraḥ |
nārado nīrado netā nītipūjyo natipriyaḥ || 30 ||

nītilabhyo natīśāno nītilabdho natīśvaraḥ |
pārthivaḥ pārthasampūjyaḥ pārthadaḥ praṇataḥ pṛthuḥ || 31 ||

pṛthivīśaḥ pṛthāsūnuḥ pṛthivībhṛtya īśvaraḥ |
purāṇaḥ pāradaḥ pānthaḥ pāñcālīpāvakaḥ prabhuḥ || 32 ||

pūrvasurapatiḥ śreyān prītidaḥ prītivardhanaḥ |
pārvatīśaḥ pareśānaḥ pārvatīhṛdayapriyaḥ || 33 ||

pārvatīramaṇaḥ pūtaḥ pavitraḥ pāpanāśanaḥ |
pātrī patrālisantuṣṭaḥ parituṣṭaḥ pumān priyaḥ || 34 ||

parveśaḥ parvatādhīśaḥ parvato nāyakātmajaḥ |
phālgunastu phaṇānāthaḥ phaṇīśaḥ phaṇarakṣakaḥ || 35 ||

phaṇīpatiḥ phaṇīśānaḥ phaṇarājaḥ phaṇākṛtiḥ |
balabhadro balī bālo baladhīrbalavardhanaḥ || 36 ||

balaprāṇo balādhīśo balidānapriyaṅkaraḥ |
balirājo baliprāṇo balinātho balapriyaḥ || 37 ||

balīvaraśca bāleśo bālakapriyadarśanaḥ |
bhadro bhadraprabho bhīmo bhīmaseno bhayaṅkaraḥ || 38 ||

bhavyo bhavyapriyo bhūtapatirbhūtavināyakaḥ |
bhūteśo bhūtido bhargo bhūtabhavyo bhaveśvaraḥ || 39 ||

bhavānīśo bhaveśāno bhavānīnāyakorbhakaḥ |
makāro mādhavo mīno mīnaketurmaheśvaraḥ || 40 ||

maheśumardano mantho mithuneśo’marādhipaḥ |
marīcirmañjulo moho mohahā mohamardanaḥ || 41 ||

mohako mohano medhāpriyo mohavināyakaḥ |
mahīpatirmaheśāno mahīrājo manoharaḥ || 42 ||

mahīśvaro mahīpālo mahīnātho mahīpriyaḥ |
mahīdharo mahādevo manurājo manupriyaḥ || 43 ||

maunī maunadharo medho mandāro mativardhanaḥ |
matido mantharo mantro mantrīśo mantranāyakaḥ || 44 ||

medhāvī mānado mānī mānahā mānamardanaḥ |
mīnago makarādhīśo madhuro maṇirañjitaḥ || 45 ||

maṇiramyo maṇibhrātā maṇimaṇḍanamaṇḍitaḥ |
mantrapo mantrado mugdho mokṣado mokṣavallabhaḥ || 46 ||

mallo mallapriyo mañco mallako melanaprabhuḥ |
malliko mallikāgandhī mallikākusumapriyaḥ || 47 ||

mālatīśo maghānātho’moghamūrtirmagheśvaraḥ |
mūlābho mūlahā mūlo mūlado mūlamatsaraḥ || 48 ||

māṇikyarociḥ sammugdho maṇikūṭo maṇipriyaḥ |
mukundo madano mando madavandyo manuprabhuḥ || 49 ||

manastho menakādhīśo menakāpriyadarśanaḥ |
yāmo yāmo yamī devo yādavo yadunāyakaḥ || 50 ||

yācako yājñiko yajño yajñeśo yajñavardhanaḥ |
ramāpatī ramādhīśo rameśo rāmavallabhaḥ || 51 ||

ramāpatī ramānātho ramākānto rameśvaraḥ |
revatīramaṇo rāmo rāmeśo rāmanandanaḥ || 52 ||

ramyamūrtī ratīśāno rākāyā nāyako raviḥ |
lakṣmīdharo lalajjihvo lakṣmībījajape rataḥ || 53 ||

lampaṭo lambarājeśo lambadeśo lakārabhūḥ |
vāmano vallabho vandyo vanamālī vaneśvaraḥ || 54 ||

vanastho vanago vindhyo vindhyarājo vanāhvayaḥ |
vanecaro vanādhīśo vanamālāvibhūṣaṇaḥ || 55 ||

veṇupriyo vanākāro vanārādhyo vanaprabhuḥ |
śambhuḥ śaṅkarasantuṣṭaḥ śambarāriḥ śarāsanaḥ || 56 ||

