Read in తెలుగు / ಕನ್ನಡ / தமிழ் / English (IAST)
nārāyaṇīyaṁ catuścatvāriṁśadaśakam (44) – nāmakaraṇasaṁskārādi
gūḍhaṁ vasudēvagirā kartuṁ tē niṣkriyasya saṁskārān |
hr̥dgatahōrātatvō gargamunistvadgr̥haṁ vibhō gatavān || 44-1 ||
nandō:’tha nanditātmā vr̥ndiṣṭaṁ mānayannamuṁ yaminām |
mandasmitārdramūcē tvatsaṁskārān vidhātumutsukadhīḥ || 44-2 ||
yaduvaṁśācāryatvātsunibhr̥tamidamārya kāryamiti kathayan |
gargō nirgatapulakaścakrē tava sāgrajasya nāmāni || 44-3 ||
kathamasya nāma kurvē sahasranāmnō hyanantanāmnō vā |
iti nūnaṁ gargamuniścakrē tava nāma nāma rahasi vibhō || 44-4 ||
kr̥ṣidhātuṇakārābhyāṁ sattānandātmatāṁ kilābhilapat |
jagadaghakarṣitvaṁ vā kathayadr̥ṣiḥ kr̥ṣṇanāma tē vyatanōt || 44-5 ||
anyāṁśca nāmabhēdān vyākurvannagrajē ca rāmādīn |
atimānuṣānubhāvaṁ nyagadattvāmaprakāśayanpitrē || 44-6 ||
snihyati yastava putrē muhyati sa na māyikaiḥ punaśśōkaiḥ |
druhyati yassa tu naśyēdityavadattē mahattvamr̥ṣivaryaḥ || 44-7 ||
jēṣyati bahutaradaityān nēṣyati nijabandhulōkamamalapadam |
śrōṣyati suvimalakīrtīrasyēti bhavadvibhūtimr̥ṣirūcē || 44-8 ||
amunaiva sarvadurgaṁ taritāstha kr̥tāsthamatra tiṣṭhadhvam |
harirēvētyanabhilapannityādi tvāmavarṇayatsa muniḥ || 44-9 ||
gargē:’tha nirgatē:’smin nanditanandādinandyamānastvam |
madgadamudgatakaruṇō nirgamaya śrīmarutpurādhīśa || 44-10 ||
iti catuścatvāriṁśadaśakaṁ samāptam |
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.