Yuddha Kanda Sarga 23 – யுத்³த⁴காண்ட³ த்ரயோவிம்ஶ꞉ ஸர்க³꞉ (23)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ த்ரயோவிம்ஶ꞉ ஸர்க³꞉ (23)

॥ லங்காபி⁴ஷேணநம் ॥

நிமித்தாநி நிமித்தஜ்ஞோ த்³ருஷ்ட்வா லக்ஷ்மணபூர்வஜ꞉ ।
ஸௌமித்ரிம் ஸம்பரிஷ்வஜ்ய இத³ம் வசநமப்³ரவீத் ॥ 1 ॥

பரிக்³ருஹ்யோத³கம் ஶீதம் வநாநி ப²லவந்தி ச ।
ப³லௌக⁴ம் ஸம்விப⁴ஜ்யேமம் வ்யூஹ்ய திஷ்டே²ம லக்ஷ்மண ॥ 2 ॥

லோகக்ஷயகரம் பீ⁴மம் ப⁴யம் பஶ்யாம்யுபஸ்தி²தம் ।
நிப³ர்ஹணம் ப்ரவீராணாம்ருக்ஷவாநரரக்ஷஸாம் ॥ 3 ॥

வாதாஶ்ச கலுஷா வாந்தி கம்பதே ச வஸுந்த⁴ரா ।
பர்வதாக்³ராணி வேபந்தே பதந்தி ச மஹீருஹா꞉ ॥ 4 ॥

மேகா⁴꞉ க்ரவ்யாத³ஸங்காஶா꞉ பருஷா꞉ பருஷஸ்வநா꞉ ।
க்ரூரா꞉ க்ரூரம் ப்ரவர்ஷந்தி மிஶ்ரம் ஶோணிதபி³ந்து³பி⁴꞉ ॥ 5 ॥

ரக்தசந்த³நஸங்காஶா ஸந்த்⁴யா பரமதா³ருணா ।
ஜ்வலத꞉ ப்ரபதத்யேததா³தி³த்யாத³க்³நிமண்ட³லம் ॥ 6 ॥

தீ³நா தீ³நஸ்வரா꞉ க்ரூரா꞉ ஸர்வதோ ம்ருக³பக்ஷிண꞉ ।
ப்ரத்யாதி³த்யம் விநர்த³ந்தி ஜநயந்தோ மஹத்³ப⁴யம் ॥ 7 ॥

ரஜந்யாமப்ரகாஶஸ்து ஸந்தாபயதி சந்த்³ரமா꞉ ।
க்ருஷ்ணரக்தாம்ஶுபர்யந்தோ லோகக்ஷய இவோதி³த꞉ ॥ 8 ॥

ஹ்ரஸ்வோ ரூக்ஷோ(அ)ப்ரஶஸ்தஶ்ச பரிவேஷ꞉ ஸுலோஹித꞉ ।
ஆதி³த்யே விமலே நீலம் லக்ஷ்ம லக்ஷ்மண த்³ருஶ்யதே ॥ 9 ॥

ரஜஸா மஹதா சாபி நக்ஷத்ராணி ஹதாநி ச ।
யுகா³ந்தமிவ லோகாநாம் பஶ்ய ஶம்ஸந்தி லக்ஷ்மண ॥ 10 ॥

காகா꞉ ஶ்யேநாஸ்ததா² க்³ருத்⁴ரா꞉ நீசை꞉ பரிபதந்தி ச ।
ஶிவாஶ்சாப்யஶிவாந்நாதா³ந்நத³ந்தி ஸுமஹாப⁴யாந் ॥ 11 ॥

ஶைலை꞉ ஶூலைஶ்ச க²ட்³கை³ஶ்ச விஸ்ருஷ்டை꞉ கபிராக்ஷஸை꞉ ।
ப⁴விஷ்யத்யாவ்ருதா பூ⁴மிர்மாம்ஸஶோணிதகர்த³மா ॥ 12 ॥

க்ஷிப்ரமத்³யைவ து³ர்த⁴ர்ஷாம் புரீம் ராவணபாலிதாம் ।
அபி⁴யாம ஜவேநைவ ஸர்வதோ ஹரிபி⁴ர்வ்ருதா꞉ ॥ 13 ॥

இத்யேவமுக்த்வா த⁴ர்மாத்மா த⁴ந்வீ ஸங்க்³ராமத⁴ர்ஷண꞉ । [ஹர்ஷண꞉]
ப்ரதஸ்தே² புரதோ ராமோ லங்காமபி⁴முகோ² விபு⁴꞉ ॥ 14 ॥

ஸவிபீ⁴ஷணஸுக்³ரீவாஸ்ததஸ்தே வாநரர்ஷபா⁴꞉ ।
ப்ரதஸ்தி²ரே விநர்த³ந்தோ நிஶ்சிதா த்³விஷதாம் வதே⁴ ॥ 15 ॥

ராக⁴வஸ்ய ப்ரியார்த²ம் து த்⁴ருதாநாம் வீர்யஶாலிநாம் ।
ஹரீணாம் கர்மசேஷ்டாபி⁴ஸ்துதோஷ ரகு⁴நந்த³ந꞉ ॥ 16 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்ரயோவிம்ஶ꞉ ஸர்க³꞉ ॥ 23 ॥

யுத்³த⁴காண்ட³ சதுர்விம்ஶ꞉ ஸர்க³꞉ (24) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.