śabarīpraṇataḥ śālaḥ śilīmukhadhvanipriyaḥ |
śakulaḥ śallakaḥ śītaḥ śītiraśmiḥ sitāṃśukaḥ || 57 ||

śīladaḥ śīkaraḥ śīlaḥ śīlaśīlī śanaiścaraḥ |
siddhaḥ siddhikaraḥ sādhyaḥ siddhibhūḥ siddhibhāvanaḥ || 58 ||

siddhāntavallabhaḥ sindhuḥ sindhutīraniṣevitaḥ |
sindhupatiḥ surodhīraḥ sarasīruhalocanaḥ || 59 ||

saritpatiḥ saritsaṃsthaḥ saraḥ sindhuḥ sarovaraḥ |
sakhā vīrapatiḥ sūtaḥ sacetāḥ satpatiḥ sitaḥ || 60 ||

sindhurājaḥ sadābhūtaḥ sadāśivaḥ satāmpatiḥ |
sadīśaḥ sadanaḥ sūriḥ sevyamānasatīpatiḥ || 61 ||

sūryaḥ sūryapatiḥ sevyaḥ sevāpriyaḥ sanātanaḥ |
satīśaḥ saraśīnāthaḥ satīrājaḥ satīśvaraḥ || 62 ||

satīprāṇaḥ satīnāthaḥ satīsevyaḥ satīśvaraḥ |
siddhirājaḥ satītuṣṭaḥ sacivaḥ savyavāhanaḥ || 63 ||

satīnāyakasantuṣṭaḥ savyasācī sumantakaḥ |
saccittaḥ sarvasantoṣī sarvārāmaḥ susiddhidaḥ || 64 ||

sarvārādhyaḥ sacivākhyaḥ satīpatisusevitaḥ |
sāgaraḥ sagarasārthaḥ samudraḥ samudrapriyaḥ || 65 ||

samudratīrasantuṣṭaḥ samudrapriyadarśanaḥ |
samudreśaḥ saronāthaḥ sarasijavilocanaḥ || 66 ||

sarasījaladākāraḥ sarasījaladārcitaḥ |
samudrikaḥ samudrātmā sādhyamānaḥ sureśvaraḥ || 67 ||

surasevyaḥ sureśānaḥ suranāthaḥ surārcitaḥ |
surādhyakṣaḥ surārādhyaḥ suravandyaviśāradaḥ || 68 ||

suramukhyaḥ suraprāyaḥ surasindhunivāsavān |
sudhāpriyaḥ sudhādhīśaḥ sudhārādhyaḥ sudhāpatiḥ || 69 ||

sudhānāthaḥ sudhābhūtaḥ sudhāsāgarasevitaḥ |
hāṭako hīrako hantā harikasyaruciḥ prabhuḥ || 70 ||

havyavāho haridrābho haridrārasamardanaḥ |
hetirheturharitrātā harinātho haripriyaḥ || 71 ||

haripūjyo hariprāṇo harihṛṣṭo harīndrakaḥ |
harīśo hantṛko hīro harināmaparāyaṇaḥ || 72 ||

harimugdho harīramyo haridāso harīśvaraḥ |
haro haripatirhāro hariṇīcittahārakaḥ || 73 ||

harahito haraprāṇo harivāhanaśobhanaḥ |
hāso hāsapriyo hūhūrhutabhug hutavāhanaḥ || 74 ||

hutāśano halī hakko hālāhalahalāyudhaḥ |
halākāro halīśāno halipūjyo halipriyaḥ || 75 ||

haraputro harotsāho harasūnurharātmajaḥ |
haravandyo harādhīśo harāntako harākṛtiḥ || 76 ||

haramānyo harāṅkastho haravairivināśanaḥ |
haraśatrurharāvarṣo’haṅkāro hariṇīpriyaḥ || 77 ||

hāṭakeśo haṭeśāno hāṭakapriyadarśanaḥ |
hāṭako hāṭakaprāṇo hāṭabhūṣaṇabhūṣitaḥ || 78 ||

hetido hantako haṃso haṃsagatirhārāhvayaḥ |
haṃsīpatirharonmatto haṃsīśo haravallabhaḥ || 79 ||

