Read in తెలుగు / ಕನ್ನಡ / தமிழ் / देवनागरी / English (IAST)
|| sampātipakṣaprarōhaḥ ||
ētairanyaiśca bahubhirvākyairvākyavidāṁ varaḥ |
māṁ praśasyābhyanujñāpya praviṣṭaḥ sa svamāśramam || 1 ||
kandarāttu visarpitvā parvatasya śanaiḥ śanaiḥ |
ahaṁ vindhyaṁ samāruhya bhavataḥ pratipālayē || 2 ||
adya tvētasya kālasya sāgraṁ varṣaśataṁ gatam |
dēśakālapratīkṣō:’smi hr̥di kr̥tvā munērvacaḥ || 3 ||
mahāprasthānamāsādya svargatē tu niśākarē |
māṁ nirdahati santāpō vitarkairbahubhirvr̥tam || 4 ||
utthitāṁ maraṇē buddhiṁ munivākyairnivartayē |
buddhiryā tēna mē dattā prāṇānāṁ rakṣaṇāya tu || 5 ||
sā mē:’panayatē duḥkhaṁ dīptēvāgniśikhā tamaḥ |
buddhyatā ca mayā vīryaṁ rāvaṇasya durātmanaḥ || 6 ||
putraḥ santarjitō vāgbhirna trātā maithilī katham |
tasyā vilapitaṁ śrutvā tau ca sītāvinākr̥tau || 7 ||
na mē daśarathasnēhāt putrēṇōtpāditaṁ priyam |
tasya tvēvaṁ bruvāṇasya sampātērvānaraiḥ saha || 8 ||
utpētatustadā pakṣau samakṣaṁ vanacāriṇām |
sa dr̥ṣṭvā svāṁ tanuṁ pakṣairudgatairaruṇacchadaiḥ || 9 ||
praharṣamatulaṁ lēbhē vānarāṁścēdamabravīt |
r̥ṣērniśākarasyaiva prabhāvādamitātmanaḥ || 10 ||
ādityaraśminirdagdhau pakṣau mē punarutthitau |
yauvanē vartamānasya mamāsīdyaḥ parākramaḥ || 11 ||
tamēvādyānugacchāmi balaṁ pauruṣamēva ca |
sarvathā kriyatāṁ yatnaḥ sītāmadhigamiṣyatha || 12 ||
pakṣalābhō mamāyaṁ vaḥ siddhipratyayakārakaḥ |
ityuktvā sa harīn sarvān sampātiḥ patagōttamaḥ || 13 ||
utpapāta girēḥ śr̥ṅgājjijñāsuḥ khagamāṁ gatim |
tasya tadvacanaṁ śrutvā prītisaṁhr̥ṣṭamānasāḥ |
babhūvurhariśārdūlā vikramābhyudayōnmukhāḥ || 14 ||
atha pavanasamānavikramāḥ
plavagavarāḥ pratilabdhapauruṣāḥ |
abhijidabhimukhā diśaṁ yayu-
-rjanakasutāparimārgaṇōnmukhāḥ || 15 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē triṣaṣṭitamaḥ sargaḥ || 63 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.