Read in తెలుగు / ಕನ್ನಡ / தமிழ் / देवनागरी / English (IAST)
|| sugrīvamantraḥ ||
tau tu dr̥ṣṭvā mahātmānau bhrātarau rāmalakṣmaṇau |
varāyudhadharau vīrau sugrīvaḥ śaṅkitō:’bhavat || 1 ||
udvignahr̥dayaḥ sarvāḥ diśaḥ samavalōkayan |
na vyatiṣṭhata kasmiṁściddēśē vānarapuṅgavaḥ || 2 ||
naiva cakrē manaḥ sthānē vīkṣamāṇō mahābalau |
kapēḥ paramabhītasya cittaṁ vyavasasāda ha || 3 ||
cintayitvā sa dharmātmā vimr̥śya gurulāghavam |
sugrīvaḥ paramōdvignaḥ sarvairanucaraiḥ saha || 4 ||
tataḥ sa sacivēbhyastu sugrīvaḥ plavagādhipaḥ |
śaśaṁsa paramōdvignaḥ paśyaṁstau rāmalakṣmaṇau || 5 ||
ētau vanamidaṁ durgaṁ vālipraṇihitau dhruvam |
chadmanā cīravasanau pracarantāvihāgatau || 6 ||
tataḥ sugrīvasacivā dr̥ṣṭvā paramadhanvinau |
jagmurgiritaṭāttasmādanyacchikharamuttamam || 7 ||
tē kṣipramadhigamyātha yūthapā yūthaparṣabham |
harayō vānaraśrēṣṭhaṁ parivāryōpatasthirē || 8 ||
ēvamēkāyanagatāḥ plavamānā girērgirim |
prakampayantō vēgēna girīṇāṁ śikharāṇyapi || 9 ||
tataḥ śākhāmr̥gāḥ sarvē plavamānā mahābalāḥ |
babhañjuśca nagāṁstatra puṣpitān durgasaṁśritān || 10 ||
āplavantō harivarāḥ sarvatastaṁ mahāgirim |
mr̥gamārjāraśārdūlāṁstrāsayantō yayustadā || 11 ||
tataḥ sugrīvasacivāḥ parvatēndraṁ samāśritāḥ |
saṅgamya kapimukhyēna sarvē prāñjalayaḥ sthitāḥ || 12 ||
tatastaṁ bhayasaṁvignaṁ vālikilbiṣaśaṅkitam |
uvāca hanumānvākyaṁ sugrīvaṁ vākyakōvidaḥ || 13 ||
sambhramastyajyatāmēṣaḥ sarvairvālikr̥tē mahān |
malayō:’yaṁ girivarō bhayaṁ nēhāsti vālinaḥ || 14 ||
yasmādudvignacētāstvaṁ pradrutō haripuṅgava |
taṁ krūradarśanaṁ krūraṁ nēha paśyāmi vālinam || 15 ||
yasmāttava bhayaṁ saumya pūrvajāt pāpakarmaṇaḥ |
sa nēha vālī duṣṭātmā na tē paśyāmyahaṁ bhayam || 16 ||
ahō śākhāmr̥gatvaṁ tē vyaktamēva plavaṅgama |
laghucittatayā:’:’tmānaṁ na sthāpayasi yō matau || 17 ||
buddhivijñānasampannaḥ iṅgitaiḥ sarvamācara |
na hyabuddhiṁ gatō rājā sarvabhūtāni śāsti hi || 18 ||
sugrīvastu śubhaṁ vākyaṁ śrutvā sarvaṁ hanūmataḥ |
tataḥ śubhataraṁ vākyaṁ hanūmantamuvāca ha || 19 ||
dīrghabāhū viśālākṣau śaracāpāsidhāriṇau |
kasya na syādbhayaṁ dr̥ṣṭvā hyētau surasutōpamau || 20 ||
vālipraṇihitāvētau śaṅkē:’haṁ puruṣōttamau |
rājānō bahumitrāśca viśvāsō nātra hi kṣamaḥ || 21 ||
arayaśca manuṣyēṇa vijñēyāśchannacāriṇaḥ |
viśvastānāmaviśvastā randhrēṣu praharanti hi || 22 ||
kr̥tyēṣu vālī mēdhāvī rājānō bahudarśanāḥ |
bhavanti parahantārastē jñēyāḥ prākr̥tairnaraiḥ || 23 ||
tau tvayā prākr̥tēnaiva gatvā jñēyau plavaṅgama |
iṅgitānāṁ prakāraiśca rūpavyābhāṣaṇēna ca || 24 ||
lakṣayasva tayōrbhāvaṁ prahr̥ṣṭamanasau yadi |
viśvāsayan praśaṁsābhiriṅgitaiśca punaḥ punaḥ || 25 ||
mamaivābhimukhaṁ sthitvā pr̥ccha tvaṁ haripuṅgava |
prayōjanaṁ pravēśasya vanasyāsya dhanurdharau || 26 ||
śuddhātmānau yadi tvētau jānīhi tvaṁ plavaṅgama |
vyābhāṣitairvā vijñēyā syādduṣṭāduṣṭatā tayōḥ || 27 ||
ityēvaṁ kapirājēna sandiṣṭō mārutātmajaḥ |
cakāra gamanē buddhiṁ yatra tau rāmalakṣmaṇau || 28 ||
tathēti sampūjya vacastu tasya tat
kapēḥ subhīmasya durāsadasya ca |
mahānubhāvō hanumānyayau tadā
sa yatra rāmō:’tibalaśca lakṣmaṇaḥ || 29 ||
ityārṣē śrīmadrāmāyaṇē vālmīkīyē ādikāvyē kiṣkindhakāṇḍē dvitīyaḥ sargaḥ || 2 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.