harapuṣpaprabho haṃsīpriyo haṃsavilāsakaḥ |
harabījarato hārī harito haritāmpatiḥ || 80 ||

haritprabhurharitpālo harirantaranāyakaḥ |
hariddiśo haritprāṇo haripriyapriyo hitaḥ || 81 ||

herambo huṅkṛtikruddho herambānandano haṭhī |
herambaprāṇasaṃhartā herambahṛdayapriyaḥ || 82 ||

kṣamāpatiḥ kṣaṇaḥ kṣāntaḥ kṣuradhāraḥ kṣitīśvaraḥ |
kṣitīśaḥ kṣititaḥ kṣīṇaḥ kṣitipālaḥ kṣitiprabhuḥ || 83 ||

kṣitīśānaḥ kṣitiprāṇaḥ kṣitināyakasatpriyaḥ |
kṣitirājaḥ kṣaṇādhīśaḥ kṣaṇapatiḥ kṣaṇeśvaraḥ || 84 ||

kṣaṇapriyaḥ kṣamānāthaḥ kṣaṇadānāyakaḥpriyaḥ |
kṣaṇikaḥ kṣaṇadādhīśaḥ kṣaṇadāprāṇadaḥ kṣamī || 85 ||

kṣamaḥ kṣoṇipatiḥ kṣobhaḥ kṣobhakārī kṣamāpriyaḥ |
kṣamāśīlaḥ kṣamārūpaḥ kṣamāmaṇḍanamaṇḍitaḥ || 86 ||

kṣamānāthaḥ kṣamādhāraḥ kṣamākārī kṣamākaraḥ |
kṣemaḥ kṣīṇarajāḥ kṣudraḥ kṣudrapānaviśāradaḥ || 87 ||

kṣudreśānaḥ kṣaṇākāraḥ kṣīrapānakatatparaḥ |
kṣīraśāyī kṣaṇeśānaḥ kṣoṇibhṛt kṣaṇadotsavaḥ || 88 ||

kṣemaṅkaraḥ kṣamālubdhaḥ kṣamāśāstraviśāradaḥ |
kṣamīśvaraḥ kṣamākāmaḥ kṣamāhṛdayamaṇḍanaḥ || 89 ||

nīlādrirucirāśīśo nīlaparvatasannibhaḥ |
nīlamaṇiprabhāramyaḥ śaśibhūṣaṇabhūṣitaḥ || 90 ||

śaśadharaḥ śarībhūto muṇḍamālāvibhūṣitaḥ |
muṇḍastho muṇḍasantuṣṭo muṇḍamālādharo’naghaḥ || 91 ||

digvāsā vidigākāro digambaravarapradaḥ |
digambarīśa ānando digambaratanūdbhavaḥ || 92 ||

piṅgalaikajaṭo dhṛṣṭo ḍamarūvādanapriyaḥ |
sṛṇīkaraḥ sṛṇīśānaḥ khaḍgadhṛk khaḍgapālakaḥ || 93 ||

śūlahasto mataṅgābho mātaṅgotsavasundaraḥ |
abhayaṅkara ūrvaṅgo laṅkāpativināśanaḥ || 94 ||

nagāśayo nageśāno nāgamaṇḍanamaṇḍitaḥ |
nagākāro nagādhīśo nagaśāyī nagapriyaḥ || 95 ||

ghaṭotsavo ghaṭākāro ghaṇṭāvādyaviśāradaḥ |
kapālapāṇirambeśaḥ kapālāsanasādanaḥ || 96 ||

padmapāṇikapālaśca trinetro nāgavallabhaḥ |
kiṅkiṇījālasantuṣṭo jalaprāyo jalākaraḥ || 97 ||

apamṛtyuharo māyāmohamūlavināśanaḥ |
āyudhaḥ kamalānāthaḥ kamalākāntavallabhaḥ || 98 ||

rājyado rājarājeśī rājīvapaṭṭaśobhanaḥ |
ḍākinīnāyako nityo nityadharmaparāyaṇaḥ || 99 ||

ḍākinīhṛdayajñānī ḍākinīdehanāśakaḥ |
ḍākinīprāṇadaḥ śuddhaḥ śraddheyacarito vibhuḥ || 100 ||

hemaprabho himeśāno himānīpriyadarśanaḥ |
hemado marmado nāmī nāmadheyo nagātmajaḥ || 101 ||

vaikuṇṭho vāsukīprāṇo vāsukīkaṇṭhabhūṣaṇaḥ |
kuṇḍalīśo makhadhvaṃsī makharājo makheśvaraḥ || 102 ||

makhākāro makhādhīśo makhamālāvibhūṣaṇaḥ |
ambikāvallabho vāṇīpatirvāṇīviśāradaḥ || 103 ||

vāṇīśo vācaḥprāṇaśca vacastho vacanapriyaḥ |
velādharo diśāmīśo diṅnāgo hi digīśvaraḥ || 104 ||

dūrvāpriyo durārādhyo dāridryabhayabhañjanaḥ |
tarkastarkapriyastarkyo vitarkastarkavallabhaḥ || 105 ||

tarkasiddho’tisiddhātmā siddhadeho guhāśayaḥ |
grahagarbho graheśāno gandhagandhī viśāradaḥ || 106 ||

maṅgalo maṅgalākāro maṅgalavādyavādakaḥ |
maṅgalīśo vimānastho vimāno naikanāyakaḥ || 107 ||

budheśo vibudhādhīśo budhavāro budhākaraḥ |
budhanātho budhaprīto budhavandyo budhādhipaḥ || 108 ||

budhasiddho budhaprāṇo budhabuddho budhapriyaḥ |
somaprabho manaḥsiddho manojaprāṇanāśanaḥ || 109 ||

someśo maśakākāro somapāḥ somanāyakaḥ |
kāmagaḥ kāmahā bauddhaḥ kāmanāphalado’dhipaḥ || 110 ||

tridaśo daśarātreśo daśānanavināśanaḥ |
lakṣmaṇo lakṣyasambhartā lakṣyasaṅkhyo manaḥpriyaḥ || 111 ||

vibhāvasurnaleśāno nāyako nagajāpriyaḥ |
nalakāntirnalotsāho naradevo narākṛtiḥ || 112 ||

narapatirnareśāno nārāyaṇanareśvaraḥ |
anilo māruto māṃso māṃsaikarasasevitaḥ || 113 ||

marīciramareśāno māgadho magadhaprabhuḥ |
sundarīsevakoddhārī dvāradeśanivāsanaḥ || 114 ||

devakīgarbhasañjāto devakīsevakaḥ kuhūḥ |
bṛhaspatiḥ kaviḥ śukraḥ śāradāsādhakapriyaḥ || 115 ||

śāradāsādhakaprāṇaḥ śāradāsevakotsukaḥ |
śāradāsādhakaśreṣṭho vītarāgo gajaprabhuḥ || 116 ||

māṃsapriyo madhuprāṇo madhumāṃsamahotsavaḥ |
madhupo madhupaśreṣṭho madhupānasadāratiḥ || 117 ||

modakādānasamprīto modakāmodamoditaḥ |
āmodāmodito nando nandikeśo nadeśvaraḥ || 118 ||

nadīpriyo nadīnātho nadītīraruhastapāḥ |
tapanastāpanastāmratāpahā tāpakārakaḥ || 119 ||

pataṅgo gomukho gauro gopālo gopavardhanaḥ |
gaupatirgopasaṃhartā govṛndaikapriyo’tigaḥ || 120 ||

garviṣṭho guṇaramyaśca guṇasindhurgurupriyaḥ |
guṇapūjyo guṇopeto guṇavādyo guṇotsukaḥ || 121 ||

guṇīśaḥ kevalo garbhaḥ sugarbho garbharakṣakaḥ |
gāmbhīryadhārako dhartā vidhartā dharmapālakaḥ || 122 ||

jagadīśo jaganmitro jagattrātā jagatprabhuḥ |
jagaddhātā jagadbhoktā jagajjāḍyavināśanaḥ || 123 ||

jagatkartā jagaddhartā jagajjīvanajīvanaḥ |
mālatīpuṣpasuprīto mālatīkusumotsavaḥ || 124 ||

mālatīkusumākāro mālatīkusumaprabhuḥ |
rasālamañjarīramyo rasagandhaniṣevitaḥ || 125 ||

rasālamañjarīlubdho rasālataruvallabhaḥ |
rasālataruvāsī vai rasālaphalasundaraḥ || 126 ||

rasālarasasantuṣṭo rasālarasalālasaḥ |
ketakīpuṣpasantuṣṭo ketakīgarbhasambhavaḥ || 127 ||

ketakīpatrasaṅkāśaḥ ketakīprāṇanāśanaḥ |
gartastho gartagambhīro garteśo gartanāyakaḥ || 128 ||

gartageśo’tigartastho gartatīranivāsakaḥ |
gaṇasevyo gaṇādhyakṣo gaṇarājo gaṇāhvayaḥ || 129 ||

ānandabhairavo bhīrurbhairaveśo rururbhagaḥ |
subrahmabhairavo vāmabhairavo bhūtabhāvanaḥ || 130 ||

bhairavītanayo devīputraḥ parvatasambhavaḥ |
nāmnā yena sahasreṇa stutvā baṭukabhairavam || 131 ||

labhate hyatulāṃ lakṣmīṃ devānāmapi durlabhām |
upadeśaṃ gurorlabdhvā yoge trimaṅgalī bhavet || 132 ||

aṣṭamyāṃ vā caturdaśyāṃ vāsare bhūmisambhave |
śukre vā ravisaṅkrāntau yogo’yamuttamaḥ prabho || 133 ||

tasmin yoge maheśāni sarvasiddhimavāpnuyāt |
lakṣamāvartayenmantraṃ mantrarājaṃ nageśvari || 134 ||

nityakarmasusiddhyarthaṃ tatphalaṃ labhate dhruvam |
stavamenaṃ paṭhenmantrī pāṭhayan vā yathāvidhi || 135 ||

durlabhāṃ labhate siddhiṃ sarvadevanamaskṛtām |
na prakāśyaṃ ca putreṣu bhraṣṭeṣu tu kadācana || 136 ||

anyathā siddhirodhaḥ syādvātulo vā bhavetpriyaḥ |
stavasyāsya prasādena devanāyakavatpriyaḥ || 137 ||

saṅgrāme vijayecchatrūn mātaṅgāniva kesarī |
rājānaṃ vaśayet sadyo devānapi vaśaṃ nayet || 138 ||

kiṃ vā paraṃ phalaṃ nātha stavarājasya kathyatām |
yadyanmanasi saṅkalpya stavamenamudīrayan || 139 ||

tattadāpnoti deveśaṃ baṭukasya prasādataḥ |
āpadāṃ hi vināśāya kāraṇaṃ kānta durlabham || 140 ||

devāsuraraṇe ghoraṃ devānāmupakārakam |
prakāśitaṃ mayā nātha tantre bhairavadīpake || 141 ||

aputro labhate putraṃ ṣaṇmāsān nirato naraḥ |
paṭhitvā pāṭhayitvā’pi stavarājamanuttamam || 142 ||

daridro labhate lakṣmīmīpsitāmapi niścalām |
kanyārthī labhate kanyāṃ sarvarūpasamanvitām || 143 ||

pradoṣe balidāne ca vaśayedakhilaṃ jagat |
vaṭe vā bilvamūle vā rambhāyāṃ vipino’pi vā || 144 ||

japetsatatamālakṣaṃ mantrarājasya siddhaye |
varṇalakṣaṃ japedvāpi diṅmātraṃ hi pradarśitam || 145 ||

pūjayettu tilairmāṣairdugdhairmāṃsairjhaṣaistathā |
ghṛtapakvānnato vā’pi jemanai rasasaṅkulaiḥ || 146 ||

pūjayeddhārayedvā’pi stavamenaṃ susādhakaḥ |
paṭhedvā pāṭhayedvā’pi yathāvidhi surapriye || 147 ||

śatruto na bhayaṃ tasya nāgnicaurāstravajrajam |
jvarādisambhavaṃ vāpi satyaṃ satyaṃ maheśvari || 148 ||

bhairavārādhanāśakto yo bhavetsādhakaḥ prabho |
sadāśivaḥ sa vijñeyo bhairaveṇeti bhāṣitam || 149 ||

śrīmadbhairavarājasevanavidhau vaiyyagramāseduṣaḥ
puṃsaḥ pañcavidhā bhavanti navadhā hyaṣṭau tathā siddhayaḥ |
kṣoṇīpālakirīṭakoṭimaṇirunmālābharairbhūyaśo
maugdhyaṃ pādapayojayorvijayate mūrdhni prabhośchatratām || 150 ||

iti śrībhairavatantrokta śrī baṭukabhairava sahasranāma stotram